Fjala Artistike

“Fjala Artistike” ishte aktiviteti i radhës në kuadër të Muajit të Letërsisë, i organizuar nga shkolla 9- vjeçare “Alush Grepcka” në ambientet e Pallatit të Kulturës, Roskovec.
Emocione të papërsëritshme përcollën artistët e vegjël tek të gjithë të pranishmit të cilët e kishin tejmbushur sallën.
Gjyshërit dhe prindërit prisnin me padurim kur vogëlushët e tyre dilnin në skenë.
Fëmijë nga klasa e parë deri në klasën e nëntë recituan, kënduan dhe dramatizuan pjesë të ndryshme nga shkrimtarët më të njohur.
Krenarë për këta fëmijë të cilët do të jenë e ardhmja e vendit tonë.
Mirënjohës dhe falenderues për mësueset organizatore znj. Mimoza Xhindi, znj. Burbuqe Plaka dhe gjithë stafin e mësueseve të sektorit të letërsisë. 

Transparencë- Qeverisje e Suksesshme

Qendra për Çështjet e Informimit Publik, INFOCIP, shpalli rezultatet e Monitorimi Kombëtar për implementimin e ligjit “Për të Drejtën e Informimit” në nivel të qeverisjes vendore.
Nga monitorimi Bashkia Roskovec është renditur në vendin katërt nga 61 bashkitë e Shqipërisë dhe është vlerësuar me notën 9.8.
Ky studim ka monitoruar disa nga karakteristikat më rëndësishme: Pjesëmarrja, Sundimi i ligjit, Transparenca, Përgjegjshmëria, Llogaridhënia, të cilat konsiderohen si parametrat kryesor për matjen e një qeverisje të mirë.
Ky vlerësim na bën të gjithëve krenarë, njëkohësisht na vendos përpara përgjegjësisë për të punuar akoma më shumë.

Ti sill ide, ne i kthejmë në biznes!

Ti sill ide, ne i kthejmë në biznes 
Kjo mundësi shumë e mirë për të filluar ndryshimin, bëri bashkë shumë të rinj e të reja të cilët kanë ide dhe synojnë të hapin biznese të ndryshme.
Ky ishte trajnimi i parë, ku ata morën disa nga mësimet bazë që nevojiten para se të hapësh një biznes në mënyrë që të rezultojë i suksesshëm.
Trajnimi ishte bashkëpunim i bashkisë Roskovec me Ambasadën Zviceriane, Shoqatën “ Njerëzit të Parët” , English Corner dhe Swiss Contact.
Të rinjtë u trajnuan nga përfaqësuesit e Ambasadës Zviceriane z. Christian Atz, z. Çelik Nimani dhe përfaqësuesja e shoqatës “Njerëzit të Parët” zj.Lusiana Mailaj.

Festa e Ullirit

Tashmë e kthyer në traditë, festa e Ullirit festohet për herë të dytë në Kurjan. Pranë kishës 700- vjeçare, kjo festë ka si qellim rilindjen dhe promovimin e traditës, vlerat më të mira të zonës sonë dhe turizmin.
Nderuan me pjesëmarrjen e tyre në këtë aktivitet Deputetët e qarkut Fier znj. Antoneta Dhima, z. Anduel Xhindi, Kryetarja e bashkisë Patos znj. Rajmonda Balilaj, Kryebashkiakia e Urës Vajgurore znj. Juliana Memaj, Prefekti i qarkut Fier z. Vasil Bregu, përfaqësues të Youth Act, përfaqësues të kishës, këngëtari i mirënjohur z. Petrit Lulo dhe shumë e shumë intelektual të zonës sonë dhe jo vetëm.
Fillimisht Kryetarja e bashkisë znj. Majlinda Bufi së bashku më të ftuarit bën një vizitë në fabrikën e vajit të ullirit ku vëzhguan nga afër përpunimin e ullirit.
Festa më pas u zhvendos pranë kishës së “Shën Kollit” ku të pranishmit kaluan momente të bukura nën tigujt e muzikës dhe zërin e pa krahësueshëm të këngëtarit Petrit Lulo.
Festa ishte e mbushur me aktivitete të ndryshme si paniri me prodhime bujqësore – blektorale, promovimin e produkteve vendase, demostrimi i përfitimit të vajit me metodën e shtypjes me këmbë. Në panair ishin të pranishëm dhe disa nga pronarët e fabrikave të vajit dhe fermerë te ullirit.
Festën e gjallëruan dhe fëmijët të cilët kishin organizuar koreografi të ndryshme të veshura më veshje popullore.
Ta gëzojmë ndër vite Festën e Ullirit!

Dëgjesa Publike Marinëz

Takimi publik në Marinëz përmbylli ciklin e takimeve të zhvilluara në kuadër të proçesit të buxhetimit me pjesëmarrje për vitin 2018. Në këtë takim morën pjesë Kryetarja e bashkisë Roskovec znj. Majlinda Bufi së bashku me stafin e saj drejtues. Gjithashtu të pranishëm ishin përfaqësues të Këshillit Bashkiak z. Elmaz Cepele, z.Viktor Mata, z. Kudret Kuka, kryetari i fshatit z. Haxhi Ruko dhe përfaqësues nga komuniteti, fermerë.
Të gjitha problemet dhe projektet prioritare te këtij komuniteti u mbajtën shënim nga stafi i bashkisë.
Në fazën e dytë të përgatitjes së buxhetit për vitin 2018 dhe atë tre vjeçar 2018-2019-2020, të gjitha kërkesat dhe problematikat e ngritura nga komuniteti në të gjitha zonat do të shqyrtohen , do të përcaktohen projektet prioritare dhe ato të cilat janë më emergjente për tu zbatuar.

 

Dëgjesa Publike Roskovec

Janë drejt fundit takimet publike të zhvilluara në kuadër të proçesit të iniciuar nga bashkia Roskovec “ Buxhetimin me Pjesëmarrje për vitin 2018”.
Në ambientet e Pallatit të Kulturës u zhvillua sot dëgjesa me komunitetit e Roskovecit. Në të gjitha takimet e zhvilluara deri më tani vihet re dukshëm se komuniteti është shumë i interesuar për t’u përfshirë në proçesin e buxhetimit. Ky ishte qellimi që bashkia Roskovec filloi këtë proçes: Rritja e pjesëmarrjes së qytetarëve në vendimarrjen e bashkisë rreth buxhetit.
Këtë takim e drejtoi Kryetarja e bashkisë znj. Majlinda Bufi. Të pranishëm gjithashtu ishin dhe Administratori i përgjithshëm z. Kadri Hyska, N/ Kryetari i bashkisë z. Isa Hoxha, përfaqësues të Këshillit Bashkiak z. Elmaz Çepele, z. Kudret Kuka, përfaqësues nga drejtoritë e bashkisë dhe sigurisht qytetarë, fermerë e biznese.
Për punët e mira të realizuara në Roskovec dhe jo vetëm, nuk ka nevojë për fjalë.
Por akoma kemi shumë punë të cilat duhen përmirësuar dhe për këtë jemi të vetëdijshëm.
Të gjitha problemet që qytetarët shpalosën në këtë takim u mbajtën shënim dhe në fazën e dytë të përgatitjes së buxhetit, do të përcaktohen projektet prioritare për secilën zonë.

FESTA E ULLIRIT

Me pjesëmarrjen e këngëtarit Petrit Lulo, Bashkia Roskovec nën kujdesin e veçantë të kryetares zj. Majlinda BUFI organizon më datë 27 tetor 2017 ora 10.00 , në kishën 700- vjeçare të Shën Kollit në Kurjan, FESTËN E ULLIRIT.
Në këtë festë do të ketë koncert me këngë e valle të zonës, pjesëmarrje nga grupet e njësive administrative, panair bujqesor-blegtoral, etj.
Ftojmë të gjithë bashkëqytetarët të marrin pjesë në këtë festë e cila është kthyer në traditë të përvitshme në bashkinë tonë.
Shumë surpriza na presin. 
Mos mungoni të shijoni bukuritë e natyrës që kjo zonë ofron!

 

Dëgjesa Publike Suk 1

Pas takimit publik në Arapaj, stafi i bashkisë u drejtua në lagjet e fshatit Suk 1 për të dëgjuar të gjitha problematikat që shqetësojnë këtë komunitet.
Bashkia Roskovec është në fazën e përgatitjes së buxhetit për vitin 2018 prandaj dhe kemi nisur dëgjesat publike për të përcaktuar të gjitha projektet prioritare që komuniteti ka.
Në takimin publik ishin të pranishëm Administratori i përgjithshëm z. Kadri Hyska, N/ Kryetari i bashkisë z. Isa Hoxha, Administratori i Njësisë Administrative z. Ysenj Agaçi, përfaqësues nga Këshilli Bashkiak z. Elmaz Çepele, z. Kudret Kuka dhe kryetari i fshatit z. Kujtim Karamani.
Pasi u dëgjuan me vëmendje të veçantë të gjitha problematikat e kësaj zone, N/ Kryetari i bashkisë z. Hoxha siguroi se të gjitha problematikat e komunitetit do të shqyrtohen me vëmendje të veçantë nga vetë Kryebashkiakia znj. Majlinda Bufi dhe stafi i saj.

Dëgjesa Publike Arapaj

Falenderues dhe mirënjohës për rrugën Arapaj- Suk 1.
Kështu filloi takimi me komunitetin e fshatit Arapaj, Njësia Administrative Strum.
Rrugës, një problemi madhor të mbartur vite me radhë, po i jepet zgjidhje përfundimtare. Por akoma ka shumë probleme të cilat u përmendën nga komuniteti përpara stafit të bashkisë.
Të pranishëm në takimin publik në Arapaj ishin Administratori i përgjithshëm z. Kadri Hyska, N/Kryetari i bashkisë z. Isa Hoxha, Administratori i Njësisë Administrative z. Ysenj Agaçi, përfaqësues të sektorëve të ndryshëm dhe kryetari i fshatit z. Agron Dogani .
Shumë të drejta dhe me vend ishin të gjitha problematikat e ngritura nga ky komunitet. Sigurisht që të gjitha u mbajtën shënim nga stafi i bashkisë për t’u rishikuar më pas në fazën e dytë të përgatitjes së buxhetit për vitin 2018.

Dëgjesa Publike Suk 2

Kryetarja e bashkisë Roskovec znj. Majlinda Bufi së bashku me stafin e saj zhvilluan sot dëgjesën publike në fshatin Suk 2, në kuadër të buxhetimit me pjesëmarrje për vitin 2018. Gjatë këtij takimi morën pjesë dhe përfaqësues nga Këshilli Bashkiak z. Ardian Metohu , z. Kudret Kuka, z. Konstandin Dorre , kryetari i fshatit z. Gëzim Toska dhe përfaqësues të komunitetit, fermerë e biznese.
Të gjitha projektet prioritare të përmendura nga komuniteti, u mbajtën shënim për t’u rishikuar në një fazë të dytë.
Këto dëgjesa zhvillohen me qëllimin që të rritet pjesëmarrja e qytetarëve në vendimarrjen e bashkisë rreth buxhetit.