Dëgjesa Publike Velmish

Komuniteti i Velmishit shprehu të gjitha problemet dhe nevojat që ata kanë para stafit të bashkisë, gjatë takimit publik të zhvilluar sot në këtë zonë. Të pranishëm në këtë dëgjesë ishin Kryetarja e bashkisë znj. Majlinda Bufi, Administratori i përgjithshëm z. Kadri Hyska, N/ Kryetari i bashkisë z. Isa Hoxha, Administratori i Njësisë Administrative Strum z. Ysenj Agaçi, përfaqësues të sektorëve të ndryshëm, përfaqësues nga Këshilli Bashkiak z. Kudret Kuka dhe kryetari i fshatit z. Dashnor Hazizi.
Pasi u dëgjuan me vëmendje të veçantë të gjitha problematikat e kësaj zone, Kryebashkiakia znj. Bufi siguroi se të gjitha çështjet e ngritura gjatë këtij takimi do të shqyrtohen në një fazë të dytë për të përcaktuar projektet prioritare për këtë zonë.

Dëgjesa Publike Vidhisht

Pas dëgjesës publike në Kuman, vazhduam takimin me komunitetin e Vidhishtës në kuadër të proçesit të buxhetimit me pjesëmarrje për vitin 2018.
Sigurisht që në këtë takim s’mund të mungonin Administratori i përgjithshëm z. Kadri Hyska, N/ Kryetari i bashkisë z. Isa Hoxha, Administratori i Njësisë Administrative Kuman z. Dritan Shahu. Gjithashtu të pranishëm ishin dhe dy këshilltarët znj. Diana Xhaxho, z. Kudret Kuka, kryetari i fshatit z. Nebi Pelo, përfaqësuesi i Peace Corpus z. Robert White dhe përfaqësues nga komuniteti, fermerë dhe biznese.
Ashtu si dhe në çdo dëgjesë tjetër të zhvilluar deri më tani, u diskutua mbi problemet që këta banorë hasin gjatë përditshmërisë së tyre të cilat u mbajtën shënim nga stafi i bashkisë për të seleksionuar në një fazë të dytë projektet prioritare për këtë fshat.

Muaji i Letërsisë

Muaji tetor është cilësuar nga Ministria e Kulturës si muaji i Letërsisë duke organizuar Fushatën Kombëtare të Leximit.
Kjo fushatë leximi synon të orientojë shoqërinë, në veçanti brezin e ri, drejt kulturës së të lexuarit.
Në kuadër të muajit të Letërsisë, Biblioteka Publike Roskovec organizoi një aktivitet kulturor me temën “Fjala e Lirë”.
Të pranishëm në këtë aktivitet ishin N/ Kryetari i bashkisë z. Isa Hoxha, drejtuesit dhe disa mësues të shkollave të bashkisë Roskovec, nxënës të talentuar dhe sigurisht organizatorët e këtij aktiviteti z. Thoma Goga përgjegjës i Pallatit të Kulturës, z. Ervin Agaçi përgjegjës i sektorit të arsimit dhe punonjësja e bibliotekës znj. Eralda Duraj.
Emocione të mëdha transmetuan tek të pranishmit nxënësit me recitimet, interpretimet dhe krijimet e tyre.
Në kuadër të projektit të iniciuar nga bashkia Roskovec “ Dhuro një libër- Hap një dritare”, nxënësit dhe mësuesit dhuruan libra për bibliotekën e qytetit.
Këto projekte për të nxitur leximin bëhen më dëshirën për t’u sjell në vëmendje brezave të rinj kënaqësinë e të lexuarit libra.
Rruga e dijes është e gjatë dhe e vështirë, por ajo bëhet e bukur kur ke bashkudhëtar një mik të mirë e besnik “ LIBRIN”.

Dëgjesa Publike Strum

Sot ishin në lagjet e Strumit ku u diskutuan të gjitha problematikat që ky komunitet ka. Filluam dëgjesat publike për Njësinë Administrative Strum të cilat do të organizohen dhe në ditët në vazhdim në fshatrat e tjerë, në kuadër të buxhetimit me pjesëmarrje për vitin 2018.
Në këtë takim publik morën pjesë Administratori i përgjithshëm z. Kadri Hyska, N/ Kryetari z. Isa Hoxha, Administratori i Njësisë Administrative Strum z. Ysenj Agaçi, përfaqësues të sektorëve të ndryshëm të bashkisë, përfaqësuesi i Peace Corpus z. Robert White, këshilltarët e Këshillit Bashkiak z. Kudret Kuka, z. Bujar Cjapi dhe kryetari i fshatit z. Skënder Spahiu. Përfaqësuesit e komunitetit shpalosën të gjitha problemet ekziztuese të zonës së tyre.
Zëri i qytetarëve, mendimet dhe prioritetet e tyre janë shumë të rëndësishme në ecurinë e punës sonë. Prandaj dhe në proçesin e përpilimit të buxhetit të bashkisë për vitin 2018, një rëndësi shumë të madhe marrin projektet prioritare të komunitetit.

Dita e Lumturimit të Nënë TEREZES

4 vjetori i Ditës së Lumturimit të Nënë TEREZES 
Kjo NËNË e përvuajtur e njerëzimit, e cila doli nga gjiri i një populli të lashtë, me kulturë, identitet dhe histori origjinale, të veçantë dhe të pandërprerë, asnjëherë nuk e fshehu origjinën e saj shqiptare
Gonxhe Bojaxhiu u bë nëna e njeriut të pambrojtur, nëna e njeriut të pashpresë, nëna e nevojtarit, e jetimit, e të sëmurit, e të pafuqishmit, nëna e të braktisurit: nëna e tërë njerëzimit.
Nënë Tereza u shpall e “lumturuar” nga Papa Gjon Pali II, si simbol i ndihmës dhe respektit për “më të varfëritë e të varfërve”, të cilëve ajo iu kushtoi krejt jetën.

Dëgjesa publike Luar

Sot ishim në takim me komunitetin e fshatit Luar, Njësia Administrative Kuman. Ky takim u zhvillua në kuadër të dëgjesave publike për buxhetimin me pjesëmarrje për vitin 2018. Në dëgjesë morën pjesë Administratori i përgjithshëm z. Kadri Hyska, N/ Kryetari i bashkisë z. Isa Hoxha, Administratori i Njësisë Administrative Kuman z. Dritan Shahu, kryetari i fshatit z. Nexhip Pashaj, përfaqësues të sektorëve të ndryshëm të bashkisë dhe përfaqësues nga komuniteti, fermerë dhe biznese.
Gjatë kësaj dëgjese pati dikutime të ndërsjellta ndërmjet përfaqësuesve të bashkisë dhe komunitetit të cilët shpalosën të gjitha problemet dhe shqetësimet që ata kanë.
Ashtu si dhe në dëgjesat e tjera, të gjitha problematikat u mbajtën shënim dhe në një fazë të dytë do të përcaktohen prioritetet për secilin fshat.

 

Transparencë ndaj qytetarëve

Si çdo fillim jave dhe sot u zhvillua mbledhja e Kryetares së bashkisë Roskovec znj. Majlinda Bufi me N/ Kryetarët e Bashkisë, Administratorin e përgjithshëm, Administratorët e Njësive Administrative dhe drejtuesit e drejtorive. U diskutuan detyrat e përfunduara të caktuara nga java paraardhëse dhe problematikat qe hasen gjatë punëve të përditshme. Gjithashtu iu caktuan gjithësecilit detyrat që duhen zbatuar për këtë javë.

#Transparencë_ndaj_komunitetit
#Bashkia_Roskovec

Suk 1- Arapaj- Samaticë

Rikonstruksioni i rrugës Suk 1- Arapaj- Samaticë është një investim madhor për komunitetin dhe një tjetër premtim i mbajtur. 
Vazhdojnë punimet për rregullimin total të këtij segmenti rrugor.
Objektivi ynë është përmirësimi i kushteve për komunitetin dhe bizneset në të gjithë territorin e bashkisë.

Dëgjesa Publike Vlosh

Vazhdojnë të zhvillohen dëgjesat publike me komunitetin për buxhetimin me pjesëmarrje për vitin 2018, sipas axhendës së publikuar.👍
Ditën e sotme u zhvillua takim me përfaqësues të komunitetit, fermerë dhe biznese të fshatit Vlosh, Njësia Administrative Kurjan. Të pranishëm në këtë dëgjesë ishin Kryetarja e bashkisë Roskovec znj. Majlinda Bufi së bashku me stafin e Saj drejtues;
përfaqësues nga Këshilli Bashkiak z.Ardian Metohu , z.Kudret Kuka , z.Florand Kuka , si dhe kryetari i fshatit z. Gani Hoxha.
Qytetarët shprehën kërkesat e tyre për projektet, diskutuan mbi shqetësimet dhe nevojat e tyre.
Të gjitha kërkesat e mbajtura shënim do të shqyrtohen në një fazë të dytë për të përcaktuar prioritetet për secilin fshat.

Degjesa publike në Ngjeqar

Ashtu siç ishte lajmëruar, ditën e sotme bashkia Roskovec filloi proçesin e buxhetimit me pjesëmarrje për vitin 2018. Sot u zhvillua dëgjesa publike në fshatin Ngjeqar, Njësia Administrative Kurjan. Të pranishëm në këtë dëgjesë publike ishin Kryetarja e bashkisë Roskovec znj. Majlinda Bufi, Krye Administratori z. Kadri Hyska, N/ Kryetari i bashkisë z. Isa Hoxha, drejtorët e drejtorive të bashkisë, dy këshilltarët z. Kudret Kuka dhe z. Fredi Feleqi , kryplaku i fshatit si dhe s’mund të mungonin përfaqësues nga komuniteti dhe biznesi.
Gjatë kësaj dëgjese qytetarët diskutuan dhe përzgjodhën projektet prioritare më të rëndësishme për zonën ku ata jetojnë. Të gjitha shqetësimet e shprehura nga qytetarët u mbajtën shënim dhe do të shqyrtohen me kujdes të veçantë nga Kryebashkiakia dhe stafi i Saj.
Ditët në vazhdim do të zhvillohen dëgjesat sipas axhendës së publikuar.
Ju ftojmë të bëheni pjesë.