Dita Ndërkombëtare e Miqësisë

Të rinjtë e “Kampit Veror” në bashkëpunim me Njësinë e Integrimit Evropian🇪🇺🇪🇺 pranë Bashkisë Roskovec, organizuan një aktivitet në kuadër të Ditës Ndërkombëtare të Miqësisë.
Qellimi i këtij aktiviteti ishte promovimi i miqësisë, respektit të ndërsjelltë dhe jetës së shëndetshme.
Dhjetra fëmijë shpërndanë në qytet mesazhe për rëndësinë që ka miqësia në jetën e njeriut, si dhe transmetuan tek të gjithë qytetarët vlera të rëndësishme njerëzore si barazi, respekt për kultura të ndryshme dhe bashkëjetesë paqësore, vlera të cilat i mbart çdo qytetarë evropian. 🇪🇺🇦🇱🇪🇺🇦🇱
#DitaNDërkombëtareMiqësisë
#KampiVeror
#KëndiBE

BashkiaRoskovec

Sektori i zjarrëfikses në gadishmëri

➡️Një falenderim sot për djemtë zjarrfikës të bashkisë 👨‍🚒🚒
Edhe pse e kanë detyrë ligjore shuarjen e zjarreve dhe mbrojtjen e jetës njërëzore apo pronave;
përsëri ata u gjendën aty , ku flakët përpinin kashtën dhe u afroheshin serave ,
në kohë dhe me përkushtim ☑️
📌Bashkia do të zbatojë të gjitha penalizimet ligjore ndaj personave që në mënyrë të qëllimshme vënë zjarrin 👍

Ftesë qytetarëve për të marrë pjesë në mbledhjen e parë të Këshillit të Bashkisë Roskovec

Të nderuar qytetarë,

Në zbatim të nenit 48 të ligjit 139/2015 “Për vetëqeverisjen vendore” , Ju njoftojmë se ditën e mërkurë, datë 31.07.2019, ora 18.00, pranë Qendrës Social Komunitare do të zhvillohet mbledhja e parë e këshillit të Bashkisë Roskovec.

Ju ftojmë të bëheni pjesë.
#MbledhjaeparëKëshillitBashkiak
#BashkiaRoskovec

Festa e 24-korrikut

Një mbremje madhështore ditën e djeshme. 😃
Çdo vit një format ndryshe për të festuar “24 Korriku-n”.
Të gjithë banorët u bashkuan për të festuar këtë traditë të bashkisë sonë.
Ishte menduar për çdo detaj: muzika , zbukurimet, spektakli festiv.
Festa filloi me finalen e madhe të kampionatit të kupës “24 Korriku”.
Një ndeshje e cila dhuroi emocione të forta tek të gjithë spotdashësit e pranishëm gjatë ndeshjes.
Edhe këtë vit kupën “24 Korriku” e fitoi ekipi i Roskovecit, një fitore e vështirë pasi ekipi i Kumanit luajti me profesionalizëm dhe korrektësi.
Ndeshja shkoi me penallti dhe doli me rezultatin 5-4.⚽️⚽️
Ishte Zv. Kryetari i Bashkisë z. Isa Hoxha, i cili i dorëzoi kupën kampionëve 🏆🏆dhe shpërndau çertifikata mirënjohje futbollistëve për seriozitetin e treguar gjatë gjithë kampionatit.
Mbrëmja vijoi me një koncert nga fëmijët e talentuar të bashkisë Roskovec, të cilët asnjëherë nuk i mungojnë skenës për t’i dhuruar qytetarëve emocione me performancat e tyre.
Dhe eventi i shumëpritur “Miss Roskoveci 2019”. 👑👑👑
Spektakli vjen për herë të dytë në qytetin e Roskovecit, tashmë për të rinjtë, me iniciativën e veçantë të Kryetares së Bashkisë Roskovec zj. Majlinda Bufi dhe produksion të agjensisë së spektakleve “Albania Event Production” me producente Albana Çakshiri.
20 konkurente nga mosha 15- 25 vjeçe kanë performuar jo vetëm bukurinë trupore të tyre por janë treguar edhe aktore të vërteta në skenën garuese për prezantimin e bukurisë me inteligjencën e tyre.
Ky event u ndërthur me koncertin që dhuruan këngëtarët:
Silva Gunbardhi, Petrit Lulo, Entela Agaci, Vani TPN dhe Erioli.
Juria e përbërë nga shtatë anëtarë, kryesuar nga Deputeti z. Anduel Xhindi, me një vendim unanim shpallen fituese të titullit “Miss Roskoveci 2019”, Paola Dosti👑
S’ka fjalë që mund të përshkruajnë atmosferën e ditës së djeshme. Fotot flasin vetë😃
Ta gëzojmë ndër vite këtë festë !
Ta kujtojmë brez pas brezi historinë tonë !

 

Analiza e punës për 6-mujorin e parë të 2019-tës

Bashkia Roskovec zhvilloi ditën e djeshme analizën e punës për 6 mujorin e parë.
Në takimin e drejtuar nga Kryetarja e Bashkisë Roskovec, znj. Majlinda Bufi, ishin drejtorë dhe përgjegjës të sektorëve të Bashkisë.
Materiali i analizës evidentoi punën e bërë për realizimin e detyrave të ngarkuara, treguesit kryesorë të arritur gjatë këtij viti, si dhe u përcaktuan synimet dhe objektivat kryesore për muajt në vijim.
Znj. Majlinda Bufi u shpreh se analiza duhet të shërbejë si motiv në përmirësimin e mëtejshëm të punës.
Gjithashtu gjatë takimit u theksua se takime të tilla të bëhen në mënyrë periodike duke vepruar në formën e fokus grupeve me agjenda të përcaktuara.
#Transparencë


#BashkiaRoskovec

Takim me komunitetin Rom në lagjen e Liqenit të Kurjanit

Kryetarja e Bashkisë Roskovec zj. Majlinda Bufi në takim me banorët e komunitetit Rom, të cilët jetojnë në zonën pranë Liqenit të Kurjanit.
Në takim ishte i pranishëm dhe konsulenti i Romaced, z. Sead Kazanxhiu, i cili bashkëpunon ngushtësisht me Bashkinë Roskovec për ti dhënë zgjidhje problematikave që komuniteti ka.
Kryebashkiakia zj. Bufi nuk i ka ndalur asnjëherë takimet me qytetarët.
Qellimi i këtij takimi ishte njohja më nga afër e problemeve të përditshme të këtij komuniteti.
Zj. Bufi menjëherë pasi u njoh me problematikat, i siguroi për zgjidhjen e tyre.
Gjithashtu në takim u prezantuan dhe familjet përfituese të komunitetit Rom nga programi për rehabilitimin e banesave të familjeve në nevojë, program,i cili financohet nga Qeveria Shqiptare në bashkëpunim me Bashkinë Roskovec.
#TransparencëLlogaridhënie
#PromovimiQeverisjessëMirë
#Romacted
#BashkiaRoskovec

Marrëveshja për sistemin e ujitjes

Sot, marrëveshja për zbatimin e projektit “Asistencë Teknike për Përmirësimin e Përformancës, Monitorimit dhe Vlerësimit të Ujitjes, projekt ky i financuar nga Banka Botërore .
Synohet të krijohen modele të mirëmenaxhimit të ujitjes, të cilat do të zbatohen më pas në të gjitha bashkitë e vendit ➡️
Tashmë , në bashkinë tonë , ne kemi 5000 hektarë tokë që vaditen falë rehabilitimit të kanaleve ujitës
Tani kemi hyrë në fazën që duhet t’i përdorim me sa më shumë efiçencë këto burime të krijuara.👉
#BashkiaRoskovec

Në ndihmë të fermerëve

Puna vazhdon çdo ditë me qellimin e vetëm të përmirësimit të jeses së qytetarëve tanë.
Sektori i Bordit të Kullimit është duke punuar intesivisht për t’i dhënë fund vuajtjeve të fermerëve për sigurimin e ujit për vaditjen e prodhimeve të tyre.
Angazhimi dhe puna jonë do të vazhdojë në të të gjithë territorin e Bashkisë Roskovec , duke garantuar siguri dhe cilësi të prodhimeve bujqësore dhe investimeve të fermerëve.
#PranëFermerëve
#BashkiaRoskovec

 

Rikonstruksioni i plotë i shkollës “ Adem Vrapi”

Mirëmbrema miq,
Me lajmin e mirë se ka filluar rikonstruksioni i plotë i shkollës “ Adem Vrapi”, ju urojmë një javë të mbarë. 😊
Ky projekt synon rehabilitimit e plotë të shkollës dhe ndërtimin e ambienteve sportive të hapura dhe të mbyllura .
Investimi do të krijojë ambiente bashkëkohore për një proçes arsimor sa më të mirë të nxënësve dhe përmirësimin e kushteve të punës të mësuesve, me qëllim rritjen e cilësisë së mësimdhënies në shkollë me standarde bashkëkohore.👏
Palestra do të plotësojë të gjitha standardet, duke bërë në këtë mënyrë që edhe një tjetër shkollë në Roskovec të jetë model për sa i përket infrastrukturës.
Ky projekt financohet nga Bashkia Roskovec në bashkëpunim me Fondin e Zhvillimit të Rajonit.
#përmirësiminfrastrukturësarsimore
#BashkiaRoskovec

Shkolla verore

Ditën e sotme filloi cikli i parë i shkollës verore me të rinjtë e të rejat e Bashkisë Roskovec. 👫👬👭
Gjatë gjithë ciklit të rinjtë do të përfshihen në të ndryshme të tilla, si: lojëra dinamike, sfida, argëtuese, dinamika grupi etj.
➡️Është viti i dytë që Bashkia Roskovec organizon shkollën verore me qellim nxitjen e të rinjëve në jetën sociale por dhe për t’ju ofruar një mundësi më shumë për të kaluar një kohë cilësore dhe efektive.
➡️Po ashtu këta të rinjtë ushqehen me frymën e vullnetarizmit për të mos reshtur asnjëherë për të kryer punë në shërbim të komunitetit ku jetojmë.
#RiniaAktive
#RoskoveciJetON
#ShkollaVerore
#BashkiaRoskovec