Ekspozita “Një botë e gjelbër-një botë që merr frymë”

E mrekullueshme ekspozita me piktura të realizuara nga artistët e vegjël roskovecarë .
Hapi dyert sot ekspozita me piktura nga nxënësit e shkollave 9- vjeçare të Bashkisë Roskovec.
Në kuadër të Programit Romacted , është zhvilluar në ambientet e Qëndrës Social Komunitare “, ekspozita “ Një botë e gjelbër- një botë që merr frymë” me piktura e vizatime të realizuara nga nxënësit e shkollave 9-vjeçare të Bashkisë Roskovec. Gjatë këtij konkursi janë përzgjedhur punët më të mira të cilat janë vlerësuar me çertifikata si dhe mjete kancelarike, si motivim që artistet e rinj të vazhdojnë në rrugën e artit.
Të pranishëm në këtë event ishin Zv. Kryetari i Bashkisë Roskovec z. Maksim Goga dhe konsulenti i Këshillit të Evropës, njëkohësisht një nga piktorët e njohur në Shqipëri dhe jo vetëm, z. Sead Kazanxhiu.
Në fjalën e tyre përshëndetëse, fëmijet e talentuar u vlerësuan dhe u inkurajuan për punimet e tyre të arrira.
Pas vlerësimit nga juria, çmimet u fituan nga :
– Çmimi I- nxënësja Natalie Kalivaçi, shkolla 9-vjeçare ” 7 Dëshmorët ” Strum;
– Çmimi II- nxënësja Adelina Bardhi, shkolla 9-vjeçare ‘Rexhep Kothere” Kuman;
– Çmimi II- nxënësi Alken Bilani, shkolla 9 vjeçare ‘Alush Grepcka”.
I urojmë shumë suksesë artistëve të vegjel dhe theksojmë se Bashkia Roskovec me iniciativën e Kryetares së Bashkisë zj. Majlinda Bufi do jetë gjithmonë promotore e artit dhe kulturës.
#Romacted
#BashkiRoskovec

Inagurimi i rikonstruksionit të shkollës “Zylyftar Veleshnja”

Këtë të hënë është organizuar inagurimi i rikonstruksionit të shkollës “Zylyftar Veleshnja”, në fshatin Velmish, Bashkia Roskovec.
Një investim, i kryer në bashkëpunim të Qeverisë Shqiptare dhe Bashkisë Roskovec dhe që i mungonte prej vitesh kësaj shkolle qe po shkonte drejt degradimit. ✔️
Të pranishëm në inagurim ishin Zv. Kryetari i Bashkisë z. Maksim Goga, Drejtoresha e Zyrës Arsimore Vendore Roskovec zj. Brikena Hajdini, Drejtori i shkollës z. Gëzim Xhindi si dhe prindër e qytetarë.

Në fjalën përshëndetëse z. Goga u shpreh: “Rikonstruksioni i kësaj shkolle është një tjetër premtim i mbajtur nga Bashkia Roskovec.
Bashkia Roskovec do të vazhdoj të jetë gjithmonë pranë për të standardizuar infrastrukturën dhe përsosur shërbimet.” 
Gjatë fjalimit, Zv. kryetari e vlerësoi rolin e mësuesve në edukimin e gjeneratave të reja, me qëllim që ata të jenë konkurentë në tregun e dijes ndaj dhe mbështetja e Bashkisë Roskovec në drejtim të forcimit dhe mbrojtjes së dinjitetit të mësuesit do të jetë parësore.
#InagurimiShkollës #ZylyftarVeleshnja
#BashkiaRoskovec

Youth in ActiON

Youth in ActiON 🇪🇺🇦🇱🇪🇺🇦🇱
Njësitë e Integrimit Evropian në Bashkitë Roskovec, Belsh dhe Elbasan zhvilluan në datat 13-14 Gusht një tur dy ditor në këto tre Njësi të Qeverisjes Vendore me një grup të rinj dhe të rejash gjimnazistë👫👭👬 nga secili qytet i sipër përmendur.
Aktivitetet filluan nga qyteti i Belshit dhe Elbasanit, për të përfunduar ditën e sotme në qytetin e Roskovecit, ku rreth 30 të rinj dhe të reja, të udhëhequr nga Koordinatorët e BE të këtyre bashkive, të cilat përfshinë:
📌Dëgjesa me kryetarët e bashkive të secilës bashki të përfshirë në këtë nisëm, në lidhje me plotësimin e kërkesave të të rinjve për standarte evropiane të cilësisë së jetës, mjedisit, shkollimit, shërbimeve publike dhe rekreacionit.
📌Mundësitë që Bashkimi Evropian ka për të rinjtë
📌Nxitja e të rinjëve drejt vullnetarizmit dhe nxitja e lidershipit.
Të rinjtë patën një bashkëbisedim interaktiv me Kryetarët e bashkive Roskovec dhe Elbasan, zj. Majlinda Bufi dhe z.Gledian Llatja.
Ky tur u konceptua në formën e një udhëtimi eksperiencash dhe ndarje shqetësimesh me autoritetet vendore për një Shqipëri evropiane. Itineraret e këtyre të rinjve të përzgjedhur, në këtë tur që zgjati dy ditë, përfshin njohje realitetesh të përbashkëta, të vlerave kulturore dhe traditat e qyteteve, njohja e praktikave më të mira në nivel bashkiak të shqetësimeve të të rinjve, në njësi të tjera të qeverisjes vendore përvec qytetit ku ata banojnë, si dhe njohja me realitete dhe destinacione të tjera.
Ky tur, ishte një rast shumë i mirë për të gjithë këta të rinj për t’u socializuar me të tjerë të rinj dhe të reja në disa qytete, dhe për të diskutuar me ta edhe në momente rekreacioni, ide dhe mendime për një Shqipëri evropiane 🇪🇺🇪🇺🇪🇺që zhvillimin e pret pikërisht nga gjenerata e re.
Ky aktivitetet u realizua në bashkëpunim me bashkitë e qyteteve të përfshira në këtë nismë dhe mbështetjen e plotë të projektit “Bashkitë për në Evropë”.

Vizitë e vecantë pranë Qendrës Social Komunitare

Ditën e sotme kishim një vizitë të veçantë pranë Qendres Social Komunitare nga vajzat nga Mbretëria e Bashkuar, të cilat janë pjesë e programit GOLD (Guiding Opportunities linked with development).
Qellimi i këtij takimi ishte informimi i të rinjëve, kryesisht vajzave rreth programeve edukuese dhe mundësive për vetë-zhvillim dhe shkëmbime ndërkombëtare me organizatat e Scout/Guide simotra në Evropë dhe më gjërë.
Kjo është vizita e dytë e ekipit të GOLD në Roskovec, të shoqëruar edhe nga Komisionerja Ndërkombëtare e Vajzave Udhëheqëse të Shqiperisë zj. Lusiana Mailaj, për të mbështetur krijimin dhe fuqizimin e një grupi vajzash scout /udhëheqëse në Roskovec në bashkëpunim me Bashkinë Roskovec dhe vullnetaren e Korpusit të Paqes zj. Cheyenne Tardie.
Vajzat Udhëheqëse të Shqipërisë është një organizatë e dedikuar për zhvillimin e vajza në Shqipëri për potencialin e tyre të plotë si liderët dhe qytetarët aktivë.

Infrastruktura arsimore prioritet

Kryetarja e Bashkisë Roskovec zj.Majlinda Bufi dhe Drejtoresha e Zyrës Vendore Arsimore Roskovec zj. Brikena Hajdini kanë inspektuar vazhdimin e punimeve në shkollën “ Zylyftar Veleshnja”, Velmish dhe ” Ajet Toska” Suk 2.
🔛Rikonstruksioni i plotë i këtyre shkollave dhe ndërtimi i ambienteve sportive janë ndër projektet më të rëndësishme në infrastrukturën arsimore që po zhvillohen në Bashkinë e Roskovecit.
Këto investime padyshim do të përmirësojnë cilësinë e arsimit.👏

Vijon puna për rikonstruksionin e shkollës “Adem Vrapi”

Mirëmëngjes miq,

Në vijim të punës për përmirësimin e kushteve të mësimit për nxënësit e të gjitha institucioneve arsimore, Bashkia e Roskovecit ka nisur rikonstruksionin e shkollës së mesme “Adem Vrapi”.
Ky rikonstruksion, i cili do të zgjasë për një periudhë kohore deri në 6 muaj, është i domosdoshëm për shkak të nevojës për ndërhyrje në të gjithë strukturën e kësaj shkolle.
#ArsimCilësor
#BashkiaRoskovec

Shkolla verore në Roskovec

Dita e sotme shënon fundin e ciklit të dytë të shkollës verore për të rinjtë e Roskovecit.
Një eksperiencë e veçantë dhe e vlefshme për të gjithë të rinjtë të cilët u bënë pjesë e kësaj nisme të ndërmarr nga Kryetarja e Bashkisë zj. Majlinda Bufi.
Kjo nismë e Bashkisë Roskovec, një shkollë verore cilësore dhe falas, bënë pjesë në përgjegjësinë sociale të institucionit tonë për të investuar për të rinjtë e Roskovecit.
Zv.Kryetari i Bashkisë z. Isa Hoxha uroi të gjithë të rinjtë për përkushtimin e treguar gjatë gjithë ditëve të shkollës verore dhe shpërndau çertifikata në shenjë mirënjohje.
Të pranishëm në këtë aktivitet ishte dhe Sekretarja e Përgjithshme zj. Evisa Mustafaj, Përgjegjëse e Burimeve Njerezore Olta Brahushaj, Kryeinspektore e Arsimit zj. Eralda Duraj si dhe stafi i organizativ i shkollës verore, i cili ka bërë një punë të veçantë në përgatitjen e kësaj hapësire të programit për ta bërë sa më të larmishme, me vlerë argëtuese, por dhe edukative, të kombinuara me lojra të shkurtëra, interactive dhe kreative.
#Riniabënndryshimin
#Investojmëpërtëardhmen
#ShkollaVerore

Dita Ndërkombëtare e Miqësisë

Të rinjtë e “Kampit Veror” në bashkëpunim me Njësinë e Integrimit Evropian🇪🇺🇪🇺 pranë Bashkisë Roskovec, organizuan një aktivitet në kuadër të Ditës Ndërkombëtare të Miqësisë.
Qellimi i këtij aktiviteti ishte promovimi i miqësisë, respektit të ndërsjelltë dhe jetës së shëndetshme.
Dhjetra fëmijë shpërndanë në qytet mesazhe për rëndësinë që ka miqësia në jetën e njeriut, si dhe transmetuan tek të gjithë qytetarët vlera të rëndësishme njerëzore si barazi, respekt për kultura të ndryshme dhe bashkëjetesë paqësore, vlera të cilat i mbart çdo qytetarë evropian. 🇪🇺🇦🇱🇪🇺🇦🇱
#DitaNDërkombëtareMiqësisë
#KampiVeror
#KëndiBE

BashkiaRoskovec

Festa e 24-korrikut

Një mbremje madhështore ditën e djeshme. 😃
Çdo vit një format ndryshe për të festuar “24 Korriku-n”.
Të gjithë banorët u bashkuan për të festuar këtë traditë të bashkisë sonë.
Ishte menduar për çdo detaj: muzika , zbukurimet, spektakli festiv.
Festa filloi me finalen e madhe të kampionatit të kupës “24 Korriku”.
Një ndeshje e cila dhuroi emocione të forta tek të gjithë spotdashësit e pranishëm gjatë ndeshjes.
Edhe këtë vit kupën “24 Korriku” e fitoi ekipi i Roskovecit, një fitore e vështirë pasi ekipi i Kumanit luajti me profesionalizëm dhe korrektësi.
Ndeshja shkoi me penallti dhe doli me rezultatin 5-4.⚽️⚽️
Ishte Zv. Kryetari i Bashkisë z. Isa Hoxha, i cili i dorëzoi kupën kampionëve 🏆🏆dhe shpërndau çertifikata mirënjohje futbollistëve për seriozitetin e treguar gjatë gjithë kampionatit.
Mbrëmja vijoi me një koncert nga fëmijët e talentuar të bashkisë Roskovec, të cilët asnjëherë nuk i mungojnë skenës për t’i dhuruar qytetarëve emocione me performancat e tyre.
Dhe eventi i shumëpritur “Miss Roskoveci 2019”. 👑👑👑
Spektakli vjen për herë të dytë në qytetin e Roskovecit, tashmë për të rinjtë, me iniciativën e veçantë të Kryetares së Bashkisë Roskovec zj. Majlinda Bufi dhe produksion të agjensisë së spektakleve “Albania Event Production” me producente Albana Çakshiri.
20 konkurente nga mosha 15- 25 vjeçe kanë performuar jo vetëm bukurinë trupore të tyre por janë treguar edhe aktore të vërteta në skenën garuese për prezantimin e bukurisë me inteligjencën e tyre.
Ky event u ndërthur me koncertin që dhuruan këngëtarët:
Silva Gunbardhi, Petrit Lulo, Entela Agaci, Vani TPN dhe Erioli.
Juria e përbërë nga shtatë anëtarë, kryesuar nga Deputeti z. Anduel Xhindi, me një vendim unanim shpallen fituese të titullit “Miss Roskoveci 2019”, Paola Dosti👑
S’ka fjalë që mund të përshkruajnë atmosferën e ditës së djeshme. Fotot flasin vetë😃
Ta gëzojmë ndër vite këtë festë !
Ta kujtojmë brez pas brezi historinë tonë !

 

Rikonstruksioni i plotë i shkollës “ Adem Vrapi”

Mirëmbrema miq,
Me lajmin e mirë se ka filluar rikonstruksioni i plotë i shkollës “ Adem Vrapi”, ju urojmë një javë të mbarë. 😊
Ky projekt synon rehabilitimit e plotë të shkollës dhe ndërtimin e ambienteve sportive të hapura dhe të mbyllura .
Investimi do të krijojë ambiente bashkëkohore për një proçes arsimor sa më të mirë të nxënësve dhe përmirësimin e kushteve të punës të mësuesve, me qëllim rritjen e cilësisë së mësimdhënies në shkollë me standarde bashkëkohore.👏
Palestra do të plotësojë të gjitha standardet, duke bërë në këtë mënyrë që edhe një tjetër shkollë në Roskovec të jetë model për sa i përket infrastrukturës.
Ky projekt financohet nga Bashkia Roskovec në bashkëpunim me Fondin e Zhvillimit të Rajonit.
#përmirësiminfrastrukturësarsimore
#BashkiaRoskovec