“Festa e Ullirit”

Bashkia e Roskovecit është bërë mikpritësja e “Festës së Ullirit”, në vitin e 4-të të organizimit të saj.
“Festa e Ullirit”, organizuar me iniciativën e veçantë të Kryetares së Bashkisë Roskovec zj. Majlinda Bufi, ka synim promovimin e prodhimit vendas, por edhe të traditës e monumenteve të kulturës.
Zona e Kurjanit është e njohur për rritje të bimëve të ullinjve dhe prandaj Bashkia Roskovec me qellim promovimin e ullinjëve si një nga vlerat më të rralla të kësaj zone, organizon për herën e katërt “Festën e Ullirit”,si një ngjarje e rëndësishme lokale dhe është e angazhuar plotësisht për të rritur ndërgjegjësimin për ruajtjen e vlerave natyrore dhe trashëgimisë kulturore dhe për t’i kthyer këto burime në një burim të rëndësishëm për zhvillimin e turizmit.
📌Këtë vit “Festa e Ullirit” filloi me mini-maratonën 🏃‍♂️🏃‍♀️pranë qendrës së prodhimit të Sapunit Organik, me pjesëmarrjen masive të rinjëve dhe të rejave, dashamirës të sportit.
📌Mini-maratona u organizua nga organizata “Social Deveplopment Investment”, organizatë e cila zbaton në Roskovec projektin “Sapuni Organik Roskoveci”.
➡️Eventi vijoi në ambientet e rikonstrukturuara të Kishës 700-vjeçare “Shën Kolli”, nën tingujt e muzikës nga këngëtarët e njohur të zonës dhe panairin me produkte vendase të përgatituara me kujdes të veçantë nga banorët dhe nxënësit e shkollës “Didin Bishani”, Kurjan. 🙏
Në këtë aktivitet ishin të pranishëm përfaqësues nga institucionet qendrore dhe vendore, përfaqësues të projekteve të ndryshme të cilat zbatohen në Bashkinë e Roskovecit, intelektual dhe qytetarë të shumët.
📌Në fjalën përshëndetëse Kryetarja e Bashkisë zj. Bufi u shpreh se synon mbështetjen e prodhuesve lokalë, në përmirësimin, diversifikimin dhe promovimin e produkteve autoktone, për zhvillimin e turizmit, si një element kryesor për zhvillimin e qendrueshëm të ekonomisë.✔️
#FestaUllirit
#FestëLokale
#ZhvillimiQendrueshëmTurizmit
#MiniMaratonë #SDI #Relaod
#BashkiaRoskovec

Siguria Publike në Nivel Vendor

➡️Në kuadër të projektit “Siguria Publike në Nivel Vendor”, projekt i cili financohet nga Ministria e Jashtme e Hollandës, Akademia e Hollandës dhe FLAG, u zhvilluan disa takime, në të cilat patëm nderin të kishim të pranishme Ambasadoren e Hollandës në Shqipëri zj. Guusje Korthals Altes.🇦🇱🇳🇱
📌Vizita filloi në zyrën e Kryetares së Bashkisë zj. Majlinda Bufi, nje ekspoze e punës dhe iniciativave që Bashkia Roskovec ka ndërmarr në përmirësimin e sigurisë publike.
📌Takimi u pasua me një vizitë pranë këndit të lojrave në Roskovec, investim i kryer në kuadër të projektit “Siguria Publike në Nivel Vendor”.
Gjithashtu gjatë kësaj dite u diskutuan çështje të pjesëmarrjes së grave në vendimmarrje dhe iniciativat që duhet të ndërmerren për të rritur përfaqësimin e tyre në çdo fushë.
Ambasadorja u shpreh e kënaqur nga takimet më përfaqësueset e Këshillit Bashkiak por dhe më gratë dhe vajzat, aktore kyç në rritjen e barazisë gjinore në Roskovec dhe angazhimit qytetarëve në terësi.
Ambasadorja gjithashtu inkurajoi punën dhe përpjekjet që Bashkia Roskovec ka ndërmarrë në lidhje ngritjen e vetëdijes rreth proçeseve të pjesëmarrjes qytetare në fushën e sigurisë publike si dhe zbatimi i këtyre elementeve në politika efektive dhe të përgjegjshme të sigurisë publike.
#SiguriaPublikenëNivelVendor
#FLAG
#BashkiaRoskovec
[

Atje ku janë fëmijët, është festë.

Festë sot tek këndi i lojrave në Roskovec. 
Dhjetra fëmijë të shoqëruar nga prindërit dhe gjyshër kanë festuar sot me animator, muzikë e lojra‍♂️‍♂️, me rastin e inagurimit të këtij këndit.
Këndi i lojrave është një investim i Ministrisë së Punëve të Jashtme të Hollandës në bashkëpunim me Bashkinë Roskovec dhe fondacionin FLAG.
Të pranishëm në këtë event ishin zj. Maïta van der Mark, Eksperte e Akademisë së Hollandës, z. Naz Feka dhe z. Arlind Lugji, ekspert të fondacionit FLAG dhe Zv. Kryetari i Bashkisë Roskovec z. Isa Hoxha.
Fillimisht një takim zyrtar në ambientet e Bashkisë Roskovec për diskutuar mbi ecurinë e projektit. Gjatë takimit z. Hoxha theksoi se investimi më i mirë për të ardhmen e qytetit është puna që bëhet me fëmijët, për t’i nxitur ata të merren me aktivitete fizike.
Ekspertët në vijim vizituan këndin e lojrave nën atmosferën e gëzueshme që krijonin vogëlushët me lojrat dhe kërcimet e tyre.‍♂️‍♂️
Zv. Kryetari gjatë fjalës së tij u shpreh se investime të tilla jo vetëm për fëmijët por për të gjithë komunitetit, të cilat ndikojnë në përmirësimin e sigurisë publike, do të jenë në vëmendje të stafit të Bashkisë Roskovec.

Festa verore e Vidhishtës

Festa verore e Vidhishtës

Përsëri mbrëmja e djeshme na mblodhi së bashku për të festuar për vitin e tretë festën e Vidhishtës, një festë e organizuar me iniciativën e veçantë të Kryetares së Bashkisë Roskovec zj.Majlinda Bufi.
Fjalën përshëndetëse e mbajti Zv.Kryetari i Bashkisë z. Isa Hoxha, i cili falenderoi të gjithë ata qytetarë që këtë fundjavë vendosën ta kalojnë në Vidhisht dhe e cilësoi këtë festë si një mundësi të mirë për të nxitur dhe zhvilluar jetën sociale në zonat rurale.
Të tjera aktivitete të bukura na presin, pasi roskovecarët meritojnë më shumë.
Të punojmë së bashku për Roskovecin që duam!

Mos mungoni në Festën e Vidhishtës

Këtë fundjavë mos e humb festën e Vidhishtës!
Festa verore e Vidhishtës, tashmë një festë e kthyer në traditë, për të qënë sërish së bashku. 
Festa e Vidhishtës por dhe festat e tjera të organizuara në fshatrat e Bashkisë Roskovec janë një nismë për të zhvilluar jetën në zonat rurale.
Nesër, më datë 4 Gusht, ora 20.30, mos planifiko asgjë tjetër. 
Eja në Vidhisht.
Merr një mik, shok, familjarë dhe festojmë së bashku.

Shkolla verore në Roskovec

Dita e sotme shënon fundin e ciklit të dytë të shkollës verore për të rinjtë e Roskovecit.
Një eksperiencë e veçantë dhe e vlefshme për të gjithë të rinjtë të cilët u bënë pjesë e kësaj nisme të ndërmarr nga Kryetarja e Bashkisë zj. Majlinda Bufi.
Kjo nismë e Bashkisë Roskovec, një shkollë verore cilësore dhe falas, bënë pjesë në përgjegjësinë sociale të institucionit tonë për të investuar për të rinjtë e Roskovecit.
Zv.Kryetari i Bashkisë z. Isa Hoxha uroi të gjithë të rinjtë për përkushtimin e treguar gjatë gjithë ditëve të shkollës verore dhe shpërndau çertifikata në shenjë mirënjohje.
Të pranishëm në këtë aktivitet ishte dhe Sekretarja e Përgjithshme zj. Evisa Mustafaj, Përgjegjëse e Burimeve Njerezore Olta Brahushaj, Kryeinspektore e Arsimit zj. Eralda Duraj si dhe stafi i organizativ i shkollës verore, i cili ka bërë një punë të veçantë në përgatitjen e kësaj hapësire të programit për ta bërë sa më të larmishme, me vlerë argëtuese, por dhe edukative, të kombinuara me lojra të shkurtëra, interactive dhe kreative.
#Riniabënndryshimin
#Investojmëpërtëardhmen
#ShkollaVerore

Festa e 24-korrikut

Një mbremje madhështore ditën e djeshme. 😃
Çdo vit një format ndryshe për të festuar “24 Korriku-n”.
Të gjithë banorët u bashkuan për të festuar këtë traditë të bashkisë sonë.
Ishte menduar për çdo detaj: muzika , zbukurimet, spektakli festiv.
Festa filloi me finalen e madhe të kampionatit të kupës “24 Korriku”.
Një ndeshje e cila dhuroi emocione të forta tek të gjithë spotdashësit e pranishëm gjatë ndeshjes.
Edhe këtë vit kupën “24 Korriku” e fitoi ekipi i Roskovecit, një fitore e vështirë pasi ekipi i Kumanit luajti me profesionalizëm dhe korrektësi.
Ndeshja shkoi me penallti dhe doli me rezultatin 5-4.⚽️⚽️
Ishte Zv. Kryetari i Bashkisë z. Isa Hoxha, i cili i dorëzoi kupën kampionëve 🏆🏆dhe shpërndau çertifikata mirënjohje futbollistëve për seriozitetin e treguar gjatë gjithë kampionatit.
Mbrëmja vijoi me një koncert nga fëmijët e talentuar të bashkisë Roskovec, të cilët asnjëherë nuk i mungojnë skenës për t’i dhuruar qytetarëve emocione me performancat e tyre.
Dhe eventi i shumëpritur “Miss Roskoveci 2019”. 👑👑👑
Spektakli vjen për herë të dytë në qytetin e Roskovecit, tashmë për të rinjtë, me iniciativën e veçantë të Kryetares së Bashkisë Roskovec zj. Majlinda Bufi dhe produksion të agjensisë së spektakleve “Albania Event Production” me producente Albana Çakshiri.
20 konkurente nga mosha 15- 25 vjeçe kanë performuar jo vetëm bukurinë trupore të tyre por janë treguar edhe aktore të vërteta në skenën garuese për prezantimin e bukurisë me inteligjencën e tyre.
Ky event u ndërthur me koncertin që dhuruan këngëtarët:
Silva Gunbardhi, Petrit Lulo, Entela Agaci, Vani TPN dhe Erioli.
Juria e përbërë nga shtatë anëtarë, kryesuar nga Deputeti z. Anduel Xhindi, me një vendim unanim shpallen fituese të titullit “Miss Roskoveci 2019”, Paola Dosti👑
S’ka fjalë që mund të përshkruajnë atmosferën e ditës së djeshme. Fotot flasin vetë😃
Ta gëzojmë ndër vite këtë festë !
Ta kujtojmë brez pas brezi historinë tonë !

 

Shkolla verore

Ditën e sotme filloi cikli i parë i shkollës verore me të rinjtë e të rejat e Bashkisë Roskovec. 👫👬👭
Gjatë gjithë ciklit të rinjtë do të përfshihen në të ndryshme të tilla, si: lojëra dinamike, sfida, argëtuese, dinamika grupi etj.
➡️Është viti i dytë që Bashkia Roskovec organizon shkollën verore me qellim nxitjen e të rinjëve në jetën sociale por dhe për t’ju ofruar një mundësi më shumë për të kaluar një kohë cilësore dhe efektive.
➡️Po ashtu këta të rinjtë ushqehen me frymën e vullnetarizmit për të mos reshtur asnjëherë për të kryer punë në shërbim të komunitetit ku jetojmë.
#RiniaAktive
#RoskoveciJetON
#ShkollaVerore
#BashkiaRoskovec