Mbledhja e Këshillit Bashkiak

Ditën e sotme u zhvillua mbledhja e rradhës e Këshillit Bashkiak.
Në rendin e ditës u diskutuan këto çështje:
1. Miratimi i fondit për pagesën e personave me aftësi të kufizuar dhe invalideve të punës për periudhën 1- 28 Shkurt 2018.
2. Propozim për dhënien e Ndihmave Ekonomike për periudhën 1-28 Shkurt 2018. (Skema e re)
3. Miratimin e bursave të shtetit për nxënësit e arsimit parauniversitar në institucionet arsimore publike për vitin shkollor 2017- 2018 .
4. Miratimi i transferimit të fondeve dhe ndryshime në buxhetin e Bashkisë për vitin 2018.
5. Shtesë në vendimin e Këshillit të Bashkisë nr. 37 datë 24.11.2017 “Për miratimin e Paketës Fiskale për vitin 2018”.
6. Shfuqizimi i linjave rrethqytetëse ekzistuese, miratimin e linjave të reja dhe çmimet e biletave.

#Informohuni
#Mbledhja_e_Këshillit_Bashkiak

 

Rikonstruksioni i Qendrave Shëndetësore

Ka filluar puna për investimin më të ri në Roskovec. 
Rikonstruksioni i plotë i Qendrës Shëndetësore Roskovec, bashkëpunim ky midis Bashkisë Roskovec dhe Projektit Shëndet për të Gjithë (HAP), me financim të këtij të fundit. 
Proçesi i rehabilitimit do të përfshijë punime në çati, dysheme, ndriçim dhe sistemin hidraulik, lyerje, instalim të sistemit të ngrohjes dhe ftohjes, rrethim me mur, recepsion, dhomë mjeku dhe infermieri, urgjencë, magazinë dhe tualete.
Projekti Shëndet për të Gjithë do të investoi dhe në Qendrat Shëndetësore Strum dhe Kurjan.
Të përmirësojmë shërbimet shëndetësore është synimi ynë.
#Rehabilitimi_i_Qendrave_Shëndetësore
#Përmirësojmë_cilësinë_e_shërbimeve
#Bashkia_Roskovec

Tradita vazhdon…

Tradita vazhdon 
Takime periodike me komunitetit për t’i sqaruar dhe për të gjetur zgjidhjen më të mirë të mundshme. 
Këto takime kanë rritur transparencën dhe përgjegjshmërinë, duke ndryshuar kështu natyrën e ndërveprimit midis pushtetit vendor dhe qytetarit.
#Bashkia_Roskovec

Roskoveci, Myzeqeja dhe Skëndërbeu

“ Roskoveci, Myzeqeja dhe Skëndërbeu ” ishte aktiviteti në nderim të Heroit tonë Kombëtar që u zhvillua pranë bibliotekës Roskovec. Nxënës të shkollave të mesme, shkrimtarë të njohur, historian dhe intelektualë u takuan sot në këtë aktivitet të larmishëm me histori e interpretime.
Na nderuan me prezencën e tyre shkrimtari z. Fran Ukcama, z. Toli Shabani etnograf , z. Ilirjan Gjika historian dhe profesor z. Piro Toska.
Të pranishëm në këtë aktivitet artistik ishin gjithashtu dhe z. Thoma Goga i cili ishte organizatori kryesor i këtij aktiviteti, z. Kadri Hyska Administratori i përgjithshëm dhe z. Isa Hoxha N/ Kryetar i bashkisë.
Vlerësimi i ndikimit të figurës së Heroit tonë, roli dhe kontributi i tij në historinë kombëtare ishin qellimet kryesore të këtij aktiviteti.
#Viti_Mbarëkombëtar_i_Gjergj_Kastriotit_Skëndërbeut
#Bashkia_Roskovec

Takime me qytetarët

Takime periodike me qytetarët tanë.
Kjo traditë do të vazhdojë sepse për ne është e rëndësishme të jemi afër qytetarëve tanë, të marrim mendimin e tyre mbi problematikat që ata i shqetësojnë.
Sot, Kryebashkiakia znj. Majlinda Bufi zhvilloi takimin e përjavshëm me komunitetin të cilëve iu dha sqarimet dhe shpjegimet përkatëse për çdo shqetësim që ata shprehën.
Çdo përballje me qytetarët na bënë më shumë përgjegjës për punën tonë.

 

Vizitë në bibliotekë

Nxënësit e shkollës “Alush Grepcka” sot vizituan bibliotekën e Roskovecit ku u prezantuan me veprimtarinë dhe aktivitetet që organizohen gjatë vitit me lexuesit e bibliotekës.
Përgjegjësi i Artit, Kulturës e Sportit z. Thoma Goga u tregoi se për të nxitur dashurinë për librin dhe leximin në bibliotekë ka aktivitete të ndryshme: lexim dhe komentim i librit, promovime të shkrimtarëve të zonës, takime me krijues të rinj etj.
Gjatë qendrimit të tyre në bibliotekë nxënësit morën informacione për autorët roskovecarë si dhe u njohën me titujt e librave dhe me mënyrën e anëtarësimit në bibliotekë.
#Nuk_ka_shok_më_besnik_se_libri (cit: Ernest Hemingway)