Ndërhyrje të nevojshme, jo definitive.
Kanë filluar punimet për rikonstruksionin e rrugës në lagjen Musko, në Njësinë Administrative Strum.
Për një qytet që ndryshon dita – ditës.
[lsvr_gallery images=”6432,6433,6434,6435,6436″ items_per_row=”4″ masonry=”yes” click_action=”lightbox”]
Sot, në ambientet e Qendrës për Informim të BE u zhvillua ceremonia e Nënshkrimit të Memorandumit të Mirëkuptimit mes 12 bashkive përfituese dhe PNUD si pjesë e Programit ReLOaD.
Ky program është një projekt rajonal, i financuar nga Bashkimi Europian që synon të çojë përpara proçesin e integrimit të vendeve të Ballkanit Perëndimor përmes forcimit të shoqërisë civile dhe rritjes së pjesëmarrjes aktive qytetare në vendim-marrjen lokale.
E pranishme në këtë ceremoni ishte Kryetarja e bashkisë znj. Majlinda Bufi duke qënë së bashkia jonë është një nga bashkitë përfituese të këtij projekti.
Gjithashtu merrnin pjesë dhe kryetarë të bashkive të tjera nga projekti si dhe përfaqësues të Delegacionit Europian dhe PNUD në Shqipëri.
[lsvr_gallery images=”6421,6422,6423,6424,6425,6426,6427,6428,6429″ items_per_row=”4″ masonry=”yes” click_action=”lightbox”]
Ndryshimet, investimet që janë realizuar në këto dy vite qeverisje , nuk i vëmë re vetëm ne që i prekim dhe i jetojmë nga afër. Angazhimi maksimal i Kryetares së bashkisë znj. Majlinda Bufi për ta përmirësuar dhe për të promovuar vendin tonë është vënë re kudo.
Kush është gruaja që ndryshoi Roskovecin, Majlinda Bufi Kryebashkiakia e suksesshme.
“Fjala Artistike” ishte aktiviteti i radhës në kuadër të Muajit të Letërsisë, i organizuar nga shkolla 9- vjeçare “Alush Grepcka” në ambientet e Pallatit të Kulturës, Roskovec.
Emocione të papërsëritshme përcollën artistët e vegjël tek të gjithë të pranishmit të cilët e kishin tejmbushur sallën.
Gjyshërit dhe prindërit prisnin me padurim kur vogëlushët e tyre dilnin në skenë.
Fëmijë nga klasa e parë deri në klasën e nëntë recituan, kënduan dhe dramatizuan pjesë të ndryshme nga shkrimtarët më të njohur.
Krenarë për këta fëmijë të cilët do të jenë e ardhmja e vendit tonë.
Mirënjohës dhe falenderues për mësueset organizatore znj. Mimoza Xhindi, znj. Burbuqe Plaka dhe gjithë stafin e mësueseve të sektorit të letërsisë.
[lsvr_gallery images=”6377,6378,6379,6380,6381,6382,6383,6384,6385″ items_per_row=”4″ masonry=”yes” click_action=”lightbox”]
Qendra për Çështjet e Informimit Publik, INFOCIP, shpalli rezultatet e Monitorimi Kombëtar për implementimin e ligjit “Për të Drejtën e Informimit” në nivel të qeverisjes vendore.
Nga monitorimi Bashkia Roskovec është renditur në vendin katërt nga 61 bashkitë e Shqipërisë dhe është vlerësuar me notën 9.8.
Ky studim ka monitoruar disa nga karakteristikat më rëndësishme: Pjesëmarrja, Sundimi i ligjit, Transparenca, Përgjegjshmëria, Llogaridhënia, të cilat konsiderohen si parametrat kryesor për matjen e një qeverisje të mirë.
Ky vlerësim na bën të gjithëve krenarë, njëkohësisht na vendos përpara përgjegjësisë për të punuar akoma më shumë.
Ti sill ide, ne i kthejmë në biznes 
Kjo mundësi shumë e mirë për të filluar ndryshimin, bëri bashkë shumë të rinj e të reja të cilët kanë ide dhe synojnë të hapin biznese të ndryshme.
Ky ishte trajnimi i parë, ku ata morën disa nga mësimet bazë që nevojiten para se të hapësh një biznes në mënyrë që të rezultojë i suksesshëm.
Trajnimi ishte bashkëpunim i bashkisë Roskovec me Ambasadën Zviceriane, Shoqatën “ Njerëzit të Parët” , English Corner dhe Swiss Contact.
Të rinjtë u trajnuan nga përfaqësuesit e Ambasadës Zviceriane z. Christian Atz, z. Çelik Nimani dhe përfaqësuesja e shoqatës “Njerëzit të Parët” zj.Lusiana Mailaj.
[lsvr_gallery images=”6391,6392,6393,6394,6395,6396,6397,6398,6399″ items_per_row=”4″ masonry=”yes” click_action=”lightbox”]
Tashmë e kthyer në traditë, festa e Ullirit festohet për herë të dytë në Kurjan. Pranë kishës 700- vjeçare, kjo festë ka si qellim rilindjen dhe promovimin e traditës, vlerat më të mira të zonës sonë dhe turizmin.
Nderuan me pjesëmarrjen e tyre në këtë aktivitet Deputetët e qarkut Fier znj. Antoneta Dhima, z. Anduel Xhindi, Kryetarja e bashkisë Patos znj. Rajmonda Balilaj, Kryebashkiakia e Urës Vajgurore znj. Juliana Memaj, Prefekti i qarkut Fier z. Vasil Bregu, përfaqësues të Youth Act, përfaqësues të kishës, këngëtari i mirënjohur z. Petrit Lulo dhe shumë e shumë intelektual të zonës sonë dhe jo vetëm.
Fillimisht Kryetarja e bashkisë znj. Majlinda Bufi së bashku më të ftuarit bën një vizitë në fabrikën e vajit të ullirit ku vëzhguan nga afër përpunimin e ullirit.
Festa më pas u zhvendos pranë kishës së “Shën Kollit” ku të pranishmit kaluan momente të bukura nën tigujt e muzikës dhe zërin e pa krahësueshëm të këngëtarit Petrit Lulo.
Festa ishte e mbushur me aktivitete të ndryshme si paniri me prodhime bujqësore – blektorale, promovimin e produkteve vendase, demostrimi i përfitimit të vajit me metodën e shtypjes me këmbë. Në panair ishin të pranishëm dhe disa nga pronarët e fabrikave të vajit dhe fermerë te ullirit.
Festën e gjallëruan dhe fëmijët të cilët kishin organizuar koreografi të ndryshme të veshura më veshje popullore.
Ta gëzojmë ndër vite Festën e Ullirit!
[lsvr_gallery images=”6402,6403,6404,6405,6406,6407,6408,6409,6410,6411,6412,6413,6414″ items_per_row=”4″ masonry=”yes” click_action=”lightbox”]
Takimi publik në Marinëz përmbylli ciklin e takimeve të zhvilluara në kuadër të proçesit të buxhetimit me pjesëmarrje për vitin 2018. Në këtë takim morën pjesë Kryetarja e bashkisë Roskovec znj. Majlinda Bufi së bashku me stafin e saj drejtues. Gjithashtu të pranishëm ishin përfaqësues të Këshillit Bashkiak z. Elmaz Cepele, z.Viktor Mata, z. Kudret Kuka, kryetari i fshatit z. Haxhi Ruko dhe përfaqësues nga komuniteti, fermerë.
Të gjitha problemet dhe projektet prioritare te këtij komuniteti u mbajtën shënim nga stafi i bashkisë.
Në fazën e dytë të përgatitjes së buxhetit për vitin 2018 dhe atë tre vjeçar 2018-2019-2020, të gjitha kërkesat dhe problematikat e ngritura nga komuniteti në të gjitha zonat do të shqyrtohen , do të përcaktohen projektet prioritare dhe ato të cilat janë më emergjente për tu zbatuar.
[lsvr_gallery images=”6344,6345,6346,6347,6348,6349,6350,6351,6352,6353,6354″ items_per_row=”4″ masonry=”yes” click_action=”lightbox”]
Janë drejt fundit takimet publike të zhvilluara në kuadër të proçesit të iniciuar nga bashkia Roskovec “ Buxhetimin me Pjesëmarrje për vitin 2018”.
Në ambientet e Pallatit të Kulturës u zhvillua sot dëgjesa me komunitetit e Roskovecit. Në të gjitha takimet e zhvilluara deri më tani vihet re dukshëm se komuniteti është shumë i interesuar për t’u përfshirë në proçesin e buxhetimit. Ky ishte qellimi që bashkia Roskovec filloi këtë proçes: Rritja e pjesëmarrjes së qytetarëve në vendimarrjen e bashkisë rreth buxhetit.
Këtë takim e drejtoi Kryetarja e bashkisë znj. Majlinda Bufi. Të pranishëm gjithashtu ishin dhe Administratori i përgjithshëm z. Kadri Hyska, N/ Kryetari i bashkisë z. Isa Hoxha, përfaqësues të Këshillit Bashkiak z. Elmaz Çepele, z. Kudret Kuka, përfaqësues nga drejtoritë e bashkisë dhe sigurisht qytetarë, fermerë e biznese.
Për punët e mira të realizuara në Roskovec dhe jo vetëm, nuk ka nevojë për fjalë.
Por akoma kemi shumë punë të cilat duhen përmirësuar dhe për këtë jemi të vetëdijshëm.
Të gjitha problemet që qytetarët shpalosën në këtë takim u mbajtën shënim dhe në fazën e dytë të përgatitjes së buxhetit, do të përcaktohen projektet prioritare për secilën zonë.
[lsvr_gallery images=”6357,6358,6359,6360,6361,6362,6363,6364,6365,6366,6367,6368″ items_per_row=”4″ masonry=”yes” click_action=”lightbox”]
Me pjesëmarrjen e këngëtarit Petrit Lulo, Bashkia Roskovec nën kujdesin e veçantë të kryetares zj. Majlinda BUFI organizon më datë 27 tetor 2017 ora 10.00 , në kishën 700- vjeçare të Shën Kollit në Kurjan, FESTËN E ULLIRIT.
Në këtë festë do të ketë koncert me këngë e valle të zonës, pjesëmarrje nga grupet e njësive administrative, panair bujqesor-blegtoral, etj.
Ftojmë të gjithë bashkëqytetarët të marrin pjesë në këtë festë e cila është kthyer në traditë të përvitshme në bashkinë tonë.
Shumë surpriza na presin.
Mos mungoni të shijoni bukuritë e natyrës që kjo zonë ofron!
[lsvr_gallery images=”6371,6372″ items_per_row=”4″ masonry=”yes” click_action=”lightbox”]
