Skip to content Skip to left sidebar Skip to footer

News

TAKIM ME TALENTET

Sot me 23 maj 2016 tek biblioteka e qytetit në Pallatin e Kulturës Roskovec u organizua një ceremoni modeste me titull “Takim me talentet”. Në këtë aktivitet morën pjesë nxënës, mësues, prindër, botues, etj.
Mori pjesë dhe përshëndeti zëvendëskryetari i Bashkisë Roskovec z. Afrim Plaka.
Programin e aktivitetit e çeli promovimi i librit “Korçarja e vogël” me autore Stelina Myftarago, e cila është nxënëse në shkollën “Alush Grepcka”. Moderatorja e aktivitetit dhe punonjese në bibliotekë znj. Elfrida Goga foli rreth jetës së autores. Ndërsa vetë Stelina foli për procesin krijues, për hapat e parë në rrugën e bukur të krijimtarisë. Drejtori i Kulturës Thoma Goga në diskutimin e tij, vlerësoi shumë poezitë e Stelinës për figuracionin, tematikën, lirshmërinë e vargjeve. Disa nga shoqet e autores recituan poezi të zgjedhura.
Pastaj u prezantua gazeta që doli në shkollën “Sabri Refiti” të Ngjeqarit. Gazeta mban titullin “MIMOZAT”. Kjo gazetë e bërë nga vetë nxënësit e kësaj shkolle sjell një risi, freski dhe pasqyron edhe jetën në një fshat të largët sic është Ngjeqari. Mësuesja e talentuar Juli Myftari bëri një ekspoze të përmbajtjes dhe autorëve që ishin edhe të pranishëm.
Dy gjimnazistet Ana Kuqo dhe Bleona Sina folën për pasionin e tyre; e para për aktrim dhe e dyta në fushën e muzikës.
Dhe në fund një fitimtare; Nikita Kola që së bashku me vëllain dhe motrën e saj kanë fituar kohët e fundit një kupë në kompeticionet kombëtare.
Pallati I Kulturës do të organizojë edhe takime të tjera për të tjerë talente që sot nuk kishin mundësi të vinin. Të gjithë talenteve u urojmë suksese.
[lsvr_gallery images=”1579,1580,1581,1582,1583,1584,1585,1586,1587,1588,1589,1590,1591,1592,1593″ items_per_row=”4″ masonry=”yes” click_action=”lightbox”]

facebookShare on Facebook

AKSION SENSIBILIZUES

Në kuadrin e nismës “Qytetet e gjelbërta” edhe Bashkia Roskovec, në zbatim edhe të programit të shpallur, u përfshi në aksionin sensibilizues “Ta Pastrojmë Shqipërinë në një ditë”.
Punonjës të administratës, nxënës e mësues, intelektualë si dhe punonjës të sektorit të pastrimit të qytetit dolën nëpër rrugë, nxënësit e shkollave në mbediset që kanë pranë dhe zhvilluan një aksion model. Fotoreportazhi i radhës transmeton mesazhin e ruajtjes dhe mirëmbajtjes së mjediseve ku jetojmë.
Disa nga fotot janë fiksuar në rrugë, disa në shkollat “Adem Vrapi” e “Alush Grepcka” Roskovec, Ajet Toska në Suk -2, “Jashar Muhameti” në Vlosh, “Didin Bishani” në Kurjan, “Sabri Refiti” Ngjeqar etj.
[lsvr_gallery images=”1495,1496,1497,1498,1499,1500,1501,1502,1503,1504,1505,1506″ items_per_row=”4″ masonry=”yes” click_action=”lightbox”]

facebookShare on Facebook

FUTBOLL – Kupa “24 Korriku”

Dje më datë 17 maj 2016 në Pallatin e Kulturës u zhvillua një ceremoni modeste sportive. Në këtë aktivitet merrnin pjesë përfaqësues nga njësitë administrative, sportdashës, drejtues dhe trajner ekipesh, nga shoqata RRUFEJA etj.
Ndodhej edhe zëvendëskryetari i Bashkisë Roskovec z. Afrim Plaka i cili përshëndeti edhe në emër të kryetares zj. Majlinda BUFI. Pastaj ai zbuloi kupën që mori emrin “24 Korriku”. Më pas u hodh një short për zgjedhjen e fanelave sipas ngjyrave. Katër futbollistë të vegjël mbanin veshur fanelat që u ekspozuan para publikut.
Drejtori i Kulturës Thoma Goga bëri publik edhe tekstin e hymnit RRUFEJA që do të kompozohet dhe do të transmetohet në ditën e festës 24 Korrik. Moderatorja e talentuar Stelina Myftarago, nxënëse në shkollën “Alush Grepcka”, zbuloi përmes një shorti me gogla takimet e para të kupës “24 Korriku”.
Këto takime që do të fillojnë më datë 28 maj 2016 do të përfundojnë me një finale në datë 24 korrik, ditën e festës së Bashkisë Roskovec midis ekipit që zë vendin e parë dhe atij të vendit të dytë. Në përfundim dy talentet e karatesë Nikita dhe Emanuel Kola, që kanë fituar një kupë në kompeticionet kombëtare, demonstruan numra karateje që u duartrokitën nga spektatorët.
Kurse sot më datë 18 maj 2016 një përfaqësi e komunitetit sportiv I dorëzoi zj. Majlinda BUFI fanelën me numrin 10 dhe emrin simbolik RRUFEJA.
Më poshtë po japim kalendarin e ndeshjeve deri në përfundim:
KALENDARI I NDESHJEVE TE FUTBOLLIT
– Dita e parë- 28 maj ora 17.oo
Roskoveci- Kurjani
– Dita e dytë- 4 qershor ora 17.oo
Strumi – Kumani
– Dita e tretë- 11 qershor ora 17.oo
Strumi- Kurjani
– Dita e katërt- 18 qershor ora 17.oo
Roskoveci – Strumi
– Dita e pestë- 25 qershor ora 17.oo
Kurjani – Kumani
– Dita e gjashtë – 2 korrik, ora 17.oo
Roskoveci – Kumani
– Ekipi që zë më shumë pikë zhvillon një ndeshje finale me ekipin e vendit të dytë
– Ndeshja finale do të zhvillohet në ditën e festës, më datë 24 korrik në Roskovec , ora 17.oo
– Nga kjo kupë do të mblidhen elementët më të mirë për të formuar ekipin RRUFEJA……
[lsvr_gallery images=”1475,1476,1477,1478,1479,1480,1481,1482,1483,1484,1485,1486,1487,1488,1489,1490,1491,1492″ items_per_row=”4″ masonry=”yes” click_action=”lightbox”]

facebookShare on Facebook

ROSKOVECI NË REVISTËN “TRAVEL

Këto ditë doli nga shtypi revista prestigjoze TRAVEL e cila promovon vlera interesante në treva të ndryshme të vendit tonë që tërheqin vëmendjen e turistave të huaj dhe vendas. Kjo revistë, që shpërndahet në të gjitha trevat shqipfolëse të rajonit ballkanik e më gjerë, i kushtoi vëmendje të madhe edhe Roskovecit.
[lsvr_gallery images=”1470,1471″ items_per_row=”2″ masonry=”yes” click_action=”lightbox”]

facebookShare on Facebook

BRIGADA E GJELBËRIMIT NË LËVIZJE

Në shërbim të gjelbërimit, në shërbim të komunitetit- kjo është motoja e punës për brigadën e gjelbërimit që drejton z. Renato Bane. Që herët në mëngjes bëhet shpërndarja e detyrave. Vetë punonjësit janë të interesuar që të mirëmbajnë në vijëmësi sipërfaqet e gjëlbëruara nga ata vetë. Në fund të fundit puna e tyre vlerësohet nga komuniteti. Fotoreportazhi tregon një ditë punë nga kjo brigadë.
[lsvr_gallery images=”1461,1462,1463,1464,1465,1466″ items_per_row=”3″ masonry=”yes” click_action=”lightbox”]

facebookShare on Facebook

PUNOHET PËR TROTUARIN

Të gjithë udhëtarëve u ka rënë në sy se në anë të rrugës Roskovec- Kuman po punohet për ndërtimin e një trotuari. Ky rrugëkalim për qytetarët krijon hapsirën e duhur për kalimin e makinave dhe shton sigurinë e kalimtarëve. Këto punime janë pjesë e një plani rregullues në hyrje të qytetit.
[lsvr_gallery images=”1449,1450,1451,1452,1453,1454″ items_per_row=”4″ masonry=”yes” click_action=”lightbox”]

facebookShare on Facebook

NJË DITË NË NJËSINË ADMINISTRATIVE KUMAN

Të gjitha zyrat e njësisë janë të hapura dhe në pritje të komunitetit për problem të ndryshme. Më të ngarkuara sigurisht janë ato të Drejtorisë së Bujqësisë, të Shërbimeve apo dhe Urbanistikës.
Të martën më datë 10 maj 2016 ishte planifikuar edhe një mbledhje me kryetarët e zgjedhur të fshatrave lidhur me parandalimin e kultivimit të bimëve narkotike. I pranishëm ishte zëvendëskryetari i Bashkisë Roskovec z. Afrim Plaka, inspektori i Policisë së Shtetit z. Ferrik Hoxha.
Kryetari i komanduar i Njësisë z. Riza Dyle paraqiti këtë problem si shqetësim të mbarë komunitetit. Të gjithë diskutantët mbështetën këtë mendim. Para se të fillonte mbledhja ne fiksuam edhe një grup punonjësish të pastrimit që punonin në oborrin e shkollës Marinëz, në kanalet rreth lagjes etj.
Ky fotoreportazh pasqyron një ditë normale pune në NJ. Administrative Kuman.
[lsvr_gallery images=”1384,1385,1386,1387,1388,1389,1390,1391″ items_per_row=”4″ masonry=”yes” click_action=”lightbox”]

facebookShare on Facebook

VAZHDON PASTRIMI I KANALEVE

Njësia Administrative Strum po ndjek me përparësi pastrimin e kanaleve ujitës. Prej vitesh këto kanale i kishin mbuluar ferrat dhe shkurret. Pamjet që shikoni janë fiksuar nga puna në fshatin Suk-2
[lsvr_gallery images=”1378,1379,1380″ items_per_row=”2″ masonry=”yes” click_action=”lightbox”]

facebookShare on Facebook

ROSKOVECI – QYTETI “STACION”

Ashtu modest dhe pa shumë pretendime, Roskoveci hyn te qytetet e vegjël të Shqipërisë, pse të mos themi, nga ata kuriozët dhe simpatikët. Njëlloj, si shumica e tyre, edhe ai e mbart histori dhe vlera të patjetërsueshme, të cilat na vijnë deri më sot qysh nga antikiteti i hershëm. I banuar herët si një nga stacionet kryesore të rrugës Egnatia, në Roskovec janë kryqëzuar gjatë të gjitha kohërave rrugët e komunikimit, qytetërimet, zhvillimet kulturore dhe bashkëjetesa midis komuniteteve. Pikërisht në këtë hapësirë gjenden shumë nga vlerat natyrore, materiale dhe shpirtërore të kulturës shqiptare. Gjetjet arkeologjike, ngjarjet historike, folklori dhe monumentet, konfirmojnë traditën e vjetër dhe të re të këtij qyteti, që bashkë me […]

Diten e diel më 8 maj 2016 gazeta DITA botoi këtë shkrim rreth qytetit të Roskovecit.

Vazhdimin mund ta lexoni në faqen elektronike të gazetës DITA, në linkun e mëposhtëm:
http://www.gazetadita.al/roskoveci-qyteti-stacion/

facebookShare on Facebook

DETYRA DHE OBJEKTIVA

– Analiza e Qendrës Shëndetësore Kuman –
Analiza e Performancës së Qendrës Shëndetësore Kuman për vitin 2015 dhe planifikimi i objektivave dhe aktiviteteve për vitin 2016 u mbështetet nga projekti “Shëndet për të Gjithë (HAP),i financuar nga Agjensia Zviceriane për Zhvillim dhe Kooperim(SDC)
Në këtë takim morën pjesë: Përfaqsues të komunitetit dhe shoqerisë civile; përfaqsues të pushtetit vendor, Nënkryetari i Bashkisë Roskovec Z.Afrim Plaka, Drejtuesi i Njësisë Administrative Kuman Z.Riza Dyle, këshilltarë bashkiak; kryetarë fshatrash të Njësisë Administrative Kuman; drejtues të Qendrave Shëndetësore Roskovec, Kurjan, Strum; Drejtues Shkollash.
Në këtë takim Drejtoresha e Q.Sh. Kuman Znj. Blerina Buzi prezantoi arritjet dhe sfidat në zbatimin e aktiviteteve dhe planifikimin për vitin 2016.
Drejtoresha arriti të menaxhonte jo vetëm prezantimin e saj por njëkohësisht të sqaronte përfaqsuesit e komunitetit në lidhje me pyetjet që ata kishin.

Fotot që shoqërojnë këtë aktivitet.
[lsvr_gallery images=”1349,1350,1351″ items_per_row=”3″ masonry=”yes” click_action=”lightbox”]
facebookShare on Facebook
Facebook
Facebook