Skip to content Skip to left sidebar Skip to footer

Bashkia

Mbledhja e Këshillit Bashkiak

Sot më datë 24.03.2017 u zhvillua mbledhja e Këshillit Bashkiak. Në rendin e ditës ishin këto probleme:
• Miratimi i Ndihmave Ekonomike për muajin Mars 2017
• Shtesë kontrate për objektin në ndërtim KUZ Kuman,zona II
• Ndërtimi i zyrave të Bordit të Kullimit, Bashkia Roskovec
• Miratimin e tarifave të parkimit abone
• Shfuqizimin e Vendimit Nr.13 datë 20.02.2017 “Për dhënien e ndihmës financiare pronarëve të objekteve të dëmtuara, për shkaqe natyrore, në njësinë administrative Kuman”.
• Dhënien e ndihmës financiare pronarëve të objekteve të dëmtuara, për shkaqe natyrore, në njësinë administrative Strum dhe Kurjan
Për këto e disa probleme shtesë të tjera që u trajtuan në mbledhje të Këshillit Bashkiak u dhanë shpjegime nga Kryetarja e bashkisë znj. Majlinda Bufi dhe stafi drejtues i bashkisë. Në fund u morën vendimet përkatëse.

[lsvr_gallery images=”4485,4486,4487,4488,4489,4490,4491,4492,4493″ items_per_row=”4″ masonry=”yes” click_action=”lightbox”]

Analiza Vjetore në Qendrën Shëndetësore Kuman

Sot në Njësinë Administrative Kuman u zhvillua analiza vjetore e vitit 2016 e Qendrës Shëndetësore Kuman me drejtoreshë znj. Blerina Buzi. Të pranishëm në këtë takim ishin Kryetarja e Bashkisë Roskovec znj. Majlinda Bufi, N/ Kryetarët e bashkisë, Drejtoresha e Shëndetit Publik Fier znj. Nevila Shuke , z. Ilir Xhindi nëndrejtor i Fondit Fier, përfaqësues të HAP-it, drejtorët e Qendrave Shëndetësore dhe të shkollave të Bashkisë Roskovec dhe pjesëmarrje nga komuniteti. Qellimi i këtij takimi ishte pasqyrimi i detajuar i veprimtarisë së kësaj qendre shëndetësore dhe objektivat që kjo qendër kishte përcaktuar për vitin 2017. Gjatë analizës u përmendën nevojat dhe problematikat që stafi has gjatë përditshmërisë së punës së tyre. Kryetarja e e bashkisë shprehu gatishmërinë e saj për çdo nevojë dhe problem të kujdesit shëndetësor të bashkisë Roskovec.
Në fund Drejtoresha e qendrës Shëndetësore Kuman shprehu: “Sfida jonë në këtë qendër shëndetësore është dhe do të jetë rikthimi I besimit të humbur të pacientëve te shërbimi shëndetësor, t’ju japim atyre mbrojtjen e merituar përmes një sistemi shëndetësor me mbulim gjithpërfshirës për të shërbyer me përkushtim cilësi dhe humanizëm”.

[lsvr_gallery images=”4467,4468,4469,4470,4471,4472,4473″ items_per_row=”4″ masonry=”yes” click_action=”lightbox”]

Urim për Sulltan Novruzin

Kryetarja e bashkisë znj. Majlinda Bufi dhe stafi i bashkisë uron :
Gëzuar Sulltan Novruzin!
Urojmë besimtarët bektashinj dhe të gjithë shqiptarët sa më shumë paqe, mirësi dhe mbarësi!

LEGALIZIME FALAS

Sot për fshatrat e bashkisë Roskovec u shpërndanë rreth 800 leje legalizimi. Në praninë e deputeti z. Gramoz Ruçi, Kryetares së bashkisë Roskovec znj. Majlinda Bufi, deputetit të zonës sonë z. Anduel Xhindi, Prefektit të Qarkut Fierit z. Xhevit Bushi dhe Drejtorit të Aluizmit Fier z. Ervin Bushi u mundësua shpërndarja e çertifikatave të legalizimit. Më në fund iu dha zgjidhje pas kaq shumë vitesh dhe problemit të legalizimit të pronave të këtyre banorëve. Në ditët në vazhdim pritet të bëhet shpërndarja e çertifikatave për Roskovecin.
[lsvr_gallery images=”4436,4437,4438,4439,4440,4441,4442,4443,4444″ items_per_row=”4″ masonry=”yes” click_action=”lightbox”]  

Takim me përfaqësues të Ambasadës Zviceriane

Në ditën e sotme bashkia Roskovec u vizitua nga përfaqësues së Ambasadës Zviceriane në Shqipëri. Vizita e tyre filloi me një takim të shkurtër në zyrën e Kryetares znj.Majlinda Bufi. Të pranishëm në këtë takim ishin Zv. Shefi i Zyrës për Ballkanin Perëndimor z. Andreas Gerrits , z. Alexander Widmer Përgjegjës për Shqipërinë në Bern, znj. Debora Kern përfaqësuese e Ambasadës Zviceriane në Shqipëri , z. Sokol Haxhiu përfaqësues i Ambasadës Zviceriane në Shqipëri dhe znj. Erika Placela Këshilltare për Shqipërinë në Bern. Më pas takimi u zhvillua në ambientet e Pallatit të Kulturës ku të pranishëm ishin edhe N/Kryetarja e bashkisë znj. Hava Begaj, K/ Administratori z. Kadri Hyska, Drejtorët e Qendrave Shëndetësore të bashkisë Roskovec dhe përfaqësues të HAP-it. Gjatë këtij takimi u diskutua rreth problematikave kryesore të Qendrave Shëndetësore dhe investimet e mundshme që mund të realizohen në bashkëpunim me HAP-in.
Qendrat Shëndetësore të Roskovecit dhe Kurjanit u vizituan më nga afër nga këta përfaqësues ku u njohën personalisht me stafin dhe problematikat që ata hasin gjatë përditshmërisë së tyre.

[lsvr_gallery images=”4425,4426,4427,4428,4429,4430,4431,4432,4433″ items_per_row=”4″ masonry=”yes” click_action=”lightbox”]  

Rrjeti i ri KUZ

Puntorët e bashkisë Roskovec çdo ditë në punë. Ska ndalur asnjë ditë puna për ndërtimin e rrjetit të ri KUZ në lagjen “Kodra e Spitalit”.
Zgjidhje përfundimtare për banorët e kësaj zone.
[lsvr_gallery images=”4413,4414,4415,4416,4417″ items_per_row=”4″ masonry=”yes” click_action=”lightbox”]

Takim me Ambasadorin e Suedisë

Ambasadori i Suedisë në Tiranë Johan Ndisi dhe Koordinatori i Përhershëm i OKB dhe njëherazi përfaqësues i PNUD në Shqipëri Brian Williams kanë vizituar dje Roskovecin. Fillimisht ata kanë mbërritur në Kuman të shoqëruar nga të rinj dhe kanë përshkuar një shëtitje me biçikletë itenerarin Kuman- Roskovec, kjo në kuadër të turit të tij ciklistik nëpër Shqipëri. Vizita më pas ka vazhduar në një takim të shkurtër në zyrën e Kryetares së bashkisë znj. Majlinda Bufi. Qellimi kryesor i vizitës së ambasadorit Johan Ndisi ishtë për të parë rezultatet e ndryshimeve të ndodhura nga reforma administrative- territoriale por dhe për të dhënë ndihmën e tyre në mënyrë që kjo reformë të ecë përpara. Gjatë kësaj vizite ambasadori Johan Ndisi dhe Koordinatori i Perhershem i OKB kanë takuar grupin teknik të ngritur pranë bashkisë Roskovec “Pro barazisë gjinore- kundër dhunës në familje”. Pikat kyçe të diskutimit gjatë këtij takimi ishin investimet e bëra për fuqizimin ekonomik të gruas dhe mirëfunksionimi i mekanizmit kundër dhunës në familje . Kryetarja e bashkisë znj. Majlinda Bufi ka shprehur gatishmërinë dhe mundësitë reale për ngritjen e një qendre pritje për ato gra dhe vajza që ndjehen të kërcënuara nga dhuna në familje. Gjithashtu ajo shtoi se bashkia Roskovec ka nisur një fushatë sensibilizuese për promovimin, nxitjen dhe ndihmën financiare për gratë në agrobiznes.
[lsvr_gallery images=”4402,4403,4404,4405,4406,4407,4408,4409,4410″ items_per_row=”4″ masonry=”yes” click_action=”lightbox”]

Infrastruktura Rrugore

Sot Kryetarja e bashkisë Roskovec znj.Majlinda Bufi inspektoi punimet në rrugën “Qazim Hoxha”. Puntorët janë duke vazhduar punimet për ndërtimin e trotuarit dhe zhvendosjen e shtyllave elektrike.
Punohet intesivisht në mënyrë që qytetit të Roskovecit ti shtohet sa më shpejtë një tjetër rrugë me parametra urbanë.
[lsvr_gallery images=”4395,4396,4397,4398″ items_per_row=”4″ masonry=”yes” click_action=”lightbox”]

Urim për Ditën e Verës

Kryetarja e Bashkisë Roskovec znj. Majlinda Bufi dhe stafi i bashkisë uron : Gëzuar Ditën e Verës💐
Për Ju dhe familjet Tuaja të keni vetëm paqe, gëzime dhe lumturi🌹🌺
 

Facebook
Facebook