Author: bashkiaroskovec

MBLEDHJE E HAPUR E KESHILLIT BASHKIAK

Siç ishte bërë e ditur edhe përmes njoftimeve mediatike, sot më datë 13.6.2016 u zhvillua mbledhja e radhës e Këshillit Bashkiak. Në mbledhje ishin të pranishëm edhe shumë qytetarë.
Sipas rendit të ditës, në fillim dy anëtarë të rinj të këshillit Bashkiak bënë betimin. Rudina Patozi dhe Florjan Kuka. Pastaj u vijua me disa ndryshime në buxhetin e bashkisë si dhe me miratimin e programit buxhetor afatmesëm.
Pikat më interesante jo vetëm për këshilltarët, por edhe për banorët ishte ajo e projekt-rehabilitimit urban i tre blloqeve të qytetit.
Të shfaqura edhe përmes videoprojektorit, u bënë të qarta sistemimi i tyre sipas projekteve përkatëse. Para se të fillonte shpjegimet e duhura, kryetarja e bashkisë zj. Majlinda BUFI bëri të ditur lajmin e mirë se është miratuar fondi për fillimin e punimeve të unazës së qytetit. Më pas u kalua hap pas hapi në shpjegimet për secilën zonë e bllok. Gjithashtu me interes ishte edhe projekti i Bankes Botërore për rehabilitimin e skemave ujitëse në territorin e bashkisë sonë.
Shumë qytetarë bënë pyetje dhe shprehën interesin e tyre për këto projekte.
[lsvr_gallery images=”1845,1846,1847,1848,1849,1850,1851,1852″ items_per_row=”4″ masonry=”yes” click_action=”lightbox”]

FUTBOLL DHE EMOCION

Sot më datë 10 qershor 2016 në orën 17.oo në fushën e bukur të Sukut u zhvillua ndeshja e radhës midis ekipit të Njësisë Administrative Strum dhe atij të Kurjanit. Interesimi i madh për këtë ndeshje u shoqërua edhe me lojën e bukur të të dy ekipeve. Spektakël në lojë, por dhe me gola. Plot 8 gola e bënë edhe më të bukur lojën. Rezultati përfundimtar 4-4. Gjatë gjithë lojës nuk pati asnjë problem. U duatrokitën edhe gjyqtarët me kryesor Kreshnik Cjapi. Fotoreportazhi sjell pamje dhe emocione nga kjo ndeshje.
Në këtë mënyrë ekipi i Strumit kryeson klasifikimin me 4 pikë, ndjekur nga Roskoveci me 3, Kurjani me 1 dhe Kumani me O pikë.
Takimi i radhës është Roskoveci – Strumi, të shtunën e ardhshme
[lsvr_gallery images=”1840,1839,1838,1837,1836,1835,1834,1833,1832,1831,1830,1829,1828,1827,1826,1825,1824,1823,1822,1821,1820,1819,1818,1817″ items_per_row=”4″ masonry=”yes” click_action=”lightbox”]

Fëmijet dhe Shëndeti

Më datë 08.06.2016, Qendra Shëndëtsore Kuman me doktoreshë Blerina Buzi, në bashkëpunim me organizatën Jofitimprurëse, “Gruaja, Mjedisi, Komuniteti”, në të gjitha shkollat e “Njësisë Administrative Kuman” organizuan projektin “Fëmijet dhe Shëndeti” ky projekt do të organizohet dhe me fëmijët e të gjithë Bashkisë Roskovec
[lsvr_gallery images=”1811,1812″ items_per_row=”2″ masonry=”yes” click_action=”lightbox”]

NË SHKOLLËN E STRUMIT 2 GAZETA

Nxënësit e shkollës “7 Dëshmorët” në Strum po e mbyllin vitin mësimor 2015-2016 me balance të shkëlqyera. Krahas notave që janë tregues i përgatitjes mësimore, krahas aktiviteteve të shumta kulturore, artistike e sportive që janë tregues të pasioneve dhe talenteve të tyre, ata shpalosën edhe një tregues tjetër; nxorrën në dritën e botimit edhe 2 gazeta.; “Fjordet” dhe “The Revolution”. Ideatorë dhe realizues janë vetë nxënësit e kësaj shkolle. Stafi pedagogjik dhe drejtori Gazmir Toska kanë meritën që mbështesin këto ide bashkohore dhe europiane. Ju lumtë!
[lsvr_gallery images=”1801,1802″ items_per_row=”4″ masonry=”yes” click_action=”lightbox”]

NJË NDESHJE ME STANDARTE

Ditën e shtunë më 4 qershor 2016 në fushën e bukur të Suk-1 u zhvillua takimi i radhës midis ekipit përfaqësues të Njësisë Administrative Strum dhe atij të Kumanit. Më herët organizatorët kishin marrë masat e duhura; fusha ishte vizuar,ishin vendosur flamujt. Në orën 17 ndeshja filloi me fotot e rastit të ekipeve. Kjo ndeshje kishte ngjallur interesim të madh tek banorët vendas dhe jo vetëm. Edhe në këtë ndeshje e pranishme ishte kryetarja e bashkisë zj. Majlinda BUFi si dhe zëvendëskryetari Afrim Plaka. Kjo ndeshje u drejtua nga një 3-she gjyqtarësh të kategorisë superiore me kryesor Kreshnik Cjapi dhe ndihmsat e tij Albano Konoceri dhe Ramazan Thaçi.
Takimi ishte vlerësuar nga të dy ekipet. Të parët kaluan në avantazh ekipi I Kumanit. Por futbollistët e Strumit u mobilizuan dhe me një lojë të organizuar arritën të barazojnë dhe përmbysin rezultatin. E gjithë ndeshja përfundoi 3-1 në favor të ekipit vendas-Strum.
Pas dy ndeshjeve Strumi dhe Roskoveci kanë nga 3 pikë por vendin e parë e ruan Strumi me golaverazh më të mirë
[lsvr_gallery images=”1773,1774,1775,1776,1777,1778,1779,1780,1781,1782,1783,1784,1785,1786,1787,1788,1789,1790,1791,1792,1793,1794,1795,1796,1797,1798″ items_per_row=”4″ masonry=”yes” click_action=”lightbox”]

FËMIJËT NË SKENË

Si asnjë herë tjetër skena e Pallatit të Kulturës Roskovec nuk ka patur kaq shumë artistë të vegjël dhe spektatorë të mëdhenj. Ishin prindërit dhe gjyshërit e vogëlushëve që ndiqnin këta artistë të mrekullueshëm. Pothuaj të gjithë kopshtet në çdo fshat zhvilluan koncertet e tyre me rastin e 1 Qershorit – Festës së femijëve. Të tillë mund të përmendim kopshtet në Marinëz, Kuman, Velmish, Ngjeqar etj.
Me këto aktivitete Bashkia e Roskovecit synon kultivimin e vlerave kulturore, edukimin përmes veprimtarive masive. Duke u rritur me këtë frymë brezat e vogëlushëve, zhvillojnë edhe pasionin e tyre për artin dhe muzikën.
Ky fotoreportazh është një përmbledhje fotografish nga këto aktivitete.
[lsvr_gallery images=”1758,1759,1760,1761,1762,1763,1764,1765,1766,1767,1768,1769,1770″ items_per_row=”4″ masonry=”yes” click_action=”lightbox”]

KONCERT FËMINOR

I Qershori i këtij viti gjallëroi skenën dhe sallën e Pallatit të Kulturës Roskovec. Fëmijët e kopshteve të qytetit Roskovec shpërthyen me zërat gazmorë. Këngë, valle e recitime, skena improvizimi u pëlqyen nga prindërit që mbushnin sallën. Në emër të Bashkisë Roskovec përshëndeti zëvendëskryetari Afrim Plaka. Fotoreportazhi sjell pamje nga ky koncert. Koncerte të tilla u zhvilluan në shumë kopshte të Bashkisë Roskovec. Shpejt do të kemi një fotoreportazh përmbledhës edhe nga kopshtet e fshatrave.
Edhe një herë: GËZUAR 1 QESHORIN, FËMIJË TË DASHUR!
[lsvr_gallery images=”1735,1736,1737,1738,1739,1740,1741,1742,1743,1744,1745,1746,1747,1748,1749″ items_per_row=”4″ masonry=”yes” click_action=”lightbox”]

1 Qershor – Gëzojnë fëmijët

Dita e 1 Qershorit edhe në kopshtet e shkollat e Bashkisë Roskovec solli gëzim e hare. Që në orën 9 salla e Pallatit të Kulturës gumëzhiu nga zërat e gëzuar të fëmijëve të kopshteve të qytetit Roskovec.
Kurse në orën 11 kryetarja e Bashkisë zj. Majlinda BUFI priti një grup fëmijësh, përfaqësues nga të gjitha shkollat e bashkisë. Fëmijët me tufa lulesh mbushën zyrën e kryetares e cila u rezervoi një pritje të ngrohtë. Në mesazhin e urimit zj. Majlinda uroi fëmijët me rastin e 1 Qershorit duke shprehur edhe dëshirën që jeta e tyre të jetë sa më e lumtur. Duke marrë nga një çokollatë fëmijët shprehnin e dëshirat e tyre. Dikush u ul edhe në karrigen e kryetares duke ndezur dëshirën që një ditë mund të bëhet edhe kryetar.
Pastaj disa foto zyrtare para bashkisë me të gjithe fëmijët dhe mësuesit që i shoqëronin.
Për disa nga fëmijët më të dalluar u shpërndanë çertifikata.
[lsvr_gallery images=”1710,1711,1712,1713,1714,1715,1716,1717,1718,1719,1720,1721,1722,1723,1724,1725,1726,1727,1728,1729,1730,1731,1732″ items_per_row=”4″ masonry=”yes” click_action=”lightbox”]

PRITJE E NGROHTË MIQËSORE

Ditën e martë më datë 31 maj 2016, kryetarja e Bashkisë Roskovec zj. Majlinda BUFI priti në një takim të veçantë Mitropolitin e Apollonisë, Fierit, Patosit dhe Libofshës, Hirësinë e Tij z. Nikolla. Në këtë takim Hirësia e Tij shoqërohej nga kleriku At Nikolla Nushi. Ndodheshin edhe zëvendëskryetari Afrim Plaka si dhe drejtori i Kulturës Thoma Goga. Pasi u uroi mirëseardhjen mysafirëve të nderuar, kryetarja e bashkisë e uroi klerikun e lartë edhe për fronëzimin e tij në detyrën e lartë të Metropolitit.
Në takim u fol për ruajtjen e objekteve të kultit dhe të trashëgimisë së vlerave kulturore të tyre. Palët diskutuan dhe informuan lidhur me problemet për ngritjen e kishës ortodokse në Roskovec. Gjithashtu u fol edhe për aplikimin e disa projekteve social kulturore për fëmijët dhe të rinjtë.
Në përfundim Metropoliti z. Nikolla falenderoi kryetaren e Bashkisë Roskovecit zj. Majlinda BUFI për pritjen e ngrohtë e miqësore.
[lsvr_gallery images=”1700,1701,1702,1703,1704,1705,1706″ items_per_row=”4″ masonry=”yes” click_action=”lightbox”]

TË MOS HARROJMË SE NGA VIJMË

Vërtetë të mos harrojmë se nga vijmë, se pastaj nuk dimë se ku shkojmë. Ky është lejtmotivi apo mesazhi që përcillet në një takim të përvitshëm në bujtinën e inxh. Vangjel Prifti ne Marinez. Edhe kjo e dielë sot më datë 29 maj 2016 kaloi me mbresa ta rralla nga ky takim. Një ftesë verbale bashkë me kryetaren e bashkisë zj. Majlinda BUFI dhe kryetarin e fshatit Haxhi Ruko na çoi në këtë takim. Por befasia i kaloi pritshmëritë. Historia e një fisi nuk qenka “pronë” vetëm e këtij fisi. Aty u njohëm me trungun nga kanë dalë degët e një fisi tashmë të madh. Mbledhja cdo vit e familjeve PRIFTI në këtë bujtinë tregon edhe për trashëgiminë kulturore. Një përshëndetje speciale bëri edhe zj. Majlinda Bufi.
Edhe pse e dielë si ditë pushimi, mësuam më shumë se kaq. Falenderojmë çiftin mikpritës Vangjel e Zana Prifti.
[lsvr_gallery images=”1656,1657,1658,1659,1660,1661,1662,1663,1664,1665,1666,1667,1668,1669,1670,1671,1672,1673,1674,1675,1676,1677,1678,1679,1680,1681,1682,1683,1684,1685″ items_per_row=”4″ masonry=”yes” click_action=”lightbox”]