Skip to content Skip to left sidebar Skip to footer

Author: bashkiaroskovec

Young Leaders Of Roskovec

Ditën e sotme ashtu dhe siç ishte lajmëruar grupi më i ri “Young Leaders of Roskovec” me nismën e veçantë të z. William Burchell përfaqësuesit të Peace Corps, dhuruan disa libra për Bibliotekën Publike Roskovec.
Të rinjtë shkruajtën nga një dedikim në secilin libër.
Kjo është një nismë për t’u marr shembull nga të gjithë ne.
Një falenderim i veçantë i shkon fëmijëve pjesëmarrës dhe sigurisht z. Burchell për kontributin e paçmueshëm nga ana e tij .
[lsvr_gallery images=”4876,4877,4878,4879,4880,4881,4882″ items_per_row=”4″ masonry=”yes” click_action=”lightbox”]

Olimpjada Sportive

Nxënësit e shkollës “Alush Grepcka” Roskovec organizuan një olimpiadë me karakter fiskulturore-sportive. Stafi i mësuesve kishte marrë masa për të krijuar një atmosferë festive. U ndezën pishtarët e olimpiadës si një tregues i vazhdimsisë së aktiviteteve që kjo shkollë organizon.
Gjatë kësaj olimpiade u zhvilluan lojra të ndryshme si : kërcime, vrapime në natyrë, gara e balonave më të bukura, tërheqje litari, aerobi etj.
Kjo spartakiadë shton larminë e veprimtarive edukuese të brezit të ri.
[lsvr_gallery images=”4861,4862,4863,4864,4865,4866,4867,4868,4869,4870,4871,4872,4873″ items_per_row=”4″ masonry=”yes” click_action=”lightbox”]

Investime në Komunitet

Sapo kanë filluar punimet për kanalizimet e ujrave të zeza në lagjen Rukanjarë nē fshatin Suk 2 , njësia administrative Strum .  Një tjetër investim kaq shumë i nevojshëm nga të ardhurat e bashkisë.
[lsvr_gallery images=”4853,4854,4855,4856″ items_per_row=”4″ masonry=”yes” click_action=”lightbox”]

Rivitalizimi I Liqenit Të Kurjanit

Së bashku me punëtorët e Sektorit të Gjelbërimit duke mbjellë pemë për një qytet të gjelbëruar. Pemët e reja do të hijeshojnë në kodrën e liqenit të Kurjanit.
Çdo ditë një zonë e zbukuruar, çdo ditë e më shumë oksigjen. 🌴 🌴 🌴 🌴
[lsvr_gallery images=”4844,4845,4846,4847,4848,4849,4850″ items_per_row=”4″ masonry=”yes” click_action=”lightbox”]

1 Majit-Festa e Punëtorëve

Bashkia Roskovec organizoi një tjetër festë madhështore.
Ishin të shumtë banorët të cilët iu bashkuan festës së 1 Majit pranë liqenit të Kurjanit. Natyra e mbrekullueshme e liqenit ndërthurur me larmi aktivitetesh artistike, argëtuese dhe nën shoqërinë e shërbimeve të kateringut krijuan këtë 1 Maj, një panoramë dhe atmosferë të papërsëritshme.
Pas kaq shumë vitesh e lënë në harresë u ripërtëri kjo traditë kaq e bukur.
Gjatë festës nuk munguan lojra zbavitëse si volejboll, tërheqje litari, animator për vogëlushët dhe një panair i vogël me prodhime agro- blektorale dhe artizanale.
Orë të paharrueshme kaluan të pranishmit në ajrin e pastër, ambientin e gjelbëruar dhe nën tingujt e muzikës.
[lsvr_gallery images=”4825,4826,4827,4828,4829,4830,4831,4832,4833,4834,4835,4836″ items_per_row=”4″ masonry=”yes” click_action=”lightbox”]

Festa e Abetares

Dy klasat e para të shkollës 9- vjeçare “Alush Grepcka” organizuan në Pallatin e Kulturës Roskovec festën e tyre të Abetares. Prindër, nxënës, mësues dhe të ftuar ndoqën me interes përformancën e bukur të klasave të parë që ishin përgatitur nga mësueset e përkushtuara Sonila Sota dhe Mirela Shahini.
Nxënësit e këtyre klasave, të veshur bukur dilnin në skenë të qeshur e të gëzuar. Në program kishte këngë, recitime dhe valle të larmishme. Fëmijët transmetuan dashurinë për dijen,atdheun, prindërit, mësuesit.
Ju urojmë suksese të mëtejshme vogëlushëve.
[lsvr_gallery images=”4803″ items_per_row=”4″ masonry=”yes” click_action=”lightbox”]

Emigrantët

Pallati i Kulturës sot mirëpriti trupën e aktorëve të Teatrit Bylis me shfaqjen e tyre dramë satire nga Slawomir Mrozek “Emigrantët”. Një organizim i cili ishte nën kujdesin e veçantë të Kryetares së bashkisë znj. Majlinda Bufi. Në këtë dramë luanin aktorët e mirënjohur Astrit Hasani, Fatmir Xhelili dhe Eugerta Jasini.
Kjo shfaqje pati një pjesëmarrje të gjerë nga komuniteti.
Emocione të pafundme dhuruan aktorët me interpretimin e tyre. Të tilla organizime do të jenë më të shpeshta në bashkinë tonë.
[lsvr_gallery images=”4820,4819,4818,4817,4816,4815,4814″ items_per_row=”4″ masonry=”yes” click_action=”lightbox”]

Mbledhje Këshillit Bashkiak

Dje më datë 24. 04. 2017 u zhvillua mbledhja e Këshillit Bashkiak për vitin 2017. Në rendin e ditës ishin këto probleme:
1.Miratimi i Ndihmave Ekonomike për muajin Prill 2017
2. Plan studimor i pjesshëm urbanistik, Jagodinë.
3.Shpronisime të pasurisë pronë private për interes publik, të cilat preken nga zbatimi i projektit “Rehabilitim i rrugës së Kurjanit”
4. Detajimin e shpenezimeve të zërit Materiale të miratuar ne Buxhetin e Bashkisë për vitin 2017.
5.Miratimin e ndryshimeve në Buxhetin e Bashkisë për vitin 2017
6.Miratimin e tavaneve të shpenzimeve për programin Buxhetor Afat- Mesëm 2018-2020.
Për këto e disa probleme shtesë të tjera që u trajtuan në mbledhje të Këshillit Bashkiak u dhanë shpjegime nga Kryetarja znj.Majlinda Bufi dhe stafi drejtues i bashkisë. Në fund u morën vendimet përkatëse.
Ju rikujtojmë se mbledhjet e Këshillit janë të hapur.
[lsvr_gallery images=”4757,4758,4759,4760,4761,4762,4763″ items_per_row=”4″ masonry=”yes” click_action=”lightbox”]

Rehabilitim i kanalit ujitës V35

Sot në fshatin Suk 1 , njësia administrative Strum , duke inspektuar punimet e objektit shumë të nevojshëm për fermerët :
” Rehabilitim i kanalit ujitës V35 ” , financuar nga Fondi i Zhvillimit të Rajoneve .
Ujitja , objektivi që po përmbushet jo vetëm në Bashkinë tonë , por në të gjithë vendin .
[lsvr_gallery images=”4766,4767,4768,4769,4770″ items_per_row=”4″ masonry=”yes” click_action=”lightbox”]