Author: bashkiaroskovec

PO AFRON FESTA E MADHE – 24 KORRIKU

Në datën 24 korrik 2016, nën kujdesin e veçantë të kryetares së bashkisë roskovec, znj. Majlinda bufi, do të organizohen një sërë aktivitetesh nga ora 9 e mëngjesit deri natën vonë, ne qytetin e roskovecit. 24 korriku është shpallur nga këshilli bashkiak roskovec si datë e përvitshme festash.
Në këtë ditë feste do të inaugurohet shtatorja e bukuroshes së strumit dhe do të organizohen ekspozita fotografike, panairi me prodhime agro-blegtorale e punime dore vendi, ndeshje futbolli, koncert festiv etj.
Ju ftojmë të festojmë së bashku!

VAZHDON AKSIONI PËR KANALET KULLUES

Pas disa kanaleve që pastrohen dhe që i kemi bërë publik, filloi dhe vazhdon puna për pastrimin e kanalit kryesor kullues në Strum. Edhe ky kanal ashtu si shumë të tjerë nuk ishte pastruar prej vitesh. Tani një skrep po punon në segmentin e parë për të vijuar në të tjerë. Ja disa pamje.
[lsvr_gallery images=”2176,2177,2178,2179,2180,2181″ items_per_row=”4″ masonry=”yes” click_action=”lightbox”]

URIM PËR DITËN E BAJRAMIT

Kryetarja e Bashkisë Roskovec zj. Majlinda BUFI uron gjithë besimtarët mysliman : GËZUAR FESTËN E FITER BAJRAMIT, PAQE E BEGATI NË FAMILJET TUAJA. SA MË SHUMË HARMONI NË SHOQËRI QË ËSHTË TIPAR DALLUES PËR TË GJITHË BANORËT E BASHKISË SONË. E KALOFSHI SA MË TË GËZUAR KËTË DITË TË BEKUAR.

NDESHJA QË MBYLLI FAZËN DIREKTE

Ditën e premte në fushën e Roskovecit u zhvillua ndeshja direkte midis Kurjanit dhe Kumanit. Takimi që u zhvillua nën drejtimin korrekt te treshes së gjyqtarëve me kryesor Kreshnik Cjapi, u ndoq me interesim nga qytetarët. Ekipi i Kumanit kaloi shpejt në avantazh. Por dhe ekipi i Kurjanit iu përgjigj shpejt me golin e barazimit. Por ekipi i Kumanit u tregua më i organizuar duke e fitur këtë ndeshje me rezultatin 6-2.
Në këtë mënyrë ka përfunduar faza e ndeshjeve direkte duke përcaktuar edhe renditjen si më poshtë:
Roskoveci 7 pikë
Strumi 5 pikë
Kumani 3 pikë
Kurjani 1 Pikë.
Në këtë mënyrë ekipet finaliste Roskoveci dhe Strumi do të përballen edhe një herë më datë 24 korrik për të fituar kupën më emrin “24 korrik”.
[lsvr_gallery images=”2134,2135,2136,2137,2138,2139,2140,2141,2142,2143,2144,2145,2146,2147,2148,2149″ items_per_row=”4″ masonry=”yes” click_action=”lightbox”]

PREZANTOHET ZËVENDËSKRYETARI I RI I BASHKISË

Sot paradite u në zyrën e kryetares së Bashkisë Roskovec u bë prezantimi i zëvendëskryetarit të ri z. Jorgo Begaj. Të pranishëm ishin gjithë stafi drejtues i bashkisë. Kryetarja zj. Majlinda BUFI pasi bëri prezantimin, uroj z. Jorgo Begaj për detyrën. Në këtë mënyrë u plotësuan 3 vendet e zëvendëskryetarëve që janë zj. Bardha Begaj dhe Afrim Plaka.

NGA RRETHRROTULLIMI NË UNAZË

Këto janë dy nga investimet ku është përqëndruar puna në Roskovec. Rrethrrotullimi, si pjesë e projektit në hyrje të qytetit, ka marrë tashmë formën e tij. Siç dihet kjo nyje, e vendosur në një kryqëzim rrugësh, do të bëjë edhe organizimin e mirë të lëvizjes së mjeteve, ku trafikun kryesor do ta mbajë unaza e qytetit.
Edhe në këtë objekt, ku punimet ishin ndërprerë prej vitesh, puna po ecën me ritme të larta. Deri në vendin ku segmenti i parë bashkohet me rrugën e Kurjanit, është hedhur betoni në të dy anët e trotuarit. Gjithashtu bazamenti i rrugës është shtruar me çakull të imët i cili lehtëson që tani qarkullimin e mjeteve.
Ja pamjet që u fiksuan sot.
[lsvr_gallery images=”2084,2085,2086,2087,2088,2089,2090,2091,2092,2093,2094,2095,2096,2097″ items_per_row=”4″ masonry=”yes” click_action=”lightbox”]

MJEDIS I KULTURUAR NË NJËSINË ADMINISTRATIVE KUMAN

Ashtu siç u hoqën hekurat rrethues në Bashkinë e Roskovecit, e njëjta gjë ndodhi edhe tek Njësia Administrative Kuman. Vendin e hekurave dhe betonit e zunë sipërfaqet e gjelbëruara. Lule shumëngjyrëshe tani marrin jetë edhe nga shërbimet e specializuara. Ja disa pamje:
[lsvr_gallery images=”2075,2076,2077,2078,2079,2080,2081″ items_per_row=”4″ masonry=”yes” click_action=”lightbox”]

TESTIM ZYRTAR PËR SPECIALISTËT NË BASHKI

Në zbatim të Ligjit nr.152/2013 “Për Nëpunësin Civil” i ndryshuar, Njësia e Menaxhimit te Burimeve Njerëzore e Bashkisë Roskovec më datë 23.06.2016 zhvilloi testimin me shkrim/intervistat me gojë për pranimin në shërbimin civil për kategorinë ekzekutive, (specialistët) për grupin e pozicioneve:
specialist të auditit të brendshëm
specialist finance
specialist jurist
specialist të ndihmës ekonomike
specialist urbanistike
specialist arkivist
specialist i tatim -taksave

Kandidatët do të vlerësohen nga Komisioni i Përhershëm i Pranimit, i ngritur pranë Bashkisë Roskovec ku bëjnë pjesë:
Drejtori Juridik dhe i Burimeve Njerezore, Drejtori i Financës, Drejtori i Planifikimit dhe Zhvillimit të Territorit, përgjegjësi i sektorit të Burimeve Njerëzore, ekspertë të jashtëm sipas ligjit: pedagogë universiteti, avokatë, auditues i brendshëm dhe punonjës me eksperiencë të konsiderueshme pune në administratën publike.
[lsvr_gallery images=”2056,2057,2058,2059,2060,2061,2062,2063,2064,2065,2066,2067″ items_per_row=”4″ masonry=”yes” click_action=”lightbox”]

BARAZIM ME LOJË DHE ME GOLA

Ndeshja e radhës për kupën “24 Korriku” midis Strumit dhe Roskovecit që u zhvillua më 24 qershor 2016, përfundoi me barazimi 1-1. Të gjitha parametrat e një takimi zyrtar u zbatuan me korrektesë. Gjyqtarët me kryesor Kreshnik Cjapi shprehen të kënaqur nga ky organizim i cili jo vetëm në Qarkun e Fierrit, por edhe në rajonin e Jugut mbetet model.
Deri tani kur ka mbetur edhe një takim pa u zhvilluar ai midis Kurjanit dhe Kumanit, në krye të klasifikimit janë Roskoveci me 7 pikë dhe Strumi me 5 pikë. Takimi i radhës midis Kurjanit dhe Kumanit do të zhvillohet më datë 1 korrik, në Roskovec në orën 18.00.
[lsvr_gallery images=”2036,2037,2038,2039,2040,2041,2042,2043,2044,2045,2046,2047,2048,2049,2050,2051,2052,2053″ items_per_row=”4″ masonry=”yes” click_action=”lightbox”]

DHUROHET GJAK

Në bashkëpunim edhe me qendrën e dhurimit të gjakut, në Bashkinë e Roskovecit u organizua dhurimi vullnetar i gjakut. Disa punonjës të bashkisë dhe qytetarë u paraqitën në Pallatin e Kulturës Roskovec ku ishte ngritur dhe përgatitur mjedisi për dhurimin e gjakut. Shumë persona të tjerë blenë biletën e anëtarësimit në Kryqin e Kuq.
I pari që dhuroi gjak ishte zëvendëskryetari i Bashkisë z. Afrim Plaka
[lsvr_gallery images=”2030,2031,2032,2033″ items_per_row=”4″ masonry=”yes” click_action=”lightbox”]