Një punë intesive, e nisur qysh një vit më parë dhe nuk është ndalur në asnjë moment.Eshtë drejt përfundimit hapja e kanalit vaditës V3 me gjatësi 1.9 km, në Njësinë Administrative Strum, fshati Suk 1.
[lsvr_gallery images=”3455,3456,3457,3458″ items_per_row=”2″ masonry=”yes” click_action=”lightbox”]
Vazhdon faza përgatitore për festën e ullirit. Në takimin e zhvilluar në ambjentet e Pallatit të Kulturës, më datë 20.10.2016 u organizua takimi me fermerët. Të pranishëm në këtë takim ishin nënkryetari i Bashkisë z. Jorgo Begaj, administratorët e Njësive Administrative, drejtori i Pallatit të Kulturës z. Thoma Goga si dhe disa fermerë të Bashkisë Roskovec.
Në këtë takim u diskutuan mënyrat e organizimit dhe kontributi që fermerët mund të japin për këtë festë.
[lsvr_gallery images=”3395,3396,3397,3398,3399,3400″ items_per_row=”3″ masonry=”yes” click_action=”lightbox”]
Sot më datë, 19.10.2016, u organizua takimi me komunitetin rom, në ambientet e Pallatit të Kulturës.
Të pranishëm në këtë takim ishin nënkryetari i Bashkisë z. Isa Hoxha, Drejtori i Shërbimeve z. Arben Dukaj, Sp. Shërbimit Komunitar znj. Elfrida Goga si dhe përfaqësues i kounitetit rom z. Ferit Millanj. Në këtë takim u diskutua rreth investimeve që Bashkia Roskovec ka bërë dhe do të vazhdoj të bëj në të ardhmen. Pjestarë të komunitetit rom shprehën falenderimet për kryetaren e Bashkisë, znj. Majlinda Bufi
[lsvr_gallery images=”3385,3386,3387,3388,3389,3390″ items_per_row=”3″ masonry=”yes” click_action=”lightbox”]
Bashkia Roskovec nën kujdesin e veçantë të kryetares zj. Majlinda BUFI organizon më datë 28 tetor 2016 ora 10.oo, në kishën 700 vjeçare të Shën Kollit në Kurjan, FESTËN E ULLIRIT.
Në këtë festë do të ketë koncert nga këngëtarë të njohur, pjesëmarrje nga grupet e njësive administrative, panair bujqesor-blegtoral, mbjellje simbolike e ullirit etj.
Ftojmë të gjithë bashkëqytetarët të marrin pjesë në këtë festë popullore që zhvillohet për herë të parë në Bashkinë e Roskovecit dhe që do të kthehet në traditë të përvitshme.
Ejani të festojmë së bashku.
Në ambjentet e Pallatit të Kulturës, më datë 17.10.2016, në prani të nënkrytarit të Bashkisë Roskovec z. Isa Hoxha, u bë prezantimi i administratorit të Ujësjellës- Kanalizime SH.A Roskovec z. Admirand Stani. Administratori pasi falenderoi për pjesëmarrjen dhe bashkëpunimin, bëri prezantimin e detyrave dhe përgjegjësive që çdo punonjës i kësaj Shoqërie Aksionere (SH. A) duhet të ketë.
Kishte ardhur koha që edhe banorët e Bashkisë Roskovec të kenë më tepër mundësi dhe më pak kosto. Me zyrat e reja çdo qytetar mund të marrë informacionin e duhur pa i’u dashur të shkojë gjëkundi.
Të pranishëm ishin edhe Drejtoresha Juridike znj. Evisa Mustafaj, znj. Matilda Gishti Drejtoresha Ekonomike e Ujësjellsit dhe z. Burhan Bishani Përgjegjës Sektori në këtë shoqëri, të cilët i’u përgjigjën dhe dhanë sqarimet e duhura për çdo pyetje dhe shqetësim që ata kishin.
I urojmë suksese stafit drejtues dhe punonjësve të Ujësjellës – Kanalizime SH.A.Roskovec.
[lsvr_gallery images=”3375,3376,3377,3378,3379″ items_per_row=”3″ masonry=”yes” click_action=”lightbox”]
Sot ditën e hënë u mblodh shtabi i emergjencave civile në nivel bashkie. Në këtë shtab marrin pjesë drejtorë nga stafi i bashkisë, administratorët e njësive administrative, drejtuesi i Postës së Policisë së shtetit, si dhe drejtuesit e qendrave shëndetësore.
Mbledhjen e parë e hapi zëvendëskryetari i bashkisë Isa Hoxha i cili i njohu të pranishmit me situatën sizmologjike pas tërmeteve që kanë rënë kohët e fundit në rajonet jugore të vendit. Disa nga pjesëmarrësit bënë pyetje e ngritën disa probleme konkrete.
Blerina Buzi, drejtore e Qendrës shëndetësore Kuman prezantoi një material të ilustruar me foto për masat paraprake që mund të marrin banorët në raste të tërmeteve. Edhe për këtë material pati diskutime.
Ditën e enjte më datë 13.10.2016 kryetarja e Bashkisë Roskovec znj. Majlinda Bufi zhvilloi takimin e përjavshëm të pritjes së popullit. Kjo pritje u organizua në zyrën e informacionit me një transparencë të plotë. Të pranishëm ishin Administratorët e Njësive Administrative dhe nënkryetarja znj. Hava Begaj, të cilët sipas problematikave u përgjigjeshin qytetarëve.
Muaji tetor është muaji i ndërgjegjësimit në luftën kundër kancerit të gjirit. Çdo vit kjo sëmundje merr jetën e vajzave dhe grave në mbarë botën. Sot më datë 14.10.2016, në prani të kryetares së Bashkisë znj. Majlinda BUFI, përfaqësues të sektorit të promocionit shëndetësor në Drejtorinë Rajonale të Shëndetit Publik (DRSH), drejtues të qendrave shëndetësore, përfaqësues të OJF “Gruaja, Komuniteti, Mjedisit”, morën pjesë në tubim sensibilizues për informimin kundrejt parandalimit dhe kurimit të kësaj sëmundje vdekjeprurëse . Kryetarja e Bashkisë znj. Majlinda Bufi përcolli mesazh sensibilizimi dhe inkurajimi për çdo grua,jo vetëm kjo ditë e caktuar duhet të na ndërgjegjësoj për të vigjilent por çdo ditë e vitit duhet të jetë e tillë. Fjalën gjithashtu e mbajtën dhe drejtoreshat e qendrave shëndetësore të Njësive Administrative Kuman, Kurjan e Strum, të cilat ftuan pjesmarrëset dhe jo vetëm, të kujdesen për shëndetin e tyre pasi respekti ndaj vetes është parësor në jetën e gjithësecilit. Kjo thirrje sensibilizuese duhet të përçohet në çdo familje, për çdo nënë, vajzë e grua të komunitetit tonë. Një grua e shëndetshme premton shumë…
Sot më datë 13.10.2016 u dhuruan 30 makina qepse familjeve më në nevojë. Fondacioni “ Gjysëm Hëna e Kuqe e Emirateve të Bashkuara Arabe” në bashkëpunim me Bashkinë Roskovec bënë këtë donacion për të ndihmuar vetëpunësimin dhe përmirësimin e kushteve të jetesës së këtyre familjeve. Fjalën hapëse në këtë aktivitet e mbajti kryetarja e Bashkisë znj. Majlinda Bufi, e cila përshëndeti përfaqësuesit e fondacionit për këtë bashkëpunim të frytshëm dhe mirëpriti familjet përfituese, duke i premtuar se do të ketë të tjera nisma të po të njëjtit format. Pjesmarrës ishte edhe nënkryetari z. Isa Hoxha, i cili u tregua i pakursyer për të dhënë ndihmesën e tij. Bashkia Roskovec synon rritjen e të vetëpunësuarve si rrjedhojë edhe përmirësimin e nivelit të jetesës.
Lajm i mirë dhe i shumëpritur . Filluan punimet për çpimin e pusit për ujin e pijshëm në Marinëz. Shpresojmë që nën monitorimin e Shërbimit Gjeologjik Shqiptar, të kemi rezultatin e pritur për sasinë dhe parametrat cilësor të ujit. Një problem që do të marrë zgjidhje shumë shpejt !
