Rikonstruksioni i Kishës “Shën Kolli”

Ka nisur restaurimi i Kishës 700 vjeçare “Shën Kolli”, Kurjan. Kryetarja e Bashkisë zj. Majlinda Bufi inspektoi kantierin dhe pa nga afër ecurinë e punimeve.
Restaurimi parashikon ndërhyrje restauruese në strukturë si dhe restaurimin e elementëve arkitektonikë të brendshëm.
Gjithashtu, është drejt përfundimit rehabilitimi i terreni përreth Kishës.

Rehabilitimi i kanaleve kullues

Java filloi me inspektime në objektet ku po kryhen punime. Kryebashkiakia zj. Bufi ishte sot në Jagodinë për të vëzhguar punimet në kanalin kullues në brendësi të fshatit.
Shumë shpejt ky kanal do të kthehet në funksion normal dhe do i vij në ndihmë fermerëve të zonës.

Kryetarët dhe Deputetët në vite

Dita e djeshme shënoi dhe ditën e fundit të javës kulturore në kuadër të 95 vjetorit të Roskovecit si Njësi Administrative.
Një ditë e gjatë kjo e cila filloi në orët e para të mëngjesit me panairin e produkteve artizanale, ekspozitën e pikturave nga piktorët e rinj roskovecarë, për të vijuar më pas me koncertin e mbrekullueshmë të grupit të fëmijëve të Roskovecit kombinuar me grupin e vallëzimit të Fierit dhe Patosit.
E veçantë e kësaj dite ishte dhe komedia “I sëmuri për mend”, e luajtur për herë të parë nga të rinjtë e Roskovecit. Talenti, përkushtimi dhe interpretimi i shkëlqyer ishin cilësitë të cilat i karakterizonin këta të rinj.
Dita vazhdoi me ndeshjen finale për kupën “24 Korriku”, e cila u luajt nga dy ekipet finaliste Roskoveci dhe Strumi. Fitues i titullit rezultoi ekipi i Roskovecit me rezultatin 2 me 0.
Ishte Zv. Kryetari i Bashkisë z. Isa Hoxha, i cili i dorëzoi kupën kampionëve dhe shpërndau çertifikata mirënjohje futbollistëve për seriozitetin e treguar gjatë gjithë kampionatit.
Mbrëmja iu dedikua ish Kryetarëve dhe ish Deputetëve roskovecarë, ata të cilët kanë dhënë kontributin e tyre për ta bërë Roskoveci një vend më të mirë për të jetuar.
Për të shpërndarë çertifikatat e mirënjohjes, u ngjit në skenë Kryetarja e Bashkisë zj. Majlinda Bufi dhe z. Bekim Murati, Drejtor i Agjensisë së Mbështetjes së Vetëqeverisjes Vendore.
Kryebashkiakia shprehu falenderime dhe mirënjohje për gjithë secilin, për punën e tyre dhe kontributin e dhënë në Roskovec.
Aktorët e teatrit “Bylis” me komedinë “Zi e më Zi” dhe parodistët e Vlorës ishin të ftuarit e veçantë, ndryshe nga mbrëmjet e tjera.
Momente festive kaluan të gjithë qytetarët e Bashkisë Roskovec me interpretim e shkëlqyer të këngëtarëve : Luziana, Ergys Hyka dhe Jazz club band.
Falenderojmë të gjitha qytetarët të cilët u bën pjesë e këtyre 5 ditëve festive.
Sot jemi 95 vite Njësi Administrative.
Rikujtojmë historinë e Roskovecit.
Së bashku do të krijojmë gjurmët e Roskovecit, për ta bërë ata të dukshëm edhe tek brezat e rinj.
Ta gëzojmë festën!

Promovimi i “Qytetarëve të Nderit”

Një mbrëmje e paharrueshme ditën e djeshme, nën interpretimin e shkëlqyer të këngëtareve: Silva Gunbardhi, Ervis Behari, Renato Jaho, Selim Paja, Edmond Muho dhe dy këngëtarët e zonës Ylli Dardha dhe Arbër Pelo.
Mbrëmë promovuam Qytetarët e Nderit të shpallur nga Këshillat Bashkiak në vite dhe titujt “Njeriu I Vitit 2017”, të zgjedhur nga vetë komuniteti.
Sot mirëpresim Ish Kryetarët dhe Ish Deputet roskovecarë.
Qendroni me ne.
Jo vetëm muzik.
Shumë surpriza për ju sot.
Mos mungoni!

Mbyllet cikli i parëi shkollës verore

Dita e sotme shënon fundin e ciklit të parë të shkollës verore për të rinjtë e Roskovecit.
Një eksperiencë e veçantë dhe e vlefshme për të gjithë të rinjtë të cilët u bënë pjesë e kësaj nisme të ndërmarr nga Kryetarja e Bashkisë zj. Majlinda Bufi.
Kjo nismë e Bashkisë Roskovec, një shkollë verore cilësore dhe falas, bënë pjesë në përgjegjësinë sociale të institucionit tonë për të investuar për të rinjtë e Roskovecit.
Stafi organizator i shkollës verore ka bërë një punë të veçantë në përgatitjen e kësaj hapësire të programit për ta bërë sa më të larmishme, me vlerë argëtuese, por dhe edukative, të kombinuara me lojra të shkurtëra, interactive dhe kreative.
Kryebashkiakia zj. Bufi dhe Drejtoresha e Drejtorisë Arsimore Rajonale Fier zj. Yllka Beci, shpërndanë çertifikata për të gjithë nxënësit pjesëmarrës dhe i uruan për përkushtimin dhe seriozitetin që ata treguan gjatë gjithë ditëve të shkollës verore.

#Riniabënndryshimin
#Investojmëpërtëardhmen
#ShkollaVerore

Pranë familjeve në nevojë

Dita e sotme për familjen e z. Pajtim Shehu është një ditë e gëzueshme.
Familja Shehu, një familje në kushte shumë të vështira ekonomike dhe në një banesë që nuk plotëson kushtet minimale për të jetuar, tashmë nuk është më vetëm.
Bashkia Roskovec në bashkëpunim me shoqatën ambientaliste “Zharrëza” me Drejtor z. Qani Rredhi, do mundësojnë rikonstruksionin e banesës së kësaj familje.
Për ti takuar më nga afër dhe për ti shprehur mbështetjen e Bashkisë Roskovec ishte Zv. Kryetari z. Isa Hoxha.
Gjithmonë pranë familjeve në nevojë.

Restaurimi i Kishës “Shën Kolli”, Kurjan

Ka nisur restaurimi i Kishës 700 vjeçare “Shën Kolli”, Kurjan. Kryetarja e Bashkisë zj. Majlinda Bufi inspektoi kantierin dhe pa nga afër ecurinë e punimeve.
Restaurimi parashikon ndërhyrje restauruese në strukturë si dhe restaurimin e elementëve arkitektonikë të brendshëm.
Gjithashtu, është drejt përfundimit rehabilitimi i terreni përreth Kishës.