Gëzuar Vitin e Ri 2018!

Të dashur bashkëqytetarë!
Kryetarja e bashkisë Roskovec  znj. Majlinda Bufi , si dhe stafi i bashkisë ,ju urojnë:
Gëzuar Vitin e Ri 2018!
Le të jetë ky viti i solidaritetit, progresit dhe sukseseve të reja! 
Drita e dashurisë, paqes dhe mirësisë ndriçoftë në mendjet dhe zemrat tona!
Shëndet e mbarësi në familjet tona! 

Ndihma për familjet në nevojë

Sot bashkia Roskovec në bashkëpunim me shoqatën “Njerëzit të Parët” me përfaqësuese znj. Lusi Mailaj, kompaninë Bankers Petroleum dhe LDS Charity dhuruan ndihma për familjet në nevojë.
Nuk i zgjidhëm problemet e këtyre familjeve por kemi mundur ti gëzojmë këtë fundvit. 👏
Edhe vogëlushët e këtyre familje do të ndjejnë atmosferën e festave.

 

Social Qendër Komunitare

Shumë shpejt të rinjtë e Roskovecit do të kenë një ambient me kushte bashkohore për të kaluar kohën e lirë.
Qellimi i ngritjes së kësaj qendre është t’ju ofroj mundësi të gjithëve të përmirësojnë dobësitë dhe të zhvillojnë talentet e tyre.
Duke përgatitur të rinjtë, përgatisim të ardhmen e vendit tonë.

Urbanizim i fshatrave

Dikur banorët e fshatit Arapaj e mendonin shumë të largët ditën që të kishin kushtet më minimale infrastrukturore.
Sot një problem i zgjidhur, si një premtim i mbajtur nga Kryebashkiakia znj. Majlinda Bufi.
Ka filluar asfaltimi i rrugës Suk 1- Samaticë- Arapaj.
Një rrugë që i rikthehet funksionit dhe standarteve të infrastrukturës.

Premtim i mbajtur!

Një tjetër premtim i Kryetares së bashkisë znj. Majlinda Bufi, u realizua.
Jo fjalë por vepra.
Ka filluar puna për ndërtimin e ujësjellësit në fshatrat Marinëz dhe Jagodinë.
Një problem emergjent dhe i shumëkërkuar nga banorët e këtyre dy fshatrave, të cilit tashmë po i jepet zgjidhje përfundimtare.

 

Krishtlindje të gëzuara !

Gëzuar Krishtlindjen!
Urojmë të gjithë besimtarët e krishterë gëzuar festën e Krishtlindjes.
Sjelltë kjo festë mirësi, gëzim, shpresë, besim dhe forcë për të gjithë shqiptarët. 
Zoti bekoftë familjet tuaja të shtrenjta!

Analiza vjetore e Qendrave Shëndetësore

Dy nga katër qendrat shëndetësore të bashkisë Roskovec , ajo e Roskovecit dhe Kurjanit zhvilluan analizën vjetore të vitit 2017
E pranishme në të dyja takimet ishte dhe specialistja e shëndetësisë pranë bashkisë Roskovec
znj. Manjola Vrapi
Gjatë analizës, drejtueset e Q. SH-re znj.Irma Gishti dhe znj. Majlinda Tafa prezantuan arritjet, nevojat dhe problematikat që stafi ka hasur gjatë punës së tyre
“T’i japim komunitetit mbrojtjen e merituar përmes një sistemi shëndetësor me mbulim gjithpërfshirës për të shërbyer me përkushtim cilësi dhe humanizëm.”
Ky është misioni i punës së tyre të përditshme.

Vizitë studimore në Kosovë

Kryetarja e bashkisë Roskovec znj. Majlinda Bufi mori pjesë në një vizitë studimore tri- ditore në Kosovë, me mbështetjen e Projektit Shëndet për të Gjithë.
Qëllimi i vizitës studimore ishte promovimi i një mundësie për Kryetarët e bashkive dhe përfaqësuesve të mjekësisë familjare për të parë nga afër strukturat dhe funksionet e sistemit të decentralizuar të kujdesit shëndetësor parësor në Kosovë. Të pranishëm në këtë vizitë studimore ishin edhe Kryetarja e bashkisë Patos znj. Rajmonda Balili dhe drejtues të qendrave shëndetësore në qarqet Dibër dhe Fier.

Mbledhja e Këshillit Bashkiak

Ditën e djeshme, më datë 22 dhjetor u zhvillua mbledhja e fundit e Këshillit Bashkiak për vitin 2017.
E pranishme në këtë mbledhje të fundit ishte Kryetarja e bashkisë znj. Majlinda Bufi e cila dhe sqarimet përkatëse për çdo problem të ngritur gjatë takimit.
Në rendin e ditës u trajtuan këto çështje:
1. Miratimi i ndihmave ekonomike për muajin dhjetor 2017
2. Miratimi i buxhetit dhe numrit maksimal të punonjësve të Bashkisë për vitin 2018.
3. Vlerësimi i demëve të shkaktuara nga veprimtaria njerëzore për shkak të investimeve të bashkisë në tokat bujqësore të pronarëve legjitim, në territorin nën juridiksionin e bashkisë Roskovec.