Nismë Humanitare

Nismat për familjet në nevojë nuk kanë mbaruar.
Menjëherë pas fillimit të shtëpisë për tre fëmijët jetim Myftaraj në Vlosh, ka filluar ndërtimi i shtëpisë për familjen e Bashkim Himës në njësinë administrative Strum, Suk 2.🏚️
Familja Hima në kushte shumë të vështira ekonomike tashmë nuk do të jetë më pa mbështetje.
Prioritet ynë është të jemi përherë pranë komunitetit tonë, të jemi mbështetje e tyre dhe t’ju lehtësojmë jetesën.

Çdo ditë një punë e re!

Investimet vazhdojnë…
Puna tashmë është zhvendosur në njësinë administrative Kurjan, fshati Mbërs.
Sapo ka marrë jetë projekti për rehabilitimin e plotë të rrugës kryesore Mbërs.
Jemi akoma në fazën e parë, shumë larg përfundimit, por me një vizion të qartë të asaj që do të kemi si rezultat përfundimtar pas disa javësh.

Ripërtëritje e bujqësisë

Zgjidhje përfundimtare, për një problem shumëvjeçar ✔️
Është ndërtuar stacioni i pompimit, ndërhyrje e domosdoshme për t’u ardhur në ndihmë fermerëve të Jagodinës , por jo vetëm .
Ky stacion do të mundësojë mbulimin me vaditje në të gjithë sipërfaqen e kësaj zone, duke rritur njëkohësisht cilësinë dhe sasinë e prodhimit të “stepur” ndër vite si pasojë e mungesës së ujitjes në kohë dhe sasi.

#NëMbështetjeTëFermerëve
#RipërtëritjeBujqësisë
#BashkiaRoskovec

Trajnim me të rinjtë

Pushteti vendor ka nevojë për rininë.
Për këtë arsye fondacioni Friedrich Ebert ka zhvilluar një trajnim dy ditor me disa të rinjë të bashkisë Roskovec. Me anë të një loje simuluese mbi politikën vendore, të rinjtë përzgjodhën tema, u ndanë në grupime politike për një mbledhje të simuluar dhë përpiluan kërkesa dhe propozime. Për gjatë një ditë ata u shëndrruan në antarë këshilli.
Gjatë këtij trajnimi morën pjesë dhe Kryetarja e bashkisë znj.Majlinda Bufi dhe disa antarë të Këshillit Bashkiak.
Kryetarja falenderoi shumë fondacionin për këtë trajnim të organizuar në bashkinë tonë dhe shprehu se ky është një model pozitiv për të ardhmen e afërt të këshilltarëve të nesërm të Bashkisë Roskovec.👏🏼👏🏼👏🏼

Takim me fermerët

Moti i keq ditën e djeshme me stuhi erërash të fuqishme, shira të rrëmbyeshëm dhe breshër kanë shkaktuar dëme të mëdha në prodhimin e disa fermerëve të bashkisë.
Në takimin e zhvilluar sot midis Kryetares së bashkisë znj.Majlinda Bufi dhe një grupi fermerësh, Kryetarja i siguroi se menjëherë është ngitur një grup pune për të verifikuar dëmet e shkaktuara.
Sipas akt-kontrollit rezulton se janë shkatërruar sera , pemë frutore dhe drithëra. Ky verifikim është hapi i parë që do të shoqërohet me masa dhe vendime përkatëse sipas legjislacionit.

 

Ceremonia përcjellse e përfaqësuesit të Peace Corps z.Will Burchell

Një takim ndryshe nga takimet e tjera.
Sot në Pallatin e Kulturës u zhvillua ceremonia përcjellse e përfaqësuesit të Peace Corps
z.Will Burchell. Të pranishëm në këtë takim të mbushur me emocione ishin Kryetarja e bashkisë zj.Majlinda Bufi, vullnetari i ri z. Robert White , pjesëmarrës nga komuniteti dhe të rinj të grupit “Young Leaders of Roskovec”, i cili u krijua me iniciativën e Will-it.
Kryetarja e bashkisë zj.Bufi falenderoi Willi-in për kontributin e dhënë në komunitet, duke evidentuar vlerat e vërteta të Paqes dhe Harmonisë qytetare.
Në shenjë mirënjohje Will i’u dhurua një Çertefikatë Mirënjohjeje dhe një shtatore e “ Vajza Myzeqare”.
Kryetarja i uroi mirëseardhjen dhe përfaqësuesit të ri z. White dhe i premtoi se do të ketë mbështetjen e plotë të saj por jo vetëm, në këtë mision që sapo ka nisur.
#PërKomunitetin #
#BashkiaRoskovec#

Rruga e Kurjanit

Jemi në njësinë administrative Kurjan, duke punuar në një tjetër aks rrugor shumë të rëndësishëm për banorët e Kurjanit.
Një rrugë terësisht e shkatërruar që vështirësonte lëvizjen e banorëve në këtë sens por jo vetëm.
Tashmë ky problem merr fund pasi ka filluar asfaltimi i këtij segmenti rrugor.
Shtrojmë rrugë, lehtësojmë jetesën e komunitetit, rrisim komunikimin.
Urbanizimi është prioritet i bashkisë tonë.

Rilindje Urbane

Fronti i ri i punës!
Një tjetër investim ka nisur në Roskovec👍
Ka filluar puna për rikonstruksionin e plotë të rrugës “Pilo Kola”dhe sheshit të gjelbëruar aty 🌲
Urbanizimi do të vazhdojë të jetë prioriteti ynë, duke i kthyer qytetarëve standartin e ri infrastrukturor, qytetar dhe mjedisor që ata meritojnë😀

Hapsirat Publike

Prioritetet kryesore të bashkisë Roskovec kanë qënë në infrastrukturë, arsim, shëndetësi por në asnjë moment nuk janë lënë mënjanë shtimi dhe mirëmbajtja e hapsirave publike dhe zonave të gjelbëruara.
Këtë herë jemi zhvendosur në Vlosh ku ka filluar puna për zgjerimin e hapsirës publike për krijimin e një lulishteje.
Çdo hapsirë publike u përket qytetarëve prandaj kemi detyrim për ta rehabilituar këtë hapsirë dhe t’i japim më shumë frymëmarrje qytetit.

#HapsiratPublike
#MëShumëSipërfaqeTëGjelbëruara
#BashkiaRoskovec