Bashkia

Në mbledhjen e rradhës së Këshillit Bashkiak, të zhvilluar më datë 19 Prill, u diskutuan dhe miratuan çështjet si më poshtë:
1. Miratimi i fondit për pagesën e personave me aftësi të kufizuar dhe invalideve të punës për periudhën 1-30 Prill 2018.
2. Propozim për dhënien e Ndihmave Ekonomike për periudhën 1-30 Prill 2018.
3. Dhënia e Ndihmave Ekonomike nga fondi i kushtëzuar deri në 6% për periudhën 1-31 Mars 2018.
4. Ndryshimi i vendimit nr. 73 datë 24.11.2017 “Për miratimin e Paketës Fiskale për vitin 2018”.
5. Dhënien e ndihmave ekonomike të menjëhershme.
6. Miratimi i strategjisë për zhvillimin ekonomik- bujqësor të Bashkisë Roskovec.
7. Informacion mbi vendimin e Këshillit Bashkiak nr. 41 datë 22.05.2017.
8. Informacion për shpërblimin e Këshilltarëve të Bashkisë Roskovec.
9. Informacion për situatën e ujitjes dhe kullimit për vitin 2018.

Të rinjtë e Roskovecit më pranë BE-së , përmes projektit “Bashkitë drejt Europës”
Të pranishëm në këtë aktivitet ishin:
z. Frederic Misrahi përfaqësues i Delegacionit të Bashkimit Evropian, z. Bekim Murati Drejtor i Agjencisë për Mbështetjen e Vetëqeverisjes Vendore, znj. Jolanda Trebicka Drejtuese e projektit “Bashkitë për në Evropë”, zj.Edlira Muhedini dhe z.Artur Kurti ,qytetarë , përfaqësues të arsimit, pushtetit qendror, vendor dhe komunitet.
Kryetarja e Bashkisë Roskovec znj. Majlinda Bufi gjatë fjalës së saj përshëndetëse u shpreh: “Ne mbështetëm krijimin e këndit të informacionit për BE-në në dy shkollat e qytetit të Roskovecit. Ne besojmë se duke edukuar të rinjtë, mbi vlerat dhe parimet e BE-së, ne kontribuojmë në formimin e një brezi të ri më të mirë dhe japim ndihmesë që Shqipëria të bashkohet me familjen e BE-së.”
Z. Misrahi përfaqësues i Delegacionit të BE u shpreh: “Ky projekt është një mundësi shumë e mirë dhe do të përkrah dhe mbështesë Bashkitë për çdo nevojë që ato do të kenë për të arritur standartet e Bashkimit Evropian
Aktiviteti u shoqërua me vizita në këndet e ngritura pranë Bashkisë dhe shkollave duke vazhduar më pas me konkursin e nxënësve për njohuritë e tyre mbi BE – në .
#Më_pranë_Bashkimit_Evropian
#Bashkitë_për_në_Evropë
#Këndi_i_BE
#Bashkia_Roskovec

Takime periodike me qytetarët tanë.
Kjo traditë do të vazhdojë për qënë më afër komunitetit ;
të marrim mendimin e tyre mbi problematikat që ata kanë .
Sot, kryetarja znj. Majlinda Bufi zhvilloi takimin e përjavshëm me komunitetin , të cilëve iu dha sqarimet dhe shpjegimet përkatëse për çdo shqetësim dhe problem .
Çdo komunikim me qytetarët na bën më shumë përgjegjës për punën tonë.
#PranëQytetarëve
#BashkiaRoskovec
[lsvr_gallery images=”7969,7970,7971,7972,7973,7974,7975,7976″ items_per_row=”4″ masonry=”yes” click_action=”lightbox”]

Filloi kampionati i volejbollit midis klasave të shkollave të mesme të Bashkisë Roskovec.
Këto ndeshje do të vazhdojnë deri në finalen e madhe nga e cila do të shpallim dhe shkollën fituese.
Ndeshja e parë u zhvillua midis klasave të shkollës “Adem Vrapi”. Emocione të shumta shoqëruan pjesëmarrësit dhe të ftuarit e pranishëm.
Nuk ka edukim, pa edukim fizik!
[lsvr_gallery images=”7979,7980,7981,7982,7983,7984″ items_per_row=”4″ masonry=”yes” click_action=”lightbox”]

Aktivitetet me të rinjtë vazhdojnë…
“Rëndësia e librit në erën dixhitale”
Kjo ishte tema e cila përfshiu në një bashkëbisedim nxënësit e shkollës “Adem Vrapi” , përfaqësuesit e Youth Act dhe përfaqësuesit e Bashkisë Roskovec.
I pranishëm në këtë takim ishte dhe shkrimëtari roskovecar z. Flamur Çepele i cili dha opinionin e tij mbi këtë temë kaq të rëndësishme.[lsvr_gallery images=”7597,7598,7599,7600″ items_per_row=”4″ masonry=”yes” click_action=”lightbox”]

Sot, Dita Ndërkombëtare e Romëve.
Në kujtim të kësaj dite, Bashkia Roskovec organizoi një aktivitet gjatë të cilit u tregua historia e Romëve, himni dhe traditat e tyre.
Himni, muzika tradicionale dhe lojrat e shpejtësisë ishin ato të cilat ngritën publikun në këmbë.
I pranishëm në këtë aktivitet ishte N/Kryetari i Bashkisë z. Isa Hoxha i cili uroi komunitetin Rom në këtë ditë të shënuar dhe shprehu se : “Bashkia Roskovec do të punoj për të avancuar përfshirjen sociale të komunitetit Rom dhe për ti mundësuar aksese më të mirë në shërbime dhe në punësim”.
Të gjithë mund të kontribuojmë për një shoqëri më gjithëpërfshirëse.
#Dita_Ndërkombëtare_e_Romëve
[lsvr_gallery images=”7610,7611,7609,7612,7613″ items_per_row=”4″ masonry=”yes” click_action=”lightbox”]