Author: bashkiaroskovec

NJË DELEGACION I LARTË NË BASHKINË TONË

Ditën e dielë më datë 3 prill 2016 një delegacion i nivelit të lartë të grave politikane nga Taxhikistani vizitojë Shqipërinë nga data 2 në 8 Prill 2016 në kuadër të një projekti që po zbatohet nga Zyra e OSBE-së në Taxhikistan.
Delegacioni përfshin Zëvendës Kryetarin e Parlamentit dhe shatë gra politikane, përfaqësues nga çdo parti politike të regjistruar të Taxhikistanit të cilat ishin: Bobojoniyon Ranokhon, Rahmonova Dilorom, Mirzoeva Zukhra, Razhdabova Mavluda, Zuvaydova Sharbonu, Mirsanova Zarragul, Samadova Dilbar, Boboeva Gulnora, Mukhtorova Uguoy- OSCE dhe Ivanovikj –Casterade Vesna- OSCE
Interesi i tyre është për të mësuar se si gratë punojnë dhe lobojnë në Shqipëri për fuqizimin e grave në jetën politike, për të njohur më shumë rreth sistemit ligjor për kuotat gjinore në Shqipëri që mund të aplikohen gjithashtu në Taxhikistan, si dhe për realizuar takime dhe shkëmbyer përvoja me gra përfaqësuese të Platformës Kombëtare për Gratë, Aleancës së Grave Deputete, forumeve të grave si dhe gra të zgjedhura dhe gra lidere.
Në Bashkinë e Roskovecit ato u pritën në një takim nga kryetarja zj. Majlinda Bufi. Në këtë takim morën pjesë deputetja e Qarkut Fier, zj Antoneta Dhima, kryetarja e Bashkisë Patos zj. Rajmonda Balili, kryetarja e keshillit bashkiak Roskovec zj. Eleni Goga, kryetarja e këshillit Bashkiak Fier Evis Sema, drejtuese te sektorëve të shëndetësisë, arsimit si dhe nga komuniteti i grave të Bashkisë Roskovec. etj. Zj. Majlinda BUFI, pasi dëgjoi përvojat e grave nga Taxhikistani, i njohu mikeshat me punën që bëhet në bashkinë tonë lidhur me problemet e barazisë gjinore, me rolin e grave në këshillin bashkiak e më gjerë.
Takimi i karakterizua nga fryma e ngrohtë dhe miqësore dhe u ndoq nga prania e mediave.
[lsvr_gallery images=”975,974,976,977,984,983,982,981,980,979,978,985,986,987,988,989,990,991″ items_per_row=”5″ masonry=”yes” click_action=”lightbox”]

TAKIM TRANSPARENT ME KOMUNITETIN

Ditën e enjte më datë 31 mars 2016, në zyrat e Njësisë Administrative Kuman, kryetarja e Bashkisë zj. Majlinda Bufi dhe stafi drejtues zhvilloi një takim me përfaqësues të komunitetit të Marinzës lidhur me problemet që kanë banorët e këtij fshati. Në këtë takim transparent, ku ishin të pranishëm edhe drejtues të Drejtorisë së Shëndetit Publik Fier si dhe përfaqësues të medias, u diskutuan çështje si:
1. Problemi i ujit të pijëshëm në Marinëz.
2. Ndotja e ambientit (ujit, ajrit,tokave).
3. Punësimet në industrinë naftënxjerrëse.
4. Taksat dhe tarifat vendore.
5. Informacion në lidhje me të ardhurat që siguron bashkia nga kompania Bankers.
6. Informacion ne lidhje me investimet e kompanisë Bankers në komunitet.
7. Investimet e miratuara për t’u realizuar nga Bashkia në fshatin Marinëz për vitin 2016.
8. Investimet e planifikuara për vitet në vazhdim.
9. Dëmshpërblimet e pretenduara nga banorët. etj.

Për këto probleme kryetarja e Bashkisë zj. Majlinda Bufi dhe stafi i bashkisë dha shpjegimet e rastit.
[lsvr_gallery images=”966,967,968,969,970″ items_per_row=”4″ masonry=”yes” click_action=”lightbox”]

KAMPIONATI I VOLEJBOLLIT

Ditën e martë më 29 mars 2016 në ambjentet sportive të gjimnazit “Adem Vrapi” Roskovec u zhvillua kampionati i volejbollit për meshkuj midis shkollave të mesme në Bashkinë e Roskovecit. Të tri gjimnazet; ai I Roskovecit, Kurjanit dhe gjimnazi jopublik “Goja e Artë” e kishin vlerësuar aktivitetin. Ky aktivitet që u ndoq me shumë interesim nga nxënës, mësues e përfaqësues të bashkisë.
I pranishëm ishte dhe zëvendëskryetari z. Afrim Plaka.
Të gjitha ndeshjet u karakterizuan nga rivaliteti i madh. Të tri skuadrat hynin në fushë për të fituar trofeun që ishte një kupë simbolike. Në përfundim skuadra më e mirë u shpall ajo e shkollës së mësme “Didin Bishani” Kurjan, e cila fitoi kupën e këtij kampionati.
[lsvr_gallery images=”935,936,937,938,939,940,941,942″ items_per_row=”4″ masonry=”yes” click_action=”lightbox”] Emocionet e fitimit të trofeut në kampionatin e volejbollit midis gjimnazeve të Bashkisë Roskovec. Shkolla e mesme Kurjan FITUES

PËR NGRITJEN E NJË MONUMENTI

Komisioni për diskutimin e simboleve të Bashkisë Roskovec, i mbledhur më datë 17 mars 2016, me pjesëmarrjen edhe të një grupi intelektualësh, diskutoi lidhur me ngritjen e një monumenti në qytetin e Roskovecit.
Varianti kryesor që u paraqit për diskutim ishte ngritja e monumentit “Bukuroshja e Strumit” si figurë folklorike që lartëson figurën e gruas myzeqare me tiparet më të spikatura që ajo mishëron. Në mënyrë që edhe ky monument të hyjë në simbolet përfaqësuese të Bashkisë Roskovec, Komisioni i rekomandoi Zj.Majlinda BUFI, kryetare e Bashkisë Roskovec që të propozoi në Këshillin Bashkiak për vendimmarrje mundësinë e ngritjes së këtij monumenti në një vend më të përshtatshëm dhe funksional për këtë vepër arti.
Komisioni shpreh gatishmërinë që të bashkëpunojë me realizuesit e veprës, deri në finalizim. Gjithashtu shprehim bindjen se ky propozim do të jetë në konsideratën e forumit vendimmarrës.
[lsvr_gallery images=”859,860,861,862,863,864,865,866″ items_per_row=”4″ masonry=”yes” click_action=”lightbox”]

RIKTHEHEN “7 DËSHMORËT” NË STRUM

Pas vendimit të Këshillit Bashkiak për t’i rikthyer emrin e mëparshëm shkollës 9-vjeçare të Strumit, këto ditë u organizua një ceremoni kuptimplote. U vendos tabela me mbishkrimin “Shkolla 9-vjeçare “7 Dëshmorët” Strum”.
Në këtë ceremoni ku ishte e pranishme edhe kryetarja e Bashkisë Roskovec,
zj. Majlinda Bufi, zëvendëskryetari Afrim Plaka, mësues e nxënës të kësaj shkolle, foli kryetari i Komitetit të vetëranëve të zonës z. Jakup Hazizi.
[lsvr_gallery images=”850,851,852,853″ items_per_row=”4″ masonry=”yes” click_action=”lightbox”]

FILLOI SHTRIMI I RRUGËVE

Pasi u sistemuan dy nga rrugët pranë qendrës së qytetit, filloi shtrimi i tyre me asfalt.
Kryqëzimi i rrugëve “Thoma Goga” dhe “Gjergji Goga” tashmë do të kenë një pamje krejt tjetër.
Sipas një plani të caktuar për investimet publike, Bashkia Roskovec do të vijojë punën në rrugë të tjera.
Fotoreportazhi përcjell pamjet nga puna për shtrimin e dy rrugëve të para.
[lsvr_gallery images=”832,833,834,835,836,837,838″ items_per_row=”4″ masonry=”yes” click_action=”lightbox”]

NJË GAZETË NË NGJEQAR?!

Mos u çudisni; është një gazetë e shkollës “Sabri Refiti” në Ngjeqar që u botua keto ditë. Ka titull të bukur MIMOZA. Është produkt i pasionit të mësueses së talentuar Hyrie Myftari-Juli. Autorët e shkrimeve janë vetë nxënësit e shkollës.
Në faqet e gazetës gjen jetën e fëmijëve, aktivitetet që zhvillojnë në shkollë, shqetësimet se rrjetet sociale po “gllabërojnë” të rinjtë, pasionet e fëmijëve, dëshirat për një jetë më të mirë e të tjera tema interesante.
Kështu që në numrin e saj të parë gazeta është bërë tribunë e mendimit të lirë.
Ja pra, që edhe në një fshat të largët hapet një dritare.
Le të jetë shëmbulli i mësuese Hyrie Myftari një shkëndi edhe për shkollat e tjera.
Njihuni edhe ju me gazetën “MIMOZA”

[lsvr_gallery images=”825″ items_per_row=”1″ masonry=”yes” click_action=”lightbox”]

PËRSËRI FESTË NË ROSKOVEC

Sot është 7 Marsi Festa e Mësuesit, por është dhe festa jonë. Ndërsa nesër është 8 Marsi, Festa e nënave, motrave tona. Dy festa që meritojnë respektin tonë. Megjithë shiun dhe temperaturat e ulta, nxënësit e shkollave të Bashkisë Roskovec nuk e ndalën hovin e tyre drejt skenës së Pallatit të Kulturës. Në sytë e të gjithëve “lexohej” vetëm një mesazh: të përshëndesin nga zemra mësuesit, nënëat dhe motrat e tyre.
Pas përshëndetjes nga zëvendëskryetari i Bashkisë Roskovec z. Afrim Plaka, filloi koncerti nën ritmin e aerobisë nga shkolla “Alush Grepcka”. Pastaj një këngë që ka fituar çmimin e dytë në festivalin e Beratit. “Nëna Shqipëri”, këndon Armela Hajdini nxënëse në shkollën e Velmishit, teksti e muzika Edmond Çobo mësues në këtë shkollë.
Nga shkolla e Ngjeqarit vjen një recitim dhe një surprizë; nën drejtimin e mësueses së pasionuar Juli Myftari doli gazeta “Mimozat”, një tribunë më shumë për talentet e rinj.
“Ju fal këngën time”-kështu titullohet kënga që sjellin nxënësit e shkollës Marinëz. Nga shkolla e Vidhishtës vjen Katerina Kanani me këngën “E dua lumturinë”. Shkolla e gjuhëve të huaja përshëndeti me një recitim në gjuhën angleze.
Shkolla e Sukut- 2 dhe ajo e Kumanit sollën kërcime ritmike. Një tjetër talent nga shkolla e mesme Kurjan; Inis Buzi me zërin e mrekullueshëm dhe kënga “O madhër”
Në skenë nxënësja nga shkolla “Alush Grepcka” Kloaudia Isufaj me një këngë në gjuhën angleze “Girl On” na kujtoi se është një tjetër talent që dueht vlerësuar.
Nga shkolla “Adem Vrapi” gjimnazistja Erolina Hajdini në këngën “Kyçe zemrën”, ndezi atmosferën festive.
“Kuq e zi janë ngjyrat tona”që sollën nxënësit e shkollës Strum duke na bërë edhe më krenarë se “Kuq e zi” jemi të gjithë.
Është vendi të falenderojmë gjithë drejtuesit dhe udhëheqësit artistik të shkollave për kontributin e tyre në koncertet që zhvillojmë.
[lsvr_gallery images=”800,801,802,803,804,805,806,807,808,809,810,811″ items_per_row=”4″ masonry=”yes” click_action=”lightbox”]

KONCERT, EMOCIONE DHE NDERIM PËR MËSUESIT

Sot më datë 4 mars 2016 në Pallatin e Kulturës Roskovec, nën kujdesin e drejtpërdrejt të kryetares së Bashkisë zj. Majlinda BUFI u zhvillua një koncert festiv për nder të mësuesve veteranë. Para koncertit mësuesit u mblodhën e kujtuan vitet kur punonin në frontin e vështirë por të bukur të arsimit.
Pas përshëndetjeve të rastit nga zj. Majlinda Bufi dhe Drejtori I Arsimit në Fier z. Shkëlqim Allkaj, në videoprojektor u shfaqën momentet e bukura nga filmat shqiptarë për patriotët dhe mësuesit e palodhur. Moderatorja e talentuar Stelina Hajdaraga e drejtoi si profesioniste koncertin. Fëmijët e kopshtit në Roskovec, nxënës të shkollës “Alush Grepcka” , gjimnazit “Adem Vrapi”, të shkollave jopublike të gjuhëve të huaja dhe “Goja e Artë” paraqitën numrat e tyre të punuara me seriozitet. Spikati me zërin e saj këngëtarja Erolina Hajdini, valltaret e shkollës Marinëz, violinisti Redi Zoga i shkollës Suk -2.
Për përgatitjen e këtij koncerti një falenderim i veçantë u takon udhëheqësve artistikë të shkollave pjesëmarrëse. Edhe këto foto përcjellin emocionet e koncertit.

[lsvr_gallery images=”777,778,779,780,781,782,783,784,785,786,787,788,789,790,791,792,793,794,795″ items_per_row=”5″ masonry=”yes” click_action=”lightbox”]

NJË FESTË DHE NJË LOGO

Komisioni i ngritur për simbolet e Bashkisë Roskovec, pati detyrimin ligjor për të diskutuar propozimet lidhur me dy moment të rëndësishme; për caktimin e ditës së festës dhe për logon e Bashkisë Roskovec.
Ky komision, në përbërje të të cilit bënin pjesë historianë, veteranë, intelektualë si dhe përfaqësues nga spektri politik, me përgjegjësi dhe profesionalizëm diskutoi e paraqiti për vendimmarrje deklaratën përfundimtare.
Mbi këtë deklaratë Këshilli Bashkiak vendosi që:
– Data 24 Korrik të shpallet dita e Festës së Bashkisë Roskovec.
– Të pranojë si logo më të mirë atë që u përzgjodh dhe u punua nga specialistët e kësaj fushe.
Të gjitha materialet që shoqëruan rrugën e ndjekur për të arritur deri në vendimmarrje, u vendosën në një dosje e cila në mënyrë simbolike u dorëzua dje tek kryetarja e Bashkisë Roskovec zj. Majlinda Bufi.
Në takimin zyrtar të organizuar me këtë rast morën pjesë përfaqësuesit e këtij komisioni; zotërinjtë Maksim Zarka, kryetar i shoqatës “MYZEQEJA”, Ilirjan Gjika historian dhe Thoma Goga, Drej. Kulturës, Artit dhe Sportit në bashkinë tonë.