Month: September 2020

Mbledhja e Këshillit bashkiak për muajin Shtator.

Mbledhja e Këshillit Bashkiak u zhvillua këtë herë në sallën të posaçme , në ambientet e Bashkisë së re.
✅ Me një infrastrukturë ndryshe , mundësuar pjesëmarrjen më të gjërë të qytetarëve , si dhe duke përmirësuar dukshëm transparencën ndaj tyre.
✅Ndërtimi i godinës së Bashkisë është një nga këto vendime, pasi i ofron qytetarëve të gjitha shërbimet në një ambient , duke përmirësuar cilësinë e tyre dhe shkurtimin e kohës në dhënien e shërbimeve.
👉Në këtë mbledhje të Këshillit Bashkiak u diskutuan dhe miratuan vendimet si më poshtë:
1. Miratimi i rendit të ditës së mbledhjes.
2. Informacion mbi Vendimet e Këshillit të mbledhjes së muajit Gusht 2020.
3. Miratimi i procesverbalit të mbledhjes së kaluar të Këshillit Bashkiak.
4. Për dhënien e Ndihmës Ekonomike nga fondi i kushtëzuar deri në 6% për periudhën 1-31 Gusht 2020.
5. Për shlyerjen e detyrimeve të prapambetura me këste.
6. Për ndryshim dhe disa shtesa në Vendimin Nr.105 datë 22.11.2019 “Për miratimin e Paketës Fiskale për vitin 2020”
7. Për anulim të pjesshëm të VKB Nr.52 datë 29.06.2020 dhe VKB Nr.27 datë 27.04.2020.
8. Për një ndryshim në vendimin Nr.61 datë 28.07.2020 “Për dhënien me qira të truallit për tu përdorur për qëllime kulturore,arsimore dhe sportive”.
9. Për miratimin e planit të menaxhimit të integruar të mbetjeve të ngurta urbane dhe studimit të fizibilitetit për “Stacion transferimi të mbetjeve në Bashkinë Roskovec”.
10. Për miratim fondesh shtesë në buxhetin e Bashkisë Roskovec për vitin 2020.
11. Për ndryshimin e përgjegjësisë së administrimit të pronave nga shoqëria aksionere “Alpetrol” në pronësi të Bashkisë Roskovec.
12. Për miratimin e Formularit Tip për paraqitjen e kërkesave,për cdo program social strehimi.
13. Informacion mbi ndërtimin e Memorialit,Roskovec.
14. Diskutime dhe komente të qytetarëve.[lsvr_gallery images=”11746,11747,11748,11749″ items_per_row=”4″ masonry=”yes” click_action=”lightbox”]

Dita botërore e turizmit

Eja dhe TI në Roskovec 😃
#RoskoveciTuristik
#DitaBotëroreTurizmit[lsvr_gallery images=”11752,11753,11754,11755,11756″ items_per_row=”4″ masonry=”yes” click_action=”lightbox”]

Dëgjesa publike “Studimi i fizibilitetit për stacion transferimi te mbetjeve urbane, Bashkia Roskovec” – “Plani i menaxhimit të integruar të mbetjeve të ngurta urbane“

Nga dëgjesa publike, zhvilluar në ambientet e Pallatit të Kulturës, gjatë të cilës u trajtuan temat si më poshtë:
– [lsvr_gallery images=”11759,11760,11761,11762″ items_per_row=”4″ masonry=”yes” click_action=”lightbox”] Parimi i punës sonë është komunikimi i vazhdueshëm me qytetarët dhe transparenca ndaj tyre.
#Gjithëpërfshirje
#Transparencë
#QeverisjeDemoktratike
#BashkiaRoskovec

Nxënësit e komunitetit Rom pajisen me mjete shkollore nga programi “Romacted”

Në kuadër të Programit të Këshillit të Evropës Romacted dhe zbatimit të aksionit të emergjencës si përgjigje ndaj pandemisë së COVID 19 , tashmë 35 nxënës të komunitetit Rom janë pajisur më të gjtha mjetet shkollore për të patur një arsim më cilësor.
✅Nga takimet e Grupit Komunitar të Veprimit dhe Grupit Institucional të Punës në Bashkinë Roskovec, u identifikua si ndërhyrje e nevojshme pajisja e nxënësve me mjete shkollore, duke i ndërgjegjësuar më shumë dhe nxitur drejt arsimit, si e vetmja rrugë për një të ardhme të sigurt.
#Romacted
#PromovimiQeverisjesDemokratike
#BashkiaRoskovec[lsvr_gallery images=”11791,11792,11793,11794,11795″ items_per_row=”4″ masonry=”yes” click_action=”lightbox”][lsvr_gallery images=”11797″ items_per_row=”4″ masonry=”yes” click_action=”lightbox”]

Një tjetër hapsirë për vogëlushët e Roskovecit

Në bashkëpunim më projektin e GIZ, tashmë fëmijve të Roskovecit kanë një tjetër hapësirë të dedikuar për të kaluar kohën e lirë.
Një nga prioritetet e Bashkisë Roskovec është përmirësimi i hapësirave të gjelbëruara dhe rikrijuese për fëmijët dhe moshat e treta.
Inaguruam këndin e lojrave në qendër të qytetit.
Të tjera hapësira rikrijuese do të ndërtohen në vijim, për t’i ofruar një ambient të sigurt fëmijëve por jo vetëm.
#GIZ
#BashkiaRoskovec [lsvr_gallery images=”11767″ items_per_row=”4″ masonry=”yes” click_action=”lightbox”][lsvr_gallery images=”11766″ items_per_row=”4″ masonry=”yes” click_action=”lightbox”][lsvr_gallery images=”11765″ items_per_row=”4″ masonry=”yes” click_action=”lightbox”]

Takim i Komitetit Drejtues të Mekanizmit të Koordinuar të Referimit të rasteve të dhunës në familje në Bashkinë Roskovec.

Ditën e sotme u zhvillua takimi i Komitetit Drejtues të Mekanizmit të Koordinuar të Referimit të rasteve të dhunës në familje në Bashkinë Roskovec.
Titullarët dhe përfaqësuesit e institucioneve kryesore përgjegjëse për parandalimin dhe mbrojtjen nga dhuna, diskutuan dhe referuan rëndësinë e bashkëpunimit të mirë ndër-institucional, jo vetëm në menaxhimin dhe trajtimin efektiv të cdo rasti të dhunës në familje, por edhe në parandalimin e saj.
Bashkia Roskovec është promotore e barazisë gjinore, fuqizimit ekonomik dhe parandalimit të dhunës ndaj grave, duke ngritur që në vitin 2016 sistemin e reagimit të koordinuar kundër dhunës në familje, me mbështetjen e: Ministrisë së Shëndetësisë dhe Mbrojtjes Sociale, UNDP Shqipëri dhe Ambasadës Suedeze
Duke mos u ndalur në fokusin tonè, me mbështetjen e UNDP, në kuadër të zbatimit projektit “Forcimi I Mekanizmit të Koordinuar të Referimit të rasteve të dhunës në familje” në Bashkinë Roskovec është arritur përmirsimi I kapaciteteve të antarëve të MKR-së , përmes trajnimeve, shërbim ligjor dhe psikologjik falas për viktimat e dhunës në familje, paketa ushqimore dhe transport.
Ky aktivitet u organizua nga Bashkia Roskovec në kuadër të Programit të Përbashkët të Kombeve të Bashkuara “T’i japim fund dhunës ndaj grave në Shqipëri” financuar nga Qeveria e Suedisë dhe zbatuar nga UNDP, UN Women dhe UNFPA.
Edlira Papavangjeli
#UNDP
Edlira Papavangjeli[lsvr_gallery images=”11772,11773,11774,11775″ items_per_row=”4″ masonry=”yes” click_action=”lightbox”]

Njoftim i rëndësishëm ! “Për Strehimin Social”

Njoftim i rëndësishëm !
Në bazë të ligjit 22/2018 “Për Strehimin Social” VKM 384,datë 12.06.2019 “Për përcaktimin e dokumentacionit për të përfituar strehim sipas çdo programi social të strehimit dhe të afateve e të procedurave të miratimit nga organet e vetëqeverisjes vendore”.
📢Ju njoftojmë se Bashkia Roskovec në kuadër të projektit “Për ndërtimin e banesave për strehimin social” ka filluar një proces bashkëpunimi me Entin Kombëtar të Banesave për strehim social.
✅ Ftojmë banorët e qytetit të Roskovecit dhe Njësive Administrative të paraqesin kërkesat e tyre pranë Zyrës së Informacionit, Bashkia Roskovec brenda datës 30 Shtator.

Njoftim për konsultim publik

Në bazë të ligjit Nr.146/2014 “Për njoftimin dhe konsultimin publik”, ligjit Nr 139/2015 “Për Vetëqeverisjen Vendore”,
Ju njoftojmë se ditën e Premte, më datë 18.09.2020, pranë ambienteve të “ Pallatit të Kulturës ” Roskovec, ora 11:00, do të zhvillohet dëgjesa publike për:
– “Studimin e fizibilitetit për stacion transferimi te mbetjeve urbane, Bashkia Roskovec”
– “Plani i menaxhimit të integruar të mbetjeve të ngurta urbane“
Ju rikujtojmë se gjatë këtij takimi duhet të jeni të pajisur me maska e dorashka dhe të ruani distancimin fizik.
Duke ju falenderuar paraprakisht për bashkëpunimin!

Urimi për vitin e ri akademik 2020-2021

Të dashur prindër dhe nxënës,
Me fillimin e vitit të ri mësimor 2020-2021, Kryetarja e Bashkisë Roskovec zj. Majlinda Bufi ka kënaqësinë t’ju përshëndes dhe t’ju përciell urimet më të përzemërta.
Suksese të gjithë nxënësve të cilët u ulën sot në bankat e shkollës. 🙂
Udhë të mbarë në rrugëtimin tuaj të bukur drejt dijes.
Mirënjohje për stafin pedagogjik, për të gjithë përkushtimin, profesionalizmin dhe dashurinë e durimin që ju transmetoni në misionin tuaj për edukimin e brezave të ardhshëm.🙏
Ky është një vit i pazakontë për shkak të virusit COVID-19, por kjo nuk na ndalon në edukimin e brezave.
❗️Në kushtet e kësaj pademie, prindër, mësues, nxënës jeni të lutur të respektoni të gjitha rregullat anti-COVID dhe do t’ ja dalim të mposhtim këtë virus të padukshëm.
✅Bashkia Roskovec do të vazhdoj të jetë e angazhuar maksimalisht për t’u ardhur në ndihmë institucioneve arsimore për përmbushjen e objektivave për shkollë cilësore dhe të sigurt.
Gëzuar dhe suksese në vitin e ri arsimor 2020-2021![lsvr_gallery images=”11784,11785,11786,11787,11788″ items_per_row=”4″ masonry=”yes” click_action=”lightbox”]