Author: bashkiaroskovec

Sot, në Ditën Ndërkombëtare të Gruas, festuam ndryshe.
Kjo është dita e nderimit dhe mirënjohjes së thellë ndaj nënave, grave, vajzave, motrave tona që me përkushtimin, aftësitë dhe dashurinë e tyre janë themel i suksesit të individit, familjes dhe shoqërisë.
Në të gjithë Bashkinë Roskovec dhuruam lule por të cilat më shumë sesa një lule, përcillnin dashuri, mbështetje dhe rreze shprese. 
Vëmendja e Kryebashkiakes znj. Majlinda Bufi në këtë ditë të shënuar shkoi për ato gra dhe nëna kryefamiljare, të cilat më tepër se pjesa tjetër e shoqërisë e ndjejnë më shumë peshën e jetës. Këto ndihma nuk i zgjidhin të gjitha problemet që ato hasin por ne do të jemi aty për t’i mbështetur në çdo nevojë dhe problem të tyren.
Tashmë ato s’janë më vetëm.
Ne nuk dorezohemi, ne do ia dalim!
[lsvr_gallery images=”7460,7461,7462,7463,7464,7465,7466,7467,7468,7469,7470,7471,7472,7473,7474,7475,7476,7477,7478,7479,7480,7481″ items_per_row=”4″ masonry=”yes” click_action=”lightbox”]

1110 pemë të reja u mbollën sot pranë digës së liqenit Kurjan, për t’i rikthyer identitetin kësaj zone.
Nismës së Bashkisë Roskovec “Mbill pemën tënde” iu bashkuan qytetarë, nxënës, mësues, shkolla e gjuhëve të huaja Roskovec “RLS” dhe përfaqësuesi i “Peace Corps”.
Kushdo që mbjell pemë i kthen natyrës dhe qytetit borxhin e krijuar në gjithë këto vite, si dhe kontribuon në përmirësimin e cilësisë së jetës.
“Gjërat e vogla sjellin ndryshimet e mëdha për aq kohë sa ka vizion dhe fokus. Është një gjë e mirë për brezat e tanishëm, por është një gjë akoma edhe më e mirë për brezat e ardhshëm. Të kujdesesh për gjelbërimin sot, investon për të ardhmen e qytetit dhe shoqërisë nesër”, u shpreh Kryebashkiakia znj. Majlinda Bufi.
Mbillni pemë, jetë dhe oksigjen! 
Ky është vetëm fillimi…
[lsvr_gallery images=”7394,7395,7396,7397,7398″ items_per_row=”4″ masonry=”yes” click_action=”lightbox”]

“Ushqyerje e shëndetshme”
Kjo ishte tema me të cilët u prezantuan prindërit e vogëlushëve të kopshteve të Kumanit dhe Vidhishtës.
Aktivitete të organizuar nga punonjësit e sektorit të Arsimit dhe Shëndetësisë z. Ervin Agaçi dhe znj. Manjola Vrapi.
Qellimet e këtyre takimeve ishin informimi dhe sensibilizimi i prindërve për efektet anësore e konsumimit të ushqimeve jo të shëndetëshme. Zëvendësimi i këtyre të fundit me ushqime të shëndetshmë ishte fokusi i diskutimit të ndërsjelltë midis prindërve dhe inspektores së shëndetësisë.

Mbill dhe Ti pemën tënde!
Bashkohu dhe Ti me ne në fushatën e gjelbërimit, më 5 Mars, ora 11:00, pranë digës së liqenit Kurjan.
Bëhet fjalë për gjelbërimin e qytetit!
Së bashku për shtëpinë tonë të përbashkët. 
 

Ka filluar puna për investimin më të ri në Roskovec. 
Rikonstruksioni i plotë i Qendrës Shëndetësore Roskovec, bashkëpunim ky midis Bashkisë Roskovec dhe Projektit Shëndet për të Gjithë (HAP), me financim të këtij të fundit. 
Proçesi i rehabilitimit do të përfshijë punime në çati, dysheme, ndriçim dhe sistemin hidraulik, lyerje, instalim të sistemit të ngrohjes dhe ftohjes, rrethim me mur, recepsion, dhomë mjeku dhe infermieri, urgjencë, magazinë dhe tualete.
Projekti Shëndet për të Gjithë do të investoi dhe në Qendrat Shëndetësore Strum dhe Kurjan.
Të përmirësojmë shërbimet shëndetësore është synimi ynë.
#Rehabilitimi_i_Qendrave_Shëndetësore
#Përmirësojmë_cilësinë_e_shërbimeve
#Bashkia_Roskovec
[lsvr_gallery images=”7299,7300,7301,7302,7303,7304,7305″ items_per_row=”4″ masonry=”yes” click_action=”lightbox”]