Siç njoftuam dje, Bashkia Roskovec ka ndërmarrë aksionin për pastrimin e kanaleve ujitës e kullues.
Ky aksion vazhdon me ritme të larta.Specialistët e Drejt. Bujqesise ndodhen cdo dite ne terren per te ndjekur kete aksion.
Dje kemi publikuar punën që bën Nj. Administrative Strum, ndërsa sot fotoreportazhi i radhës fikson momente nga puna në Nj. Administrative Kuman.
[lsvr_gallery images=”1172,1173,1174,1175,1176,1177″ items_per_row=”3″ masonry=”yes” click_action=”lightbox”]
Duke qënë në prag të sezonit veror të ujitjes, Bashkia Roskovec ka shpallur aksionin për pastrimin e kanaleve ujitës e kullues.
Prej vitesh këto kanale kanë qënë të mbuluara nga shkurret që pengojnë qarkullimin normal të ujit.
Drejtoria e Bujqësisë në bashkinë tonë po ndjek hap pas hapi punën në çdo njësi administrative.
Sot më datë 26 prill 2016 punohej në Arapan, Vidhishtë, Kuman etj.
Fotoreportazhi sjell pamje nga puna për pastrimin e këtyre kanaleve në Njësinë Administrative Strum.
[lsvr_gallery images=”1132,1133,1134,1135,1136,1137,1138,1139,1140,1141,1142,1143,1144″ items_per_row=”5″ masonry=”yes” click_action=”lightbox”]
Sektori i gjelbërimit vazhdon me intensitet punën e nisur muaj më parë. Parcelat e mbjella tani kanë nevojë për pastrim, ujitje dhe korrjen e barit. Edhe në rrugë e trotuare po punohet për pastrimin e tyre.
Fotoreportazhi i radhës sjell pamje nga ky sektor.
[lsvr_gallery images=”1088,1089,1090,1091,1092,1093,1094,1095,1096″ items_per_row=”5″ masonry=”yes” click_action=”lightbox”]
Shkollat 9-vjeçare që përfshinë Njësia Administrative Strum zhvilluan ditën e premte më datë 22 prill 2016 një spartakiadë sportive. Drejtoritë e shkollave dhe mësuesit e kishin vlerësuar këtë aktivitet që u ndoq me shumë interes nga nxënës e prindër.
Më poshtë po japim disa nga rezultatet e arritura:
Edhe ditën e premte 15 prill 2016 skena e Pallatit të Kulturës u mbush me zërat e gëzuar të nxënësve të shkollës “Naun Doko” Marinëz të cilët paraqitën para publikut shfaqen e bukur “Kulturë e Traditë”. Shfaqen e hapi me një përshëndetje të shkurtër drejtoresha e shkollës zj. Nevila Naka. Një grup vajzash kishin përgatitur nga një esse të shkurtër ku flitej për krahinën e Myzeqesë, për Roskovecin dhe Pazarin e tij, për zonën e Marinzës, për gatimet tradicionale, për ritin e dasmës etj. Të gjitha këto që shoqëroheshin edhe me pamje filmike, u dukën të improvizuara nga vetë nxënësit. Emocione të vecanta krijoi veçanërisht dasma, ku herë pala e nuses dhe herë ajo e dhëndrrit shkëmbenin urimet e rastit. Një çift simpatik, nusja dhe dhëndërri bënë xhiron para publikut.
Në skenë ishin ekspozuar vegla dhe pajisje të përdorimit tradicional shtëpiak si tundsi, djepja, kandili, tava, ibrik, pjata e gota interesante etj.
Gatimet tradicionale mbyllën këtë shfaqje që nuk do të harrohet për ritmin e gëzueshëm që sollën, por edhe për mesazhin që përcjellin këta nxënës të pasionuar, duke ruajtur e transmetuar traditat e Myzeqesë. Të pranishmit i përshëndeti edhe zëvendëskryetari i Bashkisë Roskovec z. Afrim Plaka. Është rasti të falendërojmë drejtoreshën zj. Nevila Naka si dhe gjithë stafin pedagogjik për punën serioze që kishin bërë, falenderojmë gjithë fëmijët që ishin aktorët kryesorë si dhe prindërit e tyre për mbështetjen që u japin fëmijëve. Ky spektakël le të shërbejë edhe si një përvojë për shkollat e tjera.
[lsvr_gallery images=”1021,1022,1023,1024,1025,1026,1027,1028,1029,1030,1031,1032,1033,1034,1035,1036,1037,1038,1039,1040,1041,1042,1043,1044,1045,1046,1047,1048″ items_per_row=”5″ masonry=”yes” click_action=”lightbox”]
Në kampionatin e volejbollit për djem midis gjimnazeve të organizuar në rang qarku që u zhvillua në Fier ditën e mërkurë datë 13 prill 2016, Bashkia e Roskovecit u përfaqësua me ekipin e gjimnazit “Didin Bishani” Kurjan. Ky ekip i përgatitur nga mësuesi i pasionuar i edukimit fizik Emiliano Kuka, kishte bërë një punë shumë të mirë. Në ceremoninë e hapjes të pranishmit i përshëndeti z. Shkëlqim Allkaj, Drejtor i Arsimit Rajonal. Sipas shortit, në takimin e parë gjimnazistët e Kurjanit patën përballë përfaqësuesit e Lushnjes. Setin e parë djemtë e Kurjanit e fituan me lehtësi. Edhe në setin e dytë siguruan një avantazh të thellë, por që nuk mund ta ruanin. Kështu u zhvillua seti final ku rivaliteti ishte i dukshëm dhe rezultati ishte i ngushtë. Në përfundim ekipi ynë e humbi takimin dhe u ndesh me përfaqësuesit e Patosit për vendin e tretë. Këtë takim gjimnazistët e Kurjanit e fituan lehtësisht duke marrë medaljen përkatëse.
Kupën e kampionatit e fituan gjimnazistët që përfaqësonin Lushnjen.
Serioziteti i ekipt tonë u duk edhe në faktin se në shoqërimin e djemve ishte drejtoresha e shkollës zj. Ermira Buzi dhe një pjesë e stafit pedagogjik. Nuk munguan edhe disa bashkëmoshatarë të tyre të shkollës.
[lsvr_gallery images=”1010,1009,1008,1001,1002,1003,1004,1005,1006,1007,1000,1011,1012,1013,1014″ items_per_row=”5″ masonry=”yes” click_action=”lightbox”]
Ditën e dielë më datë 3 prill 2016 një delegacion i nivelit të lartë të grave politikane nga Taxhikistani vizitojë Shqipërinë nga data 2 në 8 Prill 2016 në kuadër të një projekti që po zbatohet nga Zyra e OSBE-së në Taxhikistan.
Delegacioni përfshin Zëvendës Kryetarin e Parlamentit dhe shatë gra politikane, përfaqësues nga çdo parti politike të regjistruar të Taxhikistanit të cilat ishin: Bobojoniyon Ranokhon, Rahmonova Dilorom, Mirzoeva Zukhra, Razhdabova Mavluda, Zuvaydova Sharbonu, Mirsanova Zarragul, Samadova Dilbar, Boboeva Gulnora, Mukhtorova Uguoy- OSCE dhe Ivanovikj –Casterade Vesna- OSCE
Interesi i tyre është për të mësuar se si gratë punojnë dhe lobojnë në Shqipëri për fuqizimin e grave në jetën politike, për të njohur më shumë rreth sistemit ligjor për kuotat gjinore në Shqipëri që mund të aplikohen gjithashtu në Taxhikistan, si dhe për realizuar takime dhe shkëmbyer përvoja me gra përfaqësuese të Platformës Kombëtare për Gratë, Aleancës së Grave Deputete, forumeve të grave si dhe gra të zgjedhura dhe gra lidere.
Në Bashkinë e Roskovecit ato u pritën në një takim nga kryetarja zj. Majlinda Bufi. Në këtë takim morën pjesë deputetja e Qarkut Fier, zj Antoneta Dhima, kryetarja e Bashkisë Patos zj. Rajmonda Balili, kryetarja e keshillit bashkiak Roskovec zj. Eleni Goga, kryetarja e këshillit Bashkiak Fier Evis Sema, drejtuese te sektorëve të shëndetësisë, arsimit si dhe nga komuniteti i grave të Bashkisë Roskovec. etj. Zj. Majlinda BUFI, pasi dëgjoi përvojat e grave nga Taxhikistani, i njohu mikeshat me punën që bëhet në bashkinë tonë lidhur me problemet e barazisë gjinore, me rolin e grave në këshillin bashkiak e më gjerë.
Takimi i karakterizua nga fryma e ngrohtë dhe miqësore dhe u ndoq nga prania e mediave.
[lsvr_gallery images=”975,974,976,977,984,983,982,981,980,979,978,985,986,987,988,989,990,991″ items_per_row=”5″ masonry=”yes” click_action=”lightbox”]
Ditën e enjte më datë 31 mars 2016, në zyrat e Njësisë Administrative Kuman, kryetarja e Bashkisë zj. Majlinda Bufi dhe stafi drejtues zhvilloi një takim me përfaqësues të komunitetit të Marinzës lidhur me problemet që kanë banorët e këtij fshati. Në këtë takim transparent, ku ishin të pranishëm edhe drejtues të Drejtorisë së Shëndetit Publik Fier si dhe përfaqësues të medias, u diskutuan çështje si:
1. Problemi i ujit të pijëshëm në Marinëz.
2. Ndotja e ambientit (ujit, ajrit,tokave).
3. Punësimet në industrinë naftënxjerrëse.
4. Taksat dhe tarifat vendore.
5. Informacion në lidhje me të ardhurat që siguron bashkia nga kompania Bankers.
6. Informacion ne lidhje me investimet e kompanisë Bankers në komunitet.
7. Investimet e miratuara për t’u realizuar nga Bashkia në fshatin Marinëz për vitin 2016.
8. Investimet e planifikuara për vitet në vazhdim.
9. Dëmshpërblimet e pretenduara nga banorët. etj.
Ditën e martë më 29 mars 2016 në ambjentet sportive të gjimnazit “Adem Vrapi” Roskovec u zhvillua kampionati i volejbollit për meshkuj midis shkollave të mesme në Bashkinë e Roskovecit. Të tri gjimnazet; ai I Roskovecit, Kurjanit dhe gjimnazi jopublik “Goja e Artë” e kishin vlerësuar aktivitetin. Ky aktivitet që u ndoq me shumë interesim nga nxënës, mësues e përfaqësues të bashkisë.
I pranishëm ishte dhe zëvendëskryetari z. Afrim Plaka.
Të gjitha ndeshjet u karakterizuan nga rivaliteti i madh. Të tri skuadrat hynin në fushë për të fituar trofeun që ishte një kupë simbolike. Në përfundim skuadra më e mirë u shpall ajo e shkollës së mësme “Didin Bishani” Kurjan, e cila fitoi kupën e këtij kampionati.
[lsvr_gallery images=”935,936,937,938,939,940,941,942″ items_per_row=”4″ masonry=”yes” click_action=”lightbox”]
Emocionet e fitimit të trofeut në kampionatin e volejbollit midis gjimnazeve të Bashkisë Roskovec. Shkolla e mesme Kurjan FITUES
Komisioni për diskutimin e simboleve të Bashkisë Roskovec, i mbledhur më datë 17 mars 2016, me pjesëmarrjen edhe të një grupi intelektualësh, diskutoi lidhur me ngritjen e një monumenti në qytetin e Roskovecit.
Varianti kryesor që u paraqit për diskutim ishte ngritja e monumentit “Bukuroshja e Strumit” si figurë folklorike që lartëson figurën e gruas myzeqare me tiparet më të spikatura që ajo mishëron. Në mënyrë që edhe ky monument të hyjë në simbolet përfaqësuese të Bashkisë Roskovec, Komisioni i rekomandoi Zj.Majlinda BUFI, kryetare e Bashkisë Roskovec që të propozoi në Këshillin Bashkiak për vendimmarrje mundësinë e ngritjes së këtij monumenti në një vend më të përshtatshëm dhe funksional për këtë vepër arti.
Komisioni shpreh gatishmërinë që të bashkëpunojë me realizuesit e veprës, deri në finalizim. Gjithashtu shprehim bindjen se ky propozim do të jetë në konsideratën e forumit vendimmarrës.
[lsvr_gallery images=”859,860,861,862,863,864,865,866″ items_per_row=”4″ masonry=”yes” click_action=”lightbox”]
