FESTA E ULLIRIT – FESTË POPULLORE

Bashkia Roskovec nën kujdesin e veçantë të kryetares zj. Majlinda BUFI organizon më datë 28 tetor 2016 ora 10.oo, në kishën 700 vjeçare të Shën Kollit në Kurjan, FESTËN E ULLIRIT.
Në këtë festë do të ketë koncert nga këngëtarë të njohur, pjesëmarrje nga grupet e njësive administrative, panair bujqesor-blegtoral, mbjellje simbolike e ullirit etj.
Ftojmë të gjithë bashkëqytetarët të marrin pjesë në këtë festë popullore që zhvillohet për herë të parë në Bashkinë e Roskovecit dhe që do të kthehet në traditë të përvitshme.
Ejani të festojmë së bashku.

Një fillim i mbarë për të gjithë ne…

Në ambjentet e Pallatit të Kulturës, më datë 17.10.2016, në prani të nënkrytarit të Bashkisë Roskovec z. Isa Hoxha, u bë prezantimi i administratorit të Ujësjellës- Kanalizime SH.A Roskovec z. Admirand Stani. Administratori pasi falenderoi për pjesëmarrjen dhe bashkëpunimin, bëri prezantimin e detyrave dhe përgjegjësive që çdo punonjës i kësaj Shoqërie Aksionere (SH. A) duhet të ketë.
Kishte ardhur koha që edhe banorët e Bashkisë Roskovec të kenë më tepër mundësi dhe më pak kosto. Me zyrat e reja çdo qytetar mund të marrë informacionin e duhur pa i’u dashur të shkojë gjëkundi.
Të pranishëm ishin edhe Drejtoresha Juridike znj. Evisa Mustafaj, znj. Matilda Gishti Drejtoresha Ekonomike e Ujësjellsit dhe z. Burhan Bishani Përgjegjës Sektori në këtë shoqëri, të cilët i’u përgjigjën dhe dhanë sqarimet e duhura për çdo pyetje dhe shqetësim që ata kishin.
I urojmë suksese stafit drejtues dhe punonjësve të Ujësjellës – Kanalizime SH.A.Roskovec.

SHTABI EMERGJENCAVE NË VEPRIM

Sot ditën e hënë u mblodh shtabi i emergjencave civile në nivel bashkie. Në këtë shtab marrin pjesë drejtorë nga stafi i bashkisë, administratorët e njësive administrative, drejtuesi i Postës së Policisë së shtetit, si dhe drejtuesit e qendrave shëndetësore.
Mbledhjen e parë e hapi zëvendëskryetari i bashkisë Isa Hoxha i cili i njohu të pranishmit me situatën sizmologjike pas tërmeteve që kanë rënë kohët e fundit në rajonet jugore të vendit. Disa nga pjesëmarrësit bënë pyetje e ngritën disa probleme konkrete.
Blerina Buzi, drejtore e Qendrës shëndetësore Kuman prezantoi një material të ilustruar me foto për masat paraprake që mund të marrin banorët në raste të tërmeteve. Edhe për këtë material pati diskutime.

PRITJA E RRADHES ME POPULLIN

Ditën e enjte më datë 13.10.2016 kryetarja e Bashkisë Roskovec znj. Majlinda Bufi zhvilloi takimin e përjavshëm të pritjes së popullit. Kjo pritje u organizua në zyrën e informacionit me një transparencë të plotë. Të pranishëm ishin Administratorët e Njësive Administrative dhe nënkryetarja znj. Hava Begaj, të cilët sipas problematikave u përgjigjeshin qytetarëve.

FUSHATE SENSIBILIZUESE

Muaji tetor është muaji i ndërgjegjësimit në luftën kundër kancerit të gjirit. Çdo vit kjo sëmundje merr jetën e vajzave dhe grave në mbarë botën. Sot më datë 14.10.2016, në prani të kryetares së Bashkisë znj. Majlinda BUFI, përfaqësues të sektorit të promocionit shëndetësor në Drejtorinë Rajonale të Shëndetit Publik (DRSH), drejtues të qendrave shëndetësore, përfaqësues të OJF “Gruaja, Komuniteti, Mjedisit”, morën pjesë në tubim sensibilizues për informimin kundrejt parandalimit dhe kurimit të kësaj sëmundje vdekjeprurëse . Kryetarja e Bashkisë znj. Majlinda Bufi përcolli mesazh sensibilizimi dhe inkurajimi për çdo grua,jo vetëm kjo ditë e caktuar duhet të na ndërgjegjësoj për të vigjilent por çdo ditë e vitit duhet të jetë e tillë. Fjalën gjithashtu e mbajtën dhe drejtoreshat e qendrave shëndetësore të Njësive Administrative Kuman, Kurjan e Strum, të cilat ftuan pjesmarrëset dhe jo vetëm, të kujdesen për shëndetin e tyre pasi respekti ndaj vetes është parësor në jetën e gjithësecilit. Kjo thirrje sensibilizuese duhet të përçohet në çdo familje, për çdo nënë, vajzë e grua të komunitetit tonë. Një grua e shëndetshme premton shumë…

Donacion për komunitetin e Bashkisë Roskovec

Sot më datë 13.10.2016 u dhuruan 30 makina qepse familjeve më në nevojë. Fondacioni “ Gjysëm Hëna e Kuqe e Emirateve të Bashkuara Arabe” në bashkëpunim me Bashkinë Roskovec bënë këtë donacion për të ndihmuar vetëpunësimin dhe përmirësimin e kushteve të jetesës së këtyre familjeve. Fjalën hapëse në këtë aktivitet e mbajti kryetarja e Bashkisë znj. Majlinda Bufi, e cila përshëndeti përfaqësuesit e fondacionit për këtë bashkëpunim të frytshëm dhe mirëpriti familjet përfituese, duke i premtuar se do të ketë të tjera nisma të po të njëjtit format. Pjesmarrës ishte edhe nënkryetari z. Isa Hoxha, i cili u tregua i pakursyer për të dhënë ndihmesën e tij. Bashkia Roskovec synon rritjen e të vetëpunësuarve si rrjedhojë edhe përmirësimin e nivelit të jetesës.

PUNIME TE REJA

Lajm i mirë dhe i shumëpritur . Filluan punimet për çpimin e pusit për ujin e pijshëm në Marinëz. Shpresojmë që nën monitorimin e Shërbimit Gjeologjik Shqiptar, të kemi rezultatin e pritur për sasinë dhe parametrat cilësor të ujit. Një problem që do të marrë zgjidhje shumë shpejt !

NJË VEPRIMTARI ME VLERA MBARËKOMBËTARE

Sot ishte një ditë e veçantë për qytetin e Roskovecit dhe jo vetëm. Salla e bibliotekës së qytetit Roskovec u mbush plot me lexues, mësues e drejtues të shkollave, të interesuar, me bashkëqytetarë. Ishte publikur një takim me shkrimtarin Mystehak Xhemali në bibliotekën e qytetit tonë. Se kush është Mystehaku e dinë të gjithë ata që kanë punuar me artin dhe kulturën. Tashmë profilit të tij i shtohen dhe krijimet në fushën e letërsisë artistike. Mystehaku kthehej këtu në kryeqendrën e Bashkisë, në Roskovec sepse e do vendin e tij. Po këtë herë ishte ndryshe, krejt ndryshe. Ai kthehej si një krijues me 8 libra të botuar, kthehej si një intelektual që i ka dhënë tonin jetës kulrurore në Fier dhe jo vetëm. Mbi të gjitha nuk ka harruar rrënjët e tij; Kurjanin dhe Roskovecin. Për këtë u organizua sot një promovim i profilit të tij dhe i krijimtarisë që vazhdon të rrjedhë si uji i kristaltë.
Me një skenar të mirorganizuar takimi filloi me dhurimin e luleve për krytaren e Bashkisë Roskovec znj. Majlinda BUFI e cila mbështet çdo projekt kulturor si dhe një tufë me lule për shkrimtarin e njohur në nivel kombëtar z. Mystehak Xhemali.
Në takim folën botuesja e nderuar znj. Bukuroshe Xhemalaj, redaktorët Përparim Hysi, Faslli Canaj dhe një mik i veçantë jo vetëm për panelin por edhe për ne; Myslym Pashaj, koloneli legjandar që diti me aq profesionalizëm t’u japë përgjigjen e merituar piratëve të detit që donin të grabitnin pjesë nga harta kombëtare e Shqipërisë.
Në këtë takim duhet të vlerësojmë përshëndetjen e kryetares së Bashkisë Roskovec znj. Majlinda BUFI e cila vlerësoi aktivitetin dhe falenderoi pjesëmarrësit për dhurimin e shumë librave që i shtohen fondit të bibliotekës së qytetit tonë.
Falenderojmë drejtuesit e shkollave, mësuesit dhe nxënësit që kishin përgatitur esse për librat e autorit dhe disa krijime të tyre. Më këtë rast u deklarua i hapur Klubi i Letrarëve të rinj. Krijimet e tyre do të publikohen në një portal brenda faqes “Pallati i Kulturës Roskovec”.
Falenderojmë punonjësen e bibliotekës znj. Eralda Duraj për seriozitetin në organizimin e veprimtarisë, moderatoren e talentuar dhe poeteshën e re Stelina Myftarago që e drejtoi me profesionalizëm këtë veprimtari.
Ndiqni mesazhin e kryetares së Bashkisë znj. Majlinda BUFI dhe fotoreportazhin.

LAJM I MIRE PER VELMISHIN

Një lajm i mirë për banorët e Velmishit. Pas më shumë se 20 vitesh që nuk ishte bërë asnjë ndërhyrje për përroin e Velmishit, më në fund kjo ditë erdhi. Zgjidhet nje problem që vitet e fundit kishte shkatërruar investimet e dhjetra fermerëve në këtë zonë.
Punohet me ritme të larta për t’ju paraprirë problemeve nga moti i keq.

PUNOJME QE TE PARANDALOJME

KUZ nuk ndalet. Puntorët e sektorit të Kanalizimeve dhe Ujrave të Zeza janë çdo ditë në aksion.
Pas shumë punimeve të bëra në gjithë territorin e Bashkisë Roskovec , filluan punimet në fshatin Strum. Ka filluar shtrirja e tubacioneve të kanalizimeve dhe hapja e pusetave. Punojmë me motivin e vetëm që ti ofrojmë banorëve përmirësim të kushteve dhe parandalim të pasojave.