Bashkia

ÇMIM I PARE NE NIVEL KOMBETAR

Sot Bashkia Roskovec ka fituar vendin e parë në nivel kombëtar në fushën e zhvillimit ekonomik. Ka qënë projekti i promovimit të vlerave të agroturizmit dhe jehona që mori “Festa e Ullirit” në Kurjan më 28 Tetor 2016 që i ka dhënë këtë vlerësim të çmuar bashkisë sonë.
DLDP – Decentralization Local Development Program është Programi i Decentralizimit financuar nga qeveria zvicerane , në bashkëpunim me ministrinë e pushtetit vendor . Ky çmim është dhënë sot pas konkursit të zhvilluar për praktikat më të mira të pushtetit vendor në nivel rajonal dhe kombëtar.
Kryetarja e bashkisë znj. Majlinda Bufi asistoi gjatë gjithë konkursit dhe sigurisht iu përgjigj çdo pyetje rreth projektit. Projekti u prezantua në mënyrë dinjitoze nga specialistja në drejtorinë e Urbanistikës znj.Kejsi Voli. Të pranishëm në këtë konkurs ishin edhe nënkryetarja e bashkisë znj. Bardha Begaj, drejtori i Artit dhe Kulturës z. Thoma Goga dhe drejtoresha e urbanistikës znj. Ejona Tyto.
Ky çmim është meritë i një viti të mbushur me punë.

[lsvr_gallery images=”3830,3831,3832,3833,3834,3835,3836″ items_per_row=”3″ masonry=”yes” click_action=”lightbox”]

DEGJESE PUBLIKE KUMAN

Projekt Buxheti i Bashkisë Roskovec për vitin 2017 është prezantuar sot në Njësinë Adminsitrative Kuman, ku është diskutuar gjerësisht me banorët e kësaj njësie.Krye administratori z.Kadri Hyska, administratori i njësisë z. Dritan Shahu dhe drejtori i financës z. Selman Çepele kanë prezantuar planin e investimeve dhe të paketës fiskale për vitin 2017 dhe kanë diskutuar me banorët dhe bizneset mbi investimet e realizuar në vitin 2016 dhe për buxhetin e vitit 2017. Ky proçes është shumë i efektshëm pasi janë vetë banorët të cilët përcaktojnë përparësitë e tyre.
[lsvr_gallery images=”3822,3823,3824,3825,3826,3827″ items_per_row=”3″ masonry=”yes” click_action=”lightbox”]

PROJEKTI ZHVILLIMOR KUMAN

Puna për projektin zhvillimor të qendrës së Kumanit vazhdon. Ditën e djeshme, më datë 12 dhjetor ishte vetë kryetarja e Bashkisë Roskovec znj. Majlinda Bufi e cila inspektoi punimet e bëra deri më tani. Shumë shpejt komuniteti i fshatit Kuman do të ketë një mjedis me parametra bashkohorë.
[lsvr_gallery images=”3815,3816,3817,3818″ items_per_row=”4″ masonry=”yes” click_action=”lightbox”]

DEGJESE PUBLIKE

Ditën e djeshme më datë 12.12.2016 , Bashkia Roskovec zhvilloi dëgjesën publike në Roskovec për prezantimin e planit të investimeve dhe të paketës fiskale për vitin 2017. Të pranishëm në këtë prezantim ishin krye administrator z.Kadri Hyska, nënkryetari i bashkisë z. Isa Hoxha dhe nënkryetarja znj.Bardha Begaj dhe drejtues të fushave të ndryshme. Paneli drejtues pasqyroi investimet dhe shërbimet e realizuara gjatë vitit 2016.
Pjesëmarrës ishin banorë të Roskovecit, biznese të ndryshme të cilët dhanë mendimet për prioritetet që Bashkia Roskovec duhet të ketë gjatë vitit 2017.

[lsvr_gallery images=”3808,3809,3810,3811″ items_per_row=”4″ masonry=”yes” click_action=”lightbox”]

NE NDIHME TE KOMUNITETIT

Në familjen Fisheku ka filluar ndërtimi i shtëpisë së re ashtu siç dhe ishte premtuar nga kryetarja e Bashkisë znj.Majlinda Bufi disa ditë më parë. Ishte vetë kryetarja e Bashkisë e cila inspektoi fillimin e punimeve.
Falenderim dhe mirënjohje të madhe tregoi familja Fisheku kundrejt kryetares z.Majlinda Bufi për këtë ndihmesë kaq të madhe që bashkia Roskovec po ju mundëson.
[lsvr_gallery images=”3803,3804,3805″ items_per_row=”3″ masonry=”yes” click_action=”lightbox”]

SINJALISTIKA RRUGORE

Segmentet rrugore pa sinjalistikat përkatëse nuk janë plotësisht të përfunduara.
Bashkia Roskovec ka disa ditë që ka filluar me vendosjen e sinjalistikave në rrugët kryesore dhe në rrugët e brendshme të lagjeve.
Të respektojmë sinjalistikat për një jetesë më të sigurt.
[lsvr_gallery images=”3797,3798,3799,3800″ items_per_row=”3″ masonry=”yes” click_action=”lightbox”]

RRETH RROTULLIM

Punohet me ritëm të lartë për të përfunduar sa më shpejt ndërtimin e rreth rrotullimit të dytë në Roskovec. Pas zgjerimit të rrugës, shtrimit të saj me çakull dhe ndërtimit të trotuareve ka filluar ndërtimi i rreth rrotullimit.
Në përfundim të këtyre punimeve do të kemi një qarkullim më të lirshëm si për automjete dhe për këmbësorët.
[lsvr_gallery images=”3766,3767,3768,3769″ items_per_row=”3″ masonry=”yes” click_action=”lightbox”]

KONKURSI RAJONAL – ÇMIMI I 2-të FESTA E ULLIRIT

Ditën e premte më datë 9 dhjetor 2016 në universitetitin e Vlorës u zhvillua konkursi rajonal midis 15 bashkive organizuar nga Agjensia Zhvillimit Rajonal Vlorë. Në këtë konkurs u paraqitën projektet dhe praktikat më të mira. Bashkia e Roskovecit paraqiti praktikën “FESTA E ULLIRIT- EFEKTET EKONOMIKE DHE NDIKIMI NË PRODHIME BIO TË ZONËS”.
Nga bashkia jonë morën pjesë zëvendëskryetarja Bardha Begaj, Drejtori i Artit dhe Kulturës Thoma Goga si dhe specialistja Kejsi Voli nga Drejtoria e Urbanistikës.
Para një jurie prestigjioze materialin e përgatitur e paraqiti z. Thoma Goga. Mënyra e përgatitjes si dhe stili artistik i prezantimit, krijuan emocione te veçanta. Ndoshta ishte vetë ajo festë e bukur jehona e së cilës vazhdon në median tone, që “mbërtheu” jurinë dhe të pranishmit e shumtë.
Në përfundim juria përzgjodhi 3 praktikat më të mira. Projekti ynë fitoi ÇMIMIN E DYTË dhe fitoi të drejtën që të paraqitet në Tiranë para autoriteteve të larta të qeverisjes së vendit. Ja pra, Roskoveci që dikur e anatemonin, e përbuznin, meriton një çmim dhe ua kalon bashkive më të njohura të vendit si Vlora, Saranda, Tepelena, Përmeti, Himara etj.
Pavarësisht nga ky çmim, grupi realizues, por mbi të gjitha stafi drejtues i Bashkisë me kryetare zj. Majlinda BUFI, tregon seriozitetitn e madh para komunitetit që i ka besuar qeverisjen vendore. Ky është ÇMIMI më i mirë që meriton një staf i tillë.
Po me këtë seriozitet dhe profesionalizëm ky projekt do të paraqitet edhe para autoriteteve kryesore të qeverisjes së vendit pas disa ditësh.
[lsvr_gallery images=”3760,3761,3762,3763″ items_per_row=”3″ masonry=”yes” click_action=”lightbox”]

DEGJESA PUBLIKE STRUM

Ditën e sotme, Bashkia Roskovec zhvilloi dëgjesën publike në Njësinë Administrative Strum për prezantimin e planit të investimeve dhe të paketës fiskale për vitin 2017. Të pranishëm në këtë prezantim ishin krye administrator z.Kadri Hyska, nënkryetari i bashkisë z. Jorgo Begaj dhe drejtues të fushave të ndryshme. Paneli drejtues pasqyroi investimet dhe shërbimet e realizuara gjatë vitit 2016 në këtë zonë.
Pjesëmarrës ishin banorë të fshatrave të Njësisë Strum, biznese të ndryshme të cilët dhanë mendimet për prioritetet që Bashkia Roskovec duhet të ketë gjatë vitit 2017.
[lsvr_gallery images=”3781,3782,3783,3784″ items_per_row=”4″ masonry=”yes” click_action=”lightbox”]

MBREMJA GALA

Sot në ambientet e Pallatit të Kulturës u zhvillua takimi me mësuesit e shkollave të Bashkisë Roskovec. Në ditët e mëparshme janë zhvilluar dhe takimet me stafin e infermierëve dhe komisionerëve.Tematika e këtyre takimeve është mbremja Gala.
Në këto mbledhje është diskutuar dhe janë dhënë mendime dhe sygjerime për proçesin e votimit dhe kriteret që duhen plotësuar për të marrë këtë çmim.
Në ditët në vazhdim do të zhvillohen takime me pjesëmarrës nga fushat e tjera. яндекс
[lsvr_gallery images=”3776,3777″ items_per_row=”4″ masonry=”yes” click_action=”lightbox”]