Author: bashkiaroskovec

KONKURSI RAJONAL – ÇMIMI I 2-të FESTA E ULLIRIT

Ditën e premte më datë 9 dhjetor 2016 në universitetitin e Vlorës u zhvillua konkursi rajonal midis 15 bashkive organizuar nga Agjensia Zhvillimit Rajonal Vlorë. Në këtë konkurs u paraqitën projektet dhe praktikat më të mira. Bashkia e Roskovecit paraqiti praktikën “FESTA E ULLIRIT- EFEKTET EKONOMIKE DHE NDIKIMI NË PRODHIME BIO TË ZONËS”.
Nga bashkia jonë morën pjesë zëvendëskryetarja Bardha Begaj, Drejtori i Artit dhe Kulturës Thoma Goga si dhe specialistja Kejsi Voli nga Drejtoria e Urbanistikës.
Para një jurie prestigjioze materialin e përgatitur e paraqiti z. Thoma Goga. Mënyra e përgatitjes si dhe stili artistik i prezantimit, krijuan emocione te veçanta. Ndoshta ishte vetë ajo festë e bukur jehona e së cilës vazhdon në median tone, që “mbërtheu” jurinë dhe të pranishmit e shumtë.
Në përfundim juria përzgjodhi 3 praktikat më të mira. Projekti ynë fitoi ÇMIMIN E DYTË dhe fitoi të drejtën që të paraqitet në Tiranë para autoriteteve të larta të qeverisjes së vendit. Ja pra, Roskoveci që dikur e anatemonin, e përbuznin, meriton një çmim dhe ua kalon bashkive më të njohura të vendit si Vlora, Saranda, Tepelena, Përmeti, Himara etj.
Pavarësisht nga ky çmim, grupi realizues, por mbi të gjitha stafi drejtues i Bashkisë me kryetare zj. Majlinda BUFI, tregon seriozitetitn e madh para komunitetit që i ka besuar qeverisjen vendore. Ky është ÇMIMI më i mirë që meriton një staf i tillë.
Po me këtë seriozitet dhe profesionalizëm ky projekt do të paraqitet edhe para autoriteteve kryesore të qeverisjes së vendit pas disa ditësh.
[lsvr_gallery images=”3760,3761,3762,3763″ items_per_row=”3″ masonry=”yes” click_action=”lightbox”]

DEGJESA PUBLIKE STRUM

Ditën e sotme, Bashkia Roskovec zhvilloi dëgjesën publike në Njësinë Administrative Strum për prezantimin e planit të investimeve dhe të paketës fiskale për vitin 2017. Të pranishëm në këtë prezantim ishin krye administrator z.Kadri Hyska, nënkryetari i bashkisë z. Jorgo Begaj dhe drejtues të fushave të ndryshme. Paneli drejtues pasqyroi investimet dhe shërbimet e realizuara gjatë vitit 2016 në këtë zonë.
Pjesëmarrës ishin banorë të fshatrave të Njësisë Strum, biznese të ndryshme të cilët dhanë mendimet për prioritetet që Bashkia Roskovec duhet të ketë gjatë vitit 2017.
[lsvr_gallery images=”3781,3782,3783,3784″ items_per_row=”4″ masonry=”yes” click_action=”lightbox”]

MBREMJA GALA

Sot në ambientet e Pallatit të Kulturës u zhvillua takimi me mësuesit e shkollave të Bashkisë Roskovec. Në ditët e mëparshme janë zhvilluar dhe takimet me stafin e infermierëve dhe komisionerëve.Tematika e këtyre takimeve është mbremja Gala.
Në këto mbledhje është diskutuar dhe janë dhënë mendime dhe sygjerime për proçesin e votimit dhe kriteret që duhen plotësuar për të marrë këtë çmim.
Në ditët në vazhdim do të zhvillohen takime me pjesëmarrës nga fushat e tjera. яндекс
[lsvr_gallery images=”3776,3777″ items_per_row=”4″ masonry=”yes” click_action=”lightbox”]

PASTRIMI I KANALEVE KULLUES

Vazhdon akoma puna me pastrimin e kanalit kullues K 271. Këto ditë është vazhduar me pjesën e kanalit Kuman- Vidhisht.
Nuk bëjmë thjesht pastrim ose rehabilitim të një ose disa kanaleve por ndjekim problematikat deri në fund.
Në këtë mënyrë problemet marrin zgjidhje përfundimtare.
[lsvr_gallery images=”3794,3793,3790,3791″ items_per_row=”4″ masonry=”yes” click_action=”lightbox”]

UJE I PIJSHEM 24 ORE

Shumë vite të lëna pas dore, pa pasur asnjë investim duke lënë banorët e fshatit Luar të Njësisë Administrative Kuman në mëshirë të fatit pa pasur gjënë më minimale të jetesës, UJIN.
Së shpejti shqetësimet e këtyre banorëve do të marrin fund.Prej ditësh ka nisur puna për zëvendësimin e linjave ekzistuese pothuajse jashtë funksionit të tyre primar me linja të reja, vendosjen e kasetave dhe matësave të rinj.
[lsvr_gallery images=”3749,3750,3751,3752″ items_per_row=”2″ masonry=”yes” click_action=”lightbox”]

PROJEKTI ZHVILLIMOR KUMAN

Punimet për projektin zhvillimor të qendrës së Kumanit nuk kanë ndalur asnjë ditë. Pas përfundimit të KUZ në këtë pjesë, kanë filluar të rregullohen pjesët e jashtme të pallateve ekzistues.
Jo vetëm punohet për anën funksionale por edhe për anën vizuale.
[lsvr_gallery images=”3743,3744,3745,3746″ items_per_row=”3″ masonry=”yes” click_action=”lightbox”]

INVESTOHET NE INFRASTRUKTURE RRUGORE

Rikonstruksioni, përmirësimi dhe mirëmbajtja e infrastrukturës rrugore është një ndër prioritetet kryesore të punës së Bashkisë Roskovec. Rruga Dushk në Njësinë Administrative Kurjan me një gjatësi prej 1430 metra , prej vitesh është kthyer në shqetësim për banorët, duke vështirësuar jo vetëm transportimin e prodhimeve bujqësore të zonës drejt vend – tregtimeve të tyre, por edhe të lëvizjes dhe komunikimit të përditshëm të vet banorëve
Pas hedhjes së çakullit në të gjithë gjatësinë e rrugës, ka filluar shtrimi i saj me rërë bituminoze.
Kjo është një tjetër rrugë që do t’i shtohet rrugëve me parametra europian që janë ndërtuar nga Bashkia Roskovec.
[lsvr_gallery images=”3735,3736,3737,3738,3739″ items_per_row=”3″ masonry=”yes” click_action=”lightbox”]

NJE PREMTIM I MBAJTUR

Ashtu dhe sic ishte premtuar nga vetë kryetarja e Bashkisë znj.Majlinda Bufi, ditën e djeshme filluan menjëherë punimet për të rindërtuar nga e para shtëpinë e familjes Fisheku. Puntorët e Bashkisë nisën prishjen e objektit dhe në vazhdimësi pritet të fillojnë punimet për ndërtimin e objektit të ri.
[lsvr_gallery images=”3730,3731,3732″ items_per_row=”4″ masonry=”yes” click_action=”lightbox”]

FESTAT PO AFROJNE

Dritat festive të qytetit u ndezën.
Atmosfera festive në Roskovec filloi me ndezjen e dritave të pemës së Krishtëlindjeve dhe Vitit të Ri. Ishte puna e mirëkordinuar e sektorit të dekorit dhe punonjësve të pastrim gjelbërimit që bënë të mundur ndezjen e njëkohshme të dritave të pemës dhe ndrçimin e qiellit të qytetit të Roskovecit nga fishekzjarret shumëngjyrshe.
Të pranishëm në momentin e ndezjeve të dritave ishte nënkryetari i Bashkisë z. Isa Hoxha dhe krye administratori z.Kadri Hyska. Emocionet më të mëdhaja i ndjenin fëmijët e vegjël që prisnin me padurim shkëlqimin e pemës.
[lsvr_gallery images=”3724,3725,3726,3727″ items_per_row=”3″ masonry=”yes” click_action=”lightbox”]

PASTRIMI KANALEVE KULLUES

Në Bashkinë Roskovec po punohet intesivisht për pastrimin e kanaleve kullues dhe vaditës. Parandalimi i përmbytjeve është një nga synimet kryesore të Bashkisë sonë. Vazhdon puna për pastimin e kanalit K 271 me gjatësi 2700 mL i cili prek zonat Vidhisht-Kuman-Roskovec.
Ka përfunduar pastrimi i pjesës Roskovec- Kuman.
Angazhimi dhe puna jonë do të vazhdojë deri në rehabilitimin e plotë të kanaleve kulluese dhe vaditëse në të gjithë territorin e Bashkisë Roskovec , duke garantuar siguri dhe cilësi të prodhimeve bujqësore dhe investimeve të fermerëve.
[lsvr_gallery images=”3719,3720,3721″ items_per_row=”3″ masonry=”yes” click_action=”lightbox”]