Skip to content Skip to left sidebar Skip to footer

Month: May 2016

TË MOS HARROJMË SE NGA VIJMË

Vërtetë të mos harrojmë se nga vijmë, se pastaj nuk dimë se ku shkojmë. Ky është lejtmotivi apo mesazhi që përcillet në një takim të përvitshëm në bujtinën e inxh. Vangjel Prifti ne Marinez. Edhe kjo e dielë sot më datë 29 maj 2016 kaloi me mbresa ta rralla nga ky takim. Një ftesë verbale bashkë me kryetaren e bashkisë zj. Majlinda BUFI dhe kryetarin e fshatit Haxhi Ruko na çoi në këtë takim. Por befasia i kaloi pritshmëritë. Historia e një fisi nuk qenka “pronë” vetëm e këtij fisi. Aty u njohëm me trungun nga kanë dalë degët e një fisi tashmë të madh. Mbledhja cdo vit e familjeve PRIFTI në këtë bujtinë tregon edhe për trashëgiminë kulturore. Një përshëndetje speciale bëri edhe zj. Majlinda Bufi.
Edhe pse e dielë si ditë pushimi, mësuam më shumë se kaq. Falenderojmë çiftin mikpritës Vangjel e Zana Prifti.

[lsvr_gallery images=”1656,1657,1658,1659,1660,1661,1662,1663,1664,1665,1666,1667,1668,1669,1670,1671,1672,1673,1674,1675,1676,1677,1678,1679,1680,1681,1682,1683,1684,1685″ items_per_row=”4″ masonry=”yes” click_action=”lightbox”]

FUTBOLLI FILLOI, “RRUFEJA” DO GJËMOJË

Dje, ditën e shtunë datë 28 maj 2016 ishte një ditë historike për bashkinë e Roskovecit. Startoi kupa “24 Korriku” midis ekipeve të njësive administrative. Ishte fillimi i një ëndrre gati 30 vjecare
Shorti i hedhur disa ditë më parë vuri përballë ekipin e Roskovecit me atë të Kurjanit. Me një ceremoni modeste ekipet u rreshtuan të shoqëruar edhe nga fëmijët që luajnë në ekipet zinxhir.
Më pas u erdhi radha e fotografive zyrtare të të dy ekipeve dhe një të përbashkët ku e pranishme ishe dhe zj. Majlinda BUFI, kryetare e Bashkisë. Me duartrokitje u prit edhe një moment tjetër: në rrethin e mesit të fushës u rreshtuan në formë harku për të nderuar me një minutë heshtje ish-futbollistin e “RRUFESË” Dine Braho që ndërroi jetë para disa ditësh. Në shenjë nderimi për të ishte përgatitur edhe një fanelë simbol me mbishkrimin “Dine Braho jeton- Rrufeja”.
Zyrtarisht topin e parë e shkelmoi kryetarja e Bashkisë zj. Majlinda BUFI e cila përshëndeti të pranishmit e shumtë . Loja u zhvillua e bukur dhe tregoi rivalitet të plotë. Në përfundim fitues doli ekipi i Roskovecit me rezultatin 3-2. Më pas të dy ekipet kaluan se bashku disa momente miqësore e shlodhjeje ne një bar –kafe.
Ky është vetëm fillimi . Takimi tjetër do të jetë STRUMI – KUMANI që do të luhet në fushën e bukur të SUK-1. Në ditët në vijim do të ketë edhe një tjetër fotoreportazh nga ky event historik.
[lsvr_gallery images=”1633,1634,1635,1636,1637,1638,1639,1640,1641,1642,1643,1644,1645,1646,1647,1648,1649,1650,1651,1652,1653″ items_per_row=”4″ masonry=”yes” click_action=”lightbox”]

TAKIM PËR ARSIMIN PROFESIONAL

Ditën e mërkurë më datë 25 maj 2016 në sallën e Pallatit të Kulturës Roskovec u zhvillua një takim sensibilizues dhe informuas me nxënës të klasave të 9-ta që të Roskovecit. Në këtë takim morën pjesë kryetarja e Bashkisë Roskovec zj. Majlinda BUFI, drejtori i Drejtorisë Arsimore Fier z. Shkëlqim Allkaj, mësues e specialist të arsimit.
Takimi u përqëndrua në idenë që nxënësit të zgjedhin arsimin profesional e kryesisht shkollën “Rakip Kryeziu” që ka në bazë drejtimin bujqësor e blegtoral sepse edhe zona jonë ka shumë nevojë për specialistë të kësaj fushe. Në këtë takim z. Shkëlqim dha informacione me interes për degët agronomi, zootekni, menazher dhe agrobiznes etj. si dhe bëri të ditur se diplomat për këto degë njohen në vendet e BE pasi shkolla është e certifikuar.
Gjithashtu ai deklaroi se për këto degë do të jepen edhe bursa falas nga shteti.
Të gjithë nxënësit shprehën interes për këto degë.
Gjithashtu foli edhe zj. Majlinda BUFI

[lsvr_gallery images=”1623,1624,1625,1626,1627,1628,1629″ items_per_row=”4″ masonry=”yes” click_action=”lightbox”]

PASTROHEN DHE SISTEMOHEN KANALET

Këto ditë vazhdon puna për pastrimin dhe sistemimin e kanaleve ujitës dhe kullues në fshati Arapaj të Njësisë Administrative Strum. Këto kanale që i kishin mbulluar ferrat dhe shkurret, tani do të jenë funksional. Gjithashtu në disa vendkalime po behen edhe tumbinot e betonit. Ditën e mërkurë më datë 25 maj këto punime i inspektoi edhe kryetarja e Bashkisë zj. Majlinda BUFI. Fotoreportazhi percjell pamjet nga këto punime.
[lsvr_gallery images=”1611,1612,1613,1614,1615,1616,1617,1618,1619″ items_per_row=”4″ masonry=”yes” click_action=”lightbox”]

NJË FITORE, NJË DHURATË

Dje ditën e hënë ekipi U-15 që drejton trajneri i pasionuar Eldison Kapo zhvilloi takimin e radhës me bashkëmoshatarët e tyre të Dragotit Elbasan. Me kohë fusha jonë e dashur ishte vizuar, ishin vënë edhe rrjetat e reja. Interesim i madh. Pjesa e parë u mbyll me rrjeta të pastra O-O.
Kurse pjesa e dytë filloi me sulme të organizuara nga të dyja palët. Por roskovecarët e vegjël u treguan më të kujdesshëm dhe që në minutat e para të pjesës së dytë shënojnë një gol të bukur. Ndërsa goli i dytë vjen pas një goditjeje të fortë. Portjeri mik nuk mundi ta presë e topi kthehet.
Një sulmues i Roskovecit nuk e kishte të vështirë ta çonte në rrjetë. E gjithë ndeshja u mbyll me rezultatin e pastër 3-O. Bravo çuna dhe mos harroni se në shpinë mbani emrin e ndritur RRUFEJA.
Ky takim ishte një nisje e bukur e sezonit futbollistik. Të shtunën më 28 maj fillon kupa “24 Korriku” që do t’i japë një shtyjtje lëvizjes sportive në Bashkinë e Roskovecit.
[lsvr_gallery images=”1596,1597,1598,1599,1600,1601″ items_per_row=”3″ masonry=”yes” click_action=”lightbox”]

TAKIM ME TALENTET

Sot me 23 maj 2016 tek biblioteka e qytetit në Pallatin e Kulturës Roskovec u organizua një ceremoni modeste me titull “Takim me talentet”. Në këtë aktivitet morën pjesë nxënës, mësues, prindër, botues, etj.
Mori pjesë dhe përshëndeti zëvendëskryetari i Bashkisë Roskovec z. Afrim Plaka.
Programin e aktivitetit e çeli promovimi i librit “Korçarja e vogël” me autore Stelina Myftarago, e cila është nxënëse në shkollën “Alush Grepcka”. Moderatorja e aktivitetit dhe punonjese në bibliotekë znj. Elfrida Goga foli rreth jetës së autores. Ndërsa vetë Stelina foli për procesin krijues, për hapat e parë në rrugën e bukur të krijimtarisë. Drejtori i Kulturës Thoma Goga në diskutimin e tij, vlerësoi shumë poezitë e Stelinës për figuracionin, tematikën, lirshmërinë e vargjeve. Disa nga shoqet e autores recituan poezi të zgjedhura.
Pastaj u prezantua gazeta që doli në shkollën “Sabri Refiti” të Ngjeqarit. Gazeta mban titullin “MIMOZAT”. Kjo gazetë e bërë nga vetë nxënësit e kësaj shkolle sjell një risi, freski dhe pasqyron edhe jetën në një fshat të largët sic është Ngjeqari. Mësuesja e talentuar Juli Myftari bëri një ekspoze të përmbajtjes dhe autorëve që ishin edhe të pranishëm.
Dy gjimnazistet Ana Kuqo dhe Bleona Sina folën për pasionin e tyre; e para për aktrim dhe e dyta në fushën e muzikës.
Dhe në fund një fitimtare; Nikita Kola që së bashku me vëllain dhe motrën e saj kanë fituar kohët e fundit një kupë në kompeticionet kombëtare.
Pallati I Kulturës do të organizojë edhe takime të tjera për të tjerë talente që sot nuk kishin mundësi të vinin. Të gjithë talenteve u urojmë suksese.
[lsvr_gallery images=”1579,1580,1581,1582,1583,1584,1585,1586,1587,1588,1589,1590,1591,1592,1593″ items_per_row=”4″ masonry=”yes” click_action=”lightbox”]

AKSION SENSIBILIZUES

Në kuadrin e nismës “Qytetet e gjelbërta” edhe Bashkia Roskovec, në zbatim edhe të programit të shpallur, u përfshi në aksionin sensibilizues “Ta Pastrojmë Shqipërinë në një ditë”.
Punonjës të administratës, nxënës e mësues, intelektualë si dhe punonjës të sektorit të pastrimit të qytetit dolën nëpër rrugë, nxënësit e shkollave në mbediset që kanë pranë dhe zhvilluan një aksion model. Fotoreportazhi i radhës transmeton mesazhin e ruajtjes dhe mirëmbajtjes së mjediseve ku jetojmë.
Disa nga fotot janë fiksuar në rrugë, disa në shkollat “Adem Vrapi” e “Alush Grepcka” Roskovec, Ajet Toska në Suk -2, “Jashar Muhameti” në Vlosh, “Didin Bishani” në Kurjan, “Sabri Refiti” Ngjeqar etj.
[lsvr_gallery images=”1495,1496,1497,1498,1499,1500,1501,1502,1503,1504,1505,1506″ items_per_row=”4″ masonry=”yes” click_action=”lightbox”]

FUTBOLL – Kupa “24 Korriku”

Dje më datë 17 maj 2016 në Pallatin e Kulturës u zhvillua një ceremoni modeste sportive. Në këtë aktivitet merrnin pjesë përfaqësues nga njësitë administrative, sportdashës, drejtues dhe trajner ekipesh, nga shoqata RRUFEJA etj.
Ndodhej edhe zëvendëskryetari i Bashkisë Roskovec z. Afrim Plaka i cili përshëndeti edhe në emër të kryetares zj. Majlinda BUFI. Pastaj ai zbuloi kupën që mori emrin “24 Korriku”. Më pas u hodh një short për zgjedhjen e fanelave sipas ngjyrave. Katër futbollistë të vegjël mbanin veshur fanelat që u ekspozuan para publikut.
Drejtori i Kulturës Thoma Goga bëri publik edhe tekstin e hymnit RRUFEJA që do të kompozohet dhe do të transmetohet në ditën e festës 24 Korrik. Moderatorja e talentuar Stelina Myftarago, nxënëse në shkollën “Alush Grepcka”, zbuloi përmes një shorti me gogla takimet e para të kupës “24 Korriku”.
Këto takime që do të fillojnë më datë 28 maj 2016 do të përfundojnë me një finale në datë 24 korrik, ditën e festës së Bashkisë Roskovec midis ekipit që zë vendin e parë dhe atij të vendit të dytë. Në përfundim dy talentet e karatesë Nikita dhe Emanuel Kola, që kanë fituar një kupë në kompeticionet kombëtare, demonstruan numra karateje që u duartrokitën nga spektatorët.
Kurse sot më datë 18 maj 2016 një përfaqësi e komunitetit sportiv I dorëzoi zj. Majlinda BUFI fanelën me numrin 10 dhe emrin simbolik RRUFEJA.
Më poshtë po japim kalendarin e ndeshjeve deri në përfundim:

KALENDARI I NDESHJEVE TE FUTBOLLIT
– Dita e parë- 28 maj ora 17.oo
Roskoveci- Kurjani
– Dita e dytë- 4 qershor ora 17.oo
Strumi – Kumani
– Dita e tretë- 11 qershor ora 17.oo
Strumi- Kurjani
– Dita e katërt- 18 qershor ora 17.oo
Roskoveci – Strumi
– Dita e pestë- 25 qershor ora 17.oo
Kurjani – Kumani
– Dita e gjashtë – 2 korrik, ora 17.oo
Roskoveci – Kumani
– Ekipi që zë më shumë pikë zhvillon një ndeshje finale me ekipin e vendit të dytë
– Ndeshja finale do të zhvillohet në ditën e festës, më datë 24 korrik në Roskovec , ora 17.oo
– Nga kjo kupë do të mblidhen elementët më të mirë për të formuar ekipin RRUFEJA……

[lsvr_gallery images=”1475,1476,1477,1478,1479,1480,1481,1482,1483,1484,1485,1486,1487,1488,1489,1490,1491,1492″ items_per_row=”4″ masonry=”yes” click_action=”lightbox”]

ROSKOVECI NË REVISTËN “TRAVEL

Këto ditë doli nga shtypi revista prestigjoze TRAVEL e cila promovon vlera interesante në treva të ndryshme të vendit tonë që tërheqin vëmendjen e turistave të huaj dhe vendas. Kjo revistë, që shpërndahet në të gjitha trevat shqipfolëse të rajonit ballkanik e më gjerë, i kushtoi vëmendje të madhe edhe Roskovecit.
[lsvr_gallery images=”1470,1471″ items_per_row=”2″ masonry=”yes” click_action=”lightbox”]

BRIGADA E GJELBËRIMIT NË LËVIZJE

Në shërbim të gjelbërimit, në shërbim të komunitetit- kjo është motoja e punës për brigadën e gjelbërimit që drejton z. Renato Bane. Që herët në mëngjes bëhet shpërndarja e detyrave. Vetë punonjësit janë të interesuar që të mirëmbajnë në vijëmësi sipërfaqet e gjëlbëruara nga ata vetë. Në fund të fundit puna e tyre vlerësohet nga komuniteti. Fotoreportazhi tregon një ditë punë nga kjo brigadë.
[lsvr_gallery images=”1461,1462,1463,1464,1465,1466″ items_per_row=”3″ masonry=”yes” click_action=”lightbox”]

Facebook
Facebook