Bashkia

Sot në Pallatin e Kulturës, bashkia Roskovec organizoi sot një aktivitet festiv për nxënësit me rezultate të shkëlqyera. Si asnjëherë më parë u krijua një atmosferë vërtet festive. Fëmijët e shkollave 9- vjeçare dhe të mesme të bashkisë Roskovec ishin protagonistët e një koncerti me këngë, recitime dhe mesazhe të ngrohta e të sinqerta urimi për Krishtlindjet dhe Vitin e Ri.
Me iniciativën e Kryetares së bashkisë znj. Majlinda Bufi dhe organizimin e Përgjegjësit të Pallatit të Kulturës z. Thoma Goga , Përgjegjësit të Arsimit z. Ervin Agaçi, nxënësve të dalluar të shkollave të bashkisë i’u shpërndanë dhurata për përkushtimin e tyre në mësime.
I pranishëm në këtë aktivitet ishte dhe Drejtori i Drejtorisë Arsimore Rajonale Fier z. Shkelqim Allkaj.
Kryebashkiakia falenderoi më mirënjohje të thellë këta nxënës të cilët na nderojnë me rezultatet dhe sjelljet e tyre.
Znj. Bufi shprehu se të ndodhesh mes fëmijëve është mrekulli nga më sublimet.
Çfarëdo t’iu dhurosh nuk ka të krahasuar me atë ç’ka merr nga ata……buzëqeshje dhe dashuri.
[lsvr_gallery images=”6944,6945,6946,6947,6948,6949,6950,6951″ items_per_row=”4″ masonry=”yes” click_action=”lightbox”]

Sot më shumë se çdo ditë tjetër, vogëlushët e kopshteve ndjen atmosferën e festave të fundvitit.
Me iniciativën e veçantë të Kryetares së bashkisë znj. Majlinda Bufi dhe me financim të fondacionit “Fjala e Jetës” u shpërndanë 460 pakopër të gjithë fëmijët e kopshteve nën juridiksionin e bashkisë Roskovec.
N/ Kryetari i bashkisë z. Isa Hoxha, Përgjegjësi i Arsimit dhe Shëndetësisë z. Ervin Agaçi dhe përfaqësuesi i fondacionit “Fjala e Jetës” , asistuan gjatë shpërndarjes së dhuratave dhe ishin ata të cilët ndjen në mënyrë të drejtëpërdrejtë gëzimin dhe lumturinë e fëmijëve.
Një falenderim i veçantë i shkon Kryebashkiakes znj. Bufi e cila është gjithmonë e gatshme për gjetjen e donatorëve dhe gjithmonë e pranishme për ti lumturuar ditët e këtyre vogëlushëve të cilët janë e ardhmja jonë. 
Mirënjohje fondacionit “Fjala e Jetës” për donacionin e realizuar.
[lsvr_gallery images=”6954,6955,6956,6957″ items_per_row=”4″ masonry=”yes” click_action=”lightbox”]

Ditën e djeshme, më datë 20 dhjetor, në sallën e mbledhjeve të Këshillit u mblodh Komisioni Ekonomik i Buxhetit dhe Komisioni për Zhvillimin e Urbanistikës dhe Ndërtimet.
Në këtë takim u diskutua rreth rendit të ditës të mbledhjes së fundit të Këshillit Bashkiak për e cila do të zhvillohet ditën e premte, ora 15:00.
Pikat më kryesore të cilat u diskutuan ishin:
– Projekt buxheti i bashkisë Roskovec për vitin 2018
– Numri maksimal i punonjësve në bashki.
[lsvr_gallery images=”6960,6961,6962,6963″ items_per_row=”4″ masonry=”yes” click_action=”lightbox”]

Përmirësimi i infrastrukturës rrugore jo vetëm segmentet kryesore por dhe ato dytësore ka qënë dhe mbetet një nga prioritetet kryesore të bashkisë Roskovec.
Sot po punohet në rrugën ” Qazim Hoxha”.
Pas kanalizimeve, ndërtimit të trotuatit dhe krijimit të hapësirave publike për të gjithë banorët e asaj zone, ka filluar shtrimi me çakull, për tu pasuar nga asfalitimi i saj.
Kështu i japim zgjidhje përfundimtare problemeve të banorëve në rrugën “Qazim Hoxha”.
[lsvr_gallery images=”6791,6792,6793,6794″ items_per_row=”4″ masonry=”yes” click_action=”lightbox”]

Sot më datë 11 Dhjetor, pranë Pallatit të Kulturës, u zhvillua takimi i organizuar nga Youth Act dhe Bashkia Roskovec, në kuadër të projektit “ SociAL Qendër Komunitare”. Të pranishëm në këtë takim ishin përfaqësues të Youth Act, të rinj dhe të reja të cilët shfaqën interes të madh mbi çka u diskutua në këtë takim. Temat e trajtuara në këtë takim ishin kryesisht sociale dhe problematikat reale që hasen gjatë përditshmërisë.
Të informosh, integrosh dhe të rrisësh kapacitetin e këtyre të rinjëve, do të thotë se ke realizuar një investim shumë të madh për të ardhmen e vendit.
Sepse këta të rinj janë e ardhmja jonë.
[lsvr_gallery images=”6806,6807,6808,6809,6810,6811,6812,6813″ items_per_row=”4″ masonry=”yes” click_action=”lightbox”]

Puna e mirë e bashkisë Roskovec në rehabilitimin e kanaleve kullues në të gjithë territorin e bashkisë, ishte e dukshme në periudhën me rreshjeve të dendura shiu që sapo kaluam. 
Por puna jonë nuk ndal këtu.
 Sot jemi në Arapaj duke punuar në kanalin kullues K 349.
Në Arapaj sot, nesër tjetër kund.
[lsvr_gallery images=”6821,6820,6819,6818,6817,6816″ items_per_row=”4″ masonry=”yes” click_action=”lightbox”]  

“NJERIU I VITIT 2017”
Bashkia Roskovec organizon për herë të dytë aktivitetin “ Njeriu i Vitit 2017”. Këto janë çmime të përvitëshme të cilat do tu jepen figurave më përfaqësuese, që kanë kontribute të veçanta në fusha të ndryshme të jetës.
Për të bërë një zgjedhje sa më objektive, të gjithë banorët e bashkisë Roskovec janë të lutur dhe të lirë të japin propozimet e tyre për “Njeriu i Vitit 2017”, në stendat dhe kutitë e vendosura pranë : Bashkisë Roskovec dhe Njësive Administrative Kuman, Kurjan, Strum.
Votimi fillon sot më datë 7 Dhjetor dhe mbyllet në datën 15 Dhjetor.
Bëhuni pjesë e këtij votimi!
Kujdes! Votohet vetëm NJË herë!

Edhe në qytetin tonë ka nisur të ndihet “aroma” e Krishtlindjeve.
Tradita nuk harrohet as në Roskovec. 6 dhjetori është dita kur përkujtohet Shën Nikolla dhe zbukurohet pema e Krishtlindjeve, një nga zakonet më të përhapura të Krishtlindjeve, duke shënuar kështu fillimin “zyrtar” të festave të fundvitit.
Prej pak ditësh në qytet është ndjerë “aroma” e Krishtlindjeve. Shumë nga dyqanet e qytetit, që në fund të muajit nëntor, i kanë kthyer bizneset e tyre në tregtime mallrash festive . Të shumta janë edhe reklamat në rrugë të cilat i shtohen atmosferës festive me muzikën e Krishtlindjeve.
Së fundi edhe Roskoveci po shkëlqen nga dritat e Pemës së Krishtlindjeve.
Dritat festive të qytetit u ndezën.
I pranishëm në momentin e ndezjes së dritave ishte N/ Kryetari i bashkisë Roskovec z. Isa Hoxha. Emocionet më të mëdhaja i ndjenin fëmijët e vegjël që prisnin me padurim shkëlqimin e pemës.
[lsvr_gallery images=”6832,6833,6834,6835,6836,6837″ items_per_row=”4″ masonry=”yes” click_action=”lightbox”]

Pranë Pallatit të Kulturës, sot u zhvillua takimi me Organizatat e Shoqërisë Civile OSHC të cilat operojnë jo vetëm në territorin e bashkisë Roskovec. Ky takim u organizua në kuadër projektit “ReLOaD” i cili financohet prej Bashkimit Europian dhe në partneritet midis Programit të Kombeve të Bashkuara për Zhvillim ( PNUD) dhe bashkisë Roskovec. Të pranishëm në takim ishin Kryetarja e bashkisë znj. Majlinda Bufi, znj. Misela Dervishi dhe znj. Eglantina Gollaj përfaqësuese të stafit të projektit ReLOad, përfaqësues të organizatave të ndryshme si “ Gruaja, Komuniteti dhe Mjedisi”, “Qendra Sociale Murialdo”, “Enigm-Project Coordinator”, Shoqata “Njerëzit të Parët” dhe staf i administratës.
Gjatë këtij takim u diskutua mbi përzgjedhjen e prioriteteve për Thirrjen e Parë #1 që do të lançohet prej bashkisë Roskovec së shpejti.
[lsvr_gallery images=”6840,6841,6842,6843,6844,6845,6846″ items_per_row=”4″ masonry=”yes” click_action=”lightbox”]