Month: March 2026

Në mbështetje të Ligjit nr. 139/2015, datë 17.12.2015 “Për vetëqeverisjen vendore”, neni 8, pika 2; Ligjit nr. 24/2017 “Për administrimin e ujitjes dhe kullimit”; Ligjit nr. 89/2022 “Për Policinë Bashkiake”; Ligjit nr. 10 279, datë 20.05.2010 “Për kundërvajtjet administrative”; Ligjit nr. 9632, datë 30.10.2006 “Për sistemin e taksave vendore”, i ndryshuar; Ligjit nr. 9920 “Për procedurat tatimore në Republikën e Shqipërisë”, i ndryshuar; si dhe Vendimit të Këshillit Bashkiak nr. 70, datë 24.12.2025 “Për miratimin e paketës fiskale për vitin 2026”:

I. Bashkia ka vendosur të sistemojë dhe ristrukturojë mënyrën e vjeljes së tarifave të shërbimit të ujitjes, miratuar me Vendimin e Këshillit të Bashkisë nr. 70, datë 24.12.2025, “Për miratimin e paketës fiskale për vitin 2026”, Kreu II, pika 16/II.16 “Tarifa të tjera”, të gjitha këto tarifa ekzistuese.

II. Vjelja e detyrimeve:
▪️Struktura përgjegjëse për vjeljen e tarifës është Sektori i Ujitjes dhe Kullimit në Drejtorinë e Zhvillimit Rural, pranë Ndërmarrjes së Shërbimeve Publike.
▪️Punonjësit e autorizuar bëjnë llogaritjen e detyrimit dhe faturimin për çdo fermer,
▪️Punonjësit e faturimit orientojnë fermerët që pagesat t’i kryejnë:
pranë njësive administrative Kurjan, Kuman dhe Strum
ose në Postën Shqiptare ose sporteli në Sallën me një ndalesë Godina e e Bashkisë, për fermerët në Roskovec
▪️Informacioni mbi faturimet përcillet çdo ditë në Drejtorinë Ekonomike.
▪️Fermerët që nuk kanë shlyer detyrimet regjistrohen në listën e debitorëve dhe fillon mbledhja me forcë e detyrimit.

III. Afatet dhe penalitetet
Afati i shlyerjes së detyrimit është 30 ditë nga data e lëshimit të faturës.
Në rast vonese, aplikohet kamatëvonesë 0.5% në ditë, por jo më shumë se 10% e vlerës së faturës.

IV. Masat ndaj debitorëve
Në rast mospagese brenda 30 ditëve, Bashkia Roskovec ndërpret shërbimin e ujitjes.
Nëse edhe pas ndërprerjes së shërbimit detyrimi nuk shlyhet, vijon mbledhja me forcë sipas legjislacionit për procedurat tatimore.

V. Konstatimi i kundërvajtjeve
Në rast se fermeri vijon në mënyrë të paligjshme përdorimin e ujitjes edhe pas ndërprerjes së shërbimit:
Policia Bashkiake, në mbështetje të Ligjit nr. 89/2022 “Për Policinë Bashkiake”, kryen:
▪️verifikimin e identitetit
▪️procedurat administrative përkatëse
▪️mbajtjen e procesverbalit të kundërvajtjes
▪️Vendoset gjobë sipas përcaktimeve të paketës fiskale.
▪️Personi njoftohet zyrtarisht me shkresë.
▪️Çdo konstatim shoqërohet me:
▪️procesverbal të firmosur
▪️dokumentim fotografik

U zhvillua takimi i tretë informues me bizneset vendase në kuadër të thirrjes për bashkëfinancim
Në vijim të nismës “Qeverisje e mirë nëpërmjet projekteve me bashkëfinancim”, Bashkia Roskovec zhvilloi takimin e tretë informues me përfaqësues të bizneseve vendase, me synim informimin e tyre mbi thirrjen për aplikim, dokumentacionin përkatës dhe mundësitë për përfshirje në iniciativa me interes për komunitetin.
Gjatë takimit, pjesëmarrësit u njohën më nga afër me konceptin e bashkëfinancimit dhe me disa nga idetë për projekte konkrete të propozuara në takimet e mëparshme me grupe të tjera interesi në komunitet. Diskutimet u fokusuan në rëndësinë e bashkëpunimit ndërmjet bashkisë dhe sektorit privat për përmirësimin e infrastrukturës lokale, rritjen e cilësisë së jetesës dhe mbështetjen e zhvillimit të qëndrueshëm në komunitet.
Në fjalën e saj, Kryetarja e Bashkisë Roskovec, znj. Majlinda Bufi, falënderoi bizneset pjesëmarrëse për interesin dhe angazhimin, duke theksuar se kjo nismë përfaqëson një mundësi konkrete për sektorin privat lokal për të kontribuar drejtpërdrejt në zhvillimin e komunitetit.
Takimi përmbyllës do të zhvillohet më 26 mars 2026.
Formulari i aplikimit dhe dokumentacioni përkatës janë publikuar në faqen zyrtare të Bashkisë Roskovec.
Afati i fundit për aplikim: 31.03.2026

Në kuadër të thirrjes për projekte “Qeverisje e mirë nëpërmjet projekteve me bashkëfinancim”, Bashkia Roskovec, përmes grupit të punës, organizoi takimin e dytë informues me komunitetin. Takimet u zhvilluan në Lagjen Nr. 1, rruga “Selim Çepelë”, Roskovec dhe në Lagjen e Komunitetit Rom, rruga e Liqenit të Kurjanit.

Takimet u karakterizuan nga pjesëmarrje e mirë dhe angazhim aktiv i qytetarëve, të cilët shprehën interes për t’u informuar mbi kushtet dhe procedurat e aplikimit në këtë thirrje. Diskutimet u fokusuan në rëndësinë e përfshirjes së komunitetit në vendimmarrje dhe në mundësitë konkrete që ofron skema e bashkëfinancimit për përmirësimin e infrastrukturës dhe shërbimeve lokale.

Gjatë takimeve, qytetarët propozuan dy ide konkrete projektesh: ndërtimin e një sheshi lojërash për fëmijë nga banorët e Lagjes Nr. 1 dhe përmirësimin e rrugës dhe ndriçimit publik në Lagjen e Komunitetit Rom. Po ashtu, pjesëmarrësit u dakordësuan për përfaqësuesit që do të aplikojnë në emër të komunitetit.

Në emër të grupit të punës, Sekretarja e Përgjithshme e Bashkisë Roskovec, znj. Delina Hoxha, dhe Drejtoresha e Departamentit të Financës, znj. Orgesa Goga, iu përgjigjën pyetjeve të qytetarëve dhe ofruan sqarime të detajuara mbi aspektet teknike të bashkëfinancimit dhe procesin e aplikimit.

Gatishmëria e qytetarëve për të kontribuar në natyrë në të dy lagjet dëshmon një nivel të lartë angazhimi dhe përgjegjësie komunitare, duke krijuar një bazë të fortë për zbatimin e projekteve të përbashkëta.

Në vijim të këtij procesi, grupi i punës ka planifikuar zhvillimin e takimit të radhës informues më 24 mars 2026 me përfaqësues të bizneseve në Bashkinë Roskovec, si dhe vijimin e takimeve të tjera me komunitetin për të nxitur pjesëmarrjen dhe aplikimin në këtë thirrje.

The Municipality of Roskovec is launching a Call for Proposals and invites civil society organizations (CSOs), community groups, youth organizations, and legally registered non-profit entities to apply for funding.

This call aims to support initiatives that contribute to:

• Strengthening good governanceat the local level
• Enhancing transparency and accountabilityin public decision-making
• Promoting active citizen participationand community engagement

Eligible applicants must be resident and operating within the territory of the Municipality of Roskovec.

Application Deadline:  31 March 2026, 16:00 (local time)

Applications submitted after the deadline will be automatically rejected.

Application Documents

Applicants are required to duly complete and submit the following documents: download here👇

1. Guidelines for Applicants
2. Application Form
3. Budget Form
4. Self-Declaration Form

 Submission Procedures: Applications may be submitted through one of the following methods:

By post or in person:
Municipality of Roskovec
Protocol Office

By email:
info@bashkiaroskovec.gov.al

U zhvillua takimi informues me temë: “Qeverisje e mirë përmes pjesëmarrjes aktive në bashkëfinancimin e projekteve”.
Gjatë këtij takimi, Kryebashkiakja e Bashkisë Roskovec, znj. Majlinda Bufi, prezantoi nismën e re që bashkia po ndërmerr për forcimin e qeverisjes së mirë përmes zbatimit të projekteve me bashkëfinancim me komunitetin.
Znj. Delina Hoxha, në cilësinë e Sekretares së Përgjithshme të Bashkisë dhe Kryetares së Grupit të Punës, prezantoi në mënyrë të detajuar udhëzuesin e thirrjes, duke shpjeguar objektivin e nismës, grupet e targetuara, fondin financiar të vënë në dispozicion nga bashkia, si dhe kufijtë minimal dhe maksimal të bashkëfinancimit nga komuniteti, përkatësisht nga 5% deri në 7% të vlerës së projektit. Udhëzuesin mund ta gjeni këtu: Udhëzues për Aplikantët

Më tej, znj. Orgesa Goga, Drejtore e Departamentit Ekonomik, prezantoi formularët dhe dokumentacionin e nevojshëm që duhet të plotësohet nga aplikantët.
Takimi u karakterizua nga interes dhe diskutime nga pjesëmarrësit, të cilët ndanë komente dhe pyetje lidhur me procesin e aplikimit. Gjithashtu, ata u informuan për organizimin e takimit të radhës informues në vijim të kësaj thirrjeje.
Pjesëmarrja e Kryetarit të Këshillit Bashkiak z.Afrim Plaka, në këtë takim përbën një tregues të mbështetjes institucionale dhe të angazhimit të përbashkët për ta kthyer këtë nismë në një histori suksesi për Bashkinë Roskovec

Bashkia Roskovec fton organizatat e shoqërisë civile, grupet komunitare, organizatat rinore dhe subjektet jofitimprurëse të regjistruara ligjërisht të aplikojnë për projekte që synojnë forcimin e qeverisjes së mirë, rritjen e transparencës dhe promovimin e pjesëmarrjes aktive të qytetarëve në vendimmarrje. (të gjithë duhet të jenë rezidente të Bashkisë Roskovec).
Afati i fundit për dorëzimin e aplikimeve: 31 mars 2026, ora 16:00
Aplikimet e dorëzuara pas këtij afati nuk do të shqyrtohen.

📄 Dokumentet e Aplikimit: Shkarko këtu👇

1. Udhëzues për Aplikantët
2. Formulari i Aplikimit
3. Formulari i Buxhetit
4. Formulari i Vetëdeklarimit

Mënyra e Aplikimit:
Aplikimi mund të dorëzohet nëpërmjet sistemit të postës ose direkt në adresën:
Bashkia Roskovec ( Zyra e Protokollit)

info@bashkiaroskovec.gov.al

Bashkia Roskovec hap thirrjet për aplikim në Edicionin e Dytë të Festivalit “Roma Romale II” i cili do të zhvillohet më 9 prill, në kuadër  të Ditës Ndërkombëtare të Romëve

Pjesëmarrësit do të kenë mundësinë të konkurrojnë për çmimet monetare:
100,000 Lekë – Çmimi i Parë
50,000 Lekë – Çmimi i Dytë
25,000 Lekë – Çmimi i Tretë

 Data e festivalit: 9 Prill 2026
Vendi: Roskovec
Afati i fundit për aplikim dhe dërgimin e materialeve (video e performances): 15 Mars 2026

 Të gjithë artistët dhe grupet e interesuara janë të ftuar të aplikojnë. Përzgjedhja bëhet nga një Komision Vlerësimi i specialistëve të artit dhe kulturës.

Aplikoni tani:  Formulari për Aplikim

Për më shumë informacion: 068 37 92 925 |  info@bashkiaroskovec.gov.al

 Bashkohuni me ne për të festuar artin dhe kulturën Rome!