Njoftohen të gjithë qytetarët e bashkisë Roskovec se nesër do të zhvillohen dëgjesat dhe konsultimet publike për prezantimin e planit të investimeve dhe të paketës fiskale të bashkisë Roskovec, për vitin 2018.
Lutemi për pjesëmarrjen tuaj!
Bashkia Roskovec , ka detyrimin të marrë në konsideratë idetë dhe mendimet tuaja për zhvillimin e qytetit tonë.
Ju falenderojmë për bashkëpunimin!
Në kuadër të projektit ReLOaD, i cili financohet prej Bashkimit Europian dhe në partneritet midis Programit të Kombeve të Bashkuara për Zhvillim ( PNUD) dhe Bashkisë Roskovec ju ftojmë më datë 21.11.2017, ora 10:00 pranë ambienteve të “ Pallatit të Kulturës” Roskovec të bëheni pjesë e “ Dëgjesës Publike”, gjatë të cilës mund të shprehni mendimet dhe idetë tuaja në lidhje më çështje dhe problematika të ndryshme sociale.
Mendimi juaj është shumë i rëndësishëm për ne, pasi vetëm duke njohur realisht sfidat mund të krijojmë ide dhe të gjejmë një zgjidhje konkrete në të mirën e përbashkët.
Mos mungoni!
FAZA II
BUXHETIMI ME PJESËMARRJE 2018
Ditën e mërkurë , më datë 08.11. 2017, ora 14:00, pranë ambienteve të Pallatit të Kulturës do të zhvillohet Faza II e vlerësimit të prioriteteve për nismën e iniciuar për herë të parë nga bashkia Roskovec “Buxhetimi me Pjesëmarrje 2018”.
Ftojmë çdo të interesuar të bëhet pjesë!
Ditën e shtunë, më datë 28.10.2017, ora 10:00, pranë Pallatit të Kulturës, bashkia Roskovec në bashkëpunim me Ambasadën Zviceriane, Shoqatën Njerëzit të Parët , English Corner dhe Swiss Contact, organizon një takim me të gjithë ata individë të cilët janë të interesuar të ndërtojnë biznese të reja.
Çfarë nevojitet???
Ti sill idenë, ne e kthejmë në biznes.
Një mundësi shumë e mirë për të filluar ndryshimin.
Mos mungoni!
Njoftim për mbledhje!
Ju njoftojmë se ditën e hënë , datë 23. 10. 2017 ora 16:00, në sallën e mbledhjeve të Këshillit, do të zhvillohet mbledhja e Këshillit Bashkiak.
Ju rikujtojmë se mbledhjet e Këshillit Bashkiak janë të hapura dhe të interesuarit janë të ftuar të marrin pjesë!
#Informohu!
#Mbledhja_e_muajit
Ditën e mërkurë, më datë 04.10.2017, ora 12:30, pranë Pallatit të Kulturës Roskovec do të organizohet një takim prej Youth Act dhe bashkisë Roskovec në kuadër të projektit të financuar prej IADSA “ SociAL Qendër Komunitare”.
Disa prej temave që do trajtohen janë:
1. Demokracia dhe qeverisja e mirë
2. Të drejtat e njeriut
3. Mosdiskriminimi
4. Shërbimet dhe shtresat në nevojë.
Ju ftojmë të merrni pjesë!
Me mbështetjen e Ministrisë së Mjedisit, bashkia Roskovec do të organizoj një aktivitet në kuadër të Javës Europiane të Lëvisshmërisë , më datë 22.09.2017,
ora 12:00, në të cilën do të përfshihet një maratonë vrapimi nga kryqëzimi i Kurjanit deri te rrethrrotullimi “ Vajza Myzeqare ”.
Ju ftojmë të bëheni pjesë e këtij aktiviteti!
Njoftim për mbledhje!
Ju njoftojmë se ditën e martë , datë 26. 09. 2017 ora 15:00, në sallën e mbledhjeve të Këshillit, do të zhvillohet mbledhja e Këshillit Bashkiak.
Ju rikujtojmë se mbledhjet e Këshillit Bashkiak janë të hapura dhe të interesuarit janë të ftuar të marrin pjesë!
#Informohu!
#Mbledhja_e_muajit
