Author: bashkiaroskovec

Ju urojmë një fundjavë të këndshme me disa momente nga pasqyrimi i një takimi i cili i vjen në ndihmë të gjitha grupeve në nevojë.
Konsulencë ligjore falas.
Kjo ishte tema e drejtuar nga Elkida Shkopi me disa përfaqësues nga Bashkia Roskovec dhe nga komuniteti Rom dhe Egjiptian.
Një projekt ky si bashkëpunim i Programit të Kombeve të Bashkuara për Zhvillim ( UNDP), Ministrisë së Drejtësisë dhe Fondacionit Shqiptar për të Drejtat e Personave me Aftësi të Kufizuar, do ti vij në ndihmë komuniteteve në nevojë dhe të disavantazhuara, pakicave kombëtare dhe komuniteteve fetare, përmes shërbimeve ligjore falas.
[lsvr_gallery images=”8163,8164,8165,8167,8168″ items_per_row=”4″ masonry=”yes” click_action=”lightbox”]

Vazhdon puna për pastrimin e kanaleve kullues dhe vaditës.
Jemi në Njësinë Administrative Kuman, për të vijuar më pas në Njësitë e tjera.
Një punë që do të vazhdojë deri në rehabilitimin e plotë të të gjithë kanaleve kulluese dhe vaditëse, të përcaktuar sipas një axhende punimesh.
[lsvr_gallery images=”8171,8172,8173,8174″ items_per_row=”4″ masonry=”yes” click_action=”lightbox”]

Si asnjë herë tjetër skena e Pallatit të Kulturës Roskovec nuk ka patur kaq shumë artistë të vegjël dhe spektatorë të mëdhenj. Ishin prindërit dhe gjyshërit e vogëlushëve që ndiqnin këta artistë të mrekullueshëm. Kopshti i Roskovecit zhvilloi sot koncertin me rastin e 1 Qershorit – Festës së Fëmijëve.
Me këto aktivitete synohet kultivimi i vlerave kulturore dhe artistike.
Mbyllja e aktivitetit u realizua me shpërndarjen e çertifikatave për të gjithë fëmijët. Lumturia dhe emocionet dalloheshin lehtësisht në sytë e vogëlushëve.
Fotoreportazhi përciell momente nga festa.
#GëzuarFestënTëDashurVogëlush
[lsvr_gallery images=”8188,8187,8186,8185,8183,8182,8181,8180″ items_per_row=”4″ masonry=”yes” click_action=”lightbox”]

Premtim i mbajtur i Kryetares së Bashkisë zj. Majlinda Bufi, si një nevojë emergjente për banorët e zonës. 👏👏
Kjo rrugë jo vetëm do të shërbejë për komunitetin e fshatit Luar, por do të kontribuoj në kthimin e Luarit si një nga destinacionet turistike të Bashkisë Roskovec.✔
Kliko këtu për të lexuar lajmin

Në takimin e organizuar në Sallën e Këshillit Bashkiak ;
Bashkia Roskovec dhe Bashkia Kuçovë ;
me grupin ndërinstitucional të punës ;
në bazë të Urdhrit të K/Ministrit 2018 ☑️ për rritjen e mirëqënies së zonave të prapambetura të industrisë nxjerrëse.
Të pranishëm : zv/ Ministri i Infrastrukturës dhe Energjitikës z.Enis Aliko,
Drejtori i Hidrokarbureve pranë kësaj ministrie z. Ilia. Gjermani ,
Kryetari i Bashkisë Kuçovë z. Selfo Kapllani dhe Kryetarja zj. Majlinda Bufi
Në fjalën e saj Kryebashkiakja Bufi vuri theksin në rëndësinë që kanë takimet dhe konsultimet me grupet e interesit në këto zona si dhe propozimet konkrete për zgjidhjen e këtyre problemeve.
#TakimNdërInstitucional
#MinistriaInfrastrukturësEnergjitikë
#BashkiaRoskovec
[lsvr_gallery images=”8194″ items_per_row=”4″ masonry=”yes” click_action=”lightbox”]

Mes aktiviteteve të shumta të organizuara është përmbyllur sot Java Olimpike 2018, në shkollën “Alush Grepcka”, Roskovec. E pranishme në këtë aktivitet ishte dhe Kryetarja e Bashkisë znj. Majlinda Bufi, e cila mbajti një ligjëratë teorike ku prezantoi Lëvizjen Olimpike nëpër histori, prej themelimit deri në ditët e sotme.
Dhe, pas performancës praktike, nxënësve ju përcoll mesazhi për ringjalljen e Lëvizjes Olimpike dhe se qëllimi i festimit të Ditës Olimpike është promovimi i pjesëmarrjes së të gjithëve në sport, pavarësisht moshës, gjinisë dhe aftësive.
Krahas vrapimit, u organizuan edhe aktivitete tjera si promovimi i rëndësisë që gatimet e shtëpisë kanë për organizmin tonë, ashtu siç është shumë i rëndësishëm dhe aktiviteti fizik.
Sportistët e vegjël u falenderuan personalisht nga Kryebashkiakia e cila iu dha nga një çertifikatë për këto aktivietet që ata organizuan dhe mesazhin që ata perciellin tek çdo bashkëmoshatar i tyre.
[lsvr_gallery images=”8197,8198,8199,8200,8201,8202,8203,8204,8205,8206,8207″ items_per_row=”4″ masonry=”yes” click_action=”lightbox”]

Në kuadër të projektit Romacted, projekt i financuar nga Bashkimi Evropian, mbështetur nga Këshilli i Evropës dhe Ministria e Shëndetësisë dhe Mbrojtjes Sociale, u zhvillua ditën e sotme takimi me task forcën bashkiake.
Synimi i këtij projekti është qeverisja e mirë dhe fuqëzimi i komunitetit Rom në nivel lokal.
Tema e diskutimit të sotëm ishte mënyra e funksionimit të task-forcës dhe detyrat që ajo do ketë për të arritur rezultate pozitive nga ky projekt.
[lsvr_gallery images=”8237,8238,8239,8240,8241″ items_per_row=”4″ masonry=”yes” click_action=”lightbox”]

Ditën e mërkurë, datë 23 Maj, në mjediset e bibliotekës në Pallatin e Kulturës u zhvillua ceremonia për krijimin e degës së Federatës së Paqes. Në këtë ceremoni merrnin pjesë Kryetari i Federatës për Shqipërinë z. Gaqo Apostoli, sekretari përgjithshëm z. Gani Roshi, Kryetari i Këshillit Rajonal të kësaj federate z. Myzalejen Hoxha. E pranishme ishte dhe Kryetarja e Bashkisë Roskovec znj. Majlinda Bufi.
Ceremoninë e hapi z. Thoma Goga me cilësinë e titullit “Ambasador për Paqe”.
Pastaj përshëndeti znj. Majlinda Bufi e cila përgëzoi këtë nismë me vlera për gjithë komunitetin tonë. Në këtë ceremoni u bë një përmbledhje e veprimtarive që ka zhvilluar Federata Ndërkombëtare për Paqe në botë dhe në vendin tonë. Përshëndetën gjithashtu z. Gaqo Apostoli dhe Myzaljen Hoxha. яндекс. Pastaj morën titullin “Ambasador për Paqe” :
Mimoza Xhindi – mësuese në Roskovec
Kadri Hyskaj – Administrator i Përgjithshëm
Mystehak Haxhiaj – ish drejtues i Qeverisjes vendore
Refat Hyrija – ish drejtues i Kulturës Strum
Ermira Buzi – drejtore e shkollës Kurjan
Jorgo Begaj – President i shkollës “Goja e Artë”, Roskovec
Petro Kula – biznesmen, Pasticeri BLETA
Flamur Çepele – publicist
Hyqmet Sakaj- mësues veteran, Suk.
Tashmë Këshilli i Federatës për Paqe në Roskovec ka 13 anëtarë duke përfshirë edhe znj. Majlinda Bufi, z. Flamur Mato, z. Thoma Goga dhe z. Asqeri Ruko të cilët e kanë marrë këtë titull më herët.
Ky këshill zgjodhi si Kryetar z. Flamur Çepele dhe N/ Kryetarë znj. Mimoza Xhindi dhe z. Thoma Goga
Ceremonia u mbyll me një performancë të shkurtër aristike.
[lsvr_gallery images=”8244,8245,8246,8247,8248,8249,8250,8251,8252,8253,8254,8255,8256″ items_per_row=”4″ masonry=”yes” click_action=”lightbox”]

Punimet në kanalin kullues K252 janë drejt përfundimit.
Nga ky investim përfitojnë të gjitha parcelat bujqësore në të gjithë gjatësinë e këtij kanali, prej më shumë se 3.8 km.
#RipërtëritjeBujqësisë
[lsvr_gallery images=”8265,8266,8267,8268″ items_per_row=”4″ masonry=”yes” click_action=”lightbox”]