Skip to content Skip to left sidebar Skip to footer

Tag: Festa e Ullirit

FESTA E ULLIRIT

Me pjesëmarrjen e këngëtarit Petrit Lulo, Bashkia Roskovec nën kujdesin e veçantë të kryetares zj. Majlinda BUFI organizon më datë 27 tetor 2017 ora 10.00 , në kishën 700- vjeçare të Shën Kollit në Kurjan, FESTËN E ULLIRIT.
Në këtë festë do të ketë koncert me këngë e valle të zonës, pjesëmarrje nga grupet e njësive administrative, panair bujqesor-blegtoral, etj.
Ftojmë të gjithë bashkëqytetarët të marrin pjesë në këtë festë e cila është kthyer në traditë të përvitshme në bashkinë tonë.
Shumë surpriza na presin. 
Mos mungoni të shijoni bukuritë e natyrës që kjo zonë ofron!
[lsvr_gallery images=”6371,6372″ items_per_row=”4″ masonry=”yes” click_action=”lightbox”]  

ÇMIM I PARE NE NIVEL KOMBETAR

Sot Bashkia Roskovec ka fituar vendin e parë në nivel kombëtar në fushën e zhvillimit ekonomik. Ka qënë projekti i promovimit të vlerave të agroturizmit dhe jehona që mori “Festa e Ullirit” në Kurjan më 28 Tetor 2016 që i ka dhënë këtë vlerësim të çmuar bashkisë sonë.
DLDP – Decentralization Local Development Program është Programi i Decentralizimit financuar nga qeveria zvicerane , në bashkëpunim me ministrinë e pushtetit vendor . Ky çmim është dhënë sot pas konkursit të zhvilluar për praktikat më të mira të pushtetit vendor në nivel rajonal dhe kombëtar.
Kryetarja e bashkisë znj. Majlinda Bufi asistoi gjatë gjithë konkursit dhe sigurisht iu përgjigj çdo pyetje rreth projektit. Projekti u prezantua në mënyrë dinjitoze nga specialistja në drejtorinë e Urbanistikës znj.Kejsi Voli. Të pranishëm në këtë konkurs ishin edhe nënkryetarja e bashkisë znj. Bardha Begaj, drejtori i Artit dhe Kulturës z. Thoma Goga dhe drejtoresha e urbanistikës znj. Ejona Tyto.
Ky çmim është meritë i një viti të mbushur me punë.
 
[lsvr_gallery images=”3830,3831,3832,3833,3834,3835,3836″ items_per_row=”3″ masonry=”yes” click_action=”lightbox”]

KONKURSI RAJONAL – ÇMIMI I 2-të FESTA E ULLIRIT

Ditën e premte më datë 9 dhjetor 2016 në universitetitin e Vlorës u zhvillua konkursi rajonal midis 15 bashkive organizuar nga Agjensia Zhvillimit Rajonal Vlorë. Në këtë konkurs u paraqitën projektet dhe praktikat më të mira. Bashkia e Roskovecit paraqiti praktikën “FESTA E ULLIRIT- EFEKTET EKONOMIKE DHE NDIKIMI NË PRODHIME BIO TË ZONËS”.
Nga bashkia jonë morën pjesë zëvendëskryetarja Bardha Begaj, Drejtori i Artit dhe Kulturës Thoma Goga si dhe specialistja Kejsi Voli nga Drejtoria e Urbanistikës.
Para një jurie prestigjioze materialin e përgatitur e paraqiti z. Thoma Goga. Mënyra e përgatitjes si dhe stili artistik i prezantimit, krijuan emocione te veçanta. Ndoshta ishte vetë ajo festë e bukur jehona e së cilës vazhdon në median tone, që “mbërtheu” jurinë dhe të pranishmit e shumtë.
Në përfundim juria përzgjodhi 3 praktikat më të mira. Projekti ynë fitoi ÇMIMIN E DYTË dhe fitoi të drejtën që të paraqitet në Tiranë para autoriteteve të larta të qeverisjes së vendit. Ja pra, Roskoveci që dikur e anatemonin, e përbuznin, meriton një çmim dhe ua kalon bashkive më të njohura të vendit si Vlora, Saranda, Tepelena, Përmeti, Himara etj.
Pavarësisht nga ky çmim, grupi realizues, por mbi të gjitha stafi drejtues i Bashkisë me kryetare zj. Majlinda BUFI, tregon seriozitetitn e madh para komunitetit që i ka besuar qeverisjen vendore. Ky është ÇMIMI më i mirë që meriton një staf i tillë.
Po me këtë seriozitet dhe profesionalizëm ky projekt do të paraqitet edhe para autoriteteve kryesore të qeverisjes së vendit pas disa ditësh.
[lsvr_gallery images=”3760,3761,3762,3763″ items_per_row=”3″ masonry=”yes” click_action=”lightbox”]

BASHKIA NE FESTE

Në kishën 700 vjeçare të Shën Kollit, në fshatin Kurjan u zhvillua festa e shumëpritur e Ullirit. Një organizim i përsosur nga Bashkia Roskovec, me vëmendje të veçantë të kryetares së Bashkisë znj. Majlinda Bufi.  Në festë ishin të ftuar deputeti i zonës  z. Anduel Xhindi,  deputetja e Fierit znj. Antoneta Dhima, deputetja e Elbasanit znj. Evis Kushi, kryetarja e Bashkisë së Patosit znj. Rajmonda Balili, zv.ministri i Kulturës z. Zef Çuni.
Siç dhe ishte lajmëruar, s’mund të mungonin këngëtarët e afirmuar si  Kozma Dushi dhe Françesk Radi,pjemarrës të shumtë nga komuniteti, mësues dhe nxënës.
Festa ishte e mbushur me aktivitete të ndryshme  si paniri me prodhime bujqësor – blektorale, mbjellja e ullinjëve nga vetë kryetarja e Bashkisë znj. Majlinda Bufi, demostrimi i përfitimit të vajit me metodën e shtypjes me këmbë. Në panair  ishin të pranishëm dhe disa  nga pronarët e fabrikave të vajit dhe fermerë te ullirit.
Fotot e mëposhtme ju japin emocionet e krijuara nga kjo festë.
 
[lsvr_gallery images=”3520,3521,3522,3523,3524,3525,3526,3527,3528,3529,3530,3531,3532,3533,3534,3535,3536″ items_per_row=”4″ masonry=”yes” click_action=”lightbox”]

FESTA E ULLIRIT – FESTË POPULLORE

Me pjesëmarrjen e këngëtarëve Kozma DUSHI dhe Francesk RADI, Bashkia Roskovec nën kujdesin e veçantë të kryetares zj. Majlinda BUFI organizon më datë 28 tetor 2016 ora 10.oo, në kishën 700 vjeçare të Shën Kollit në Kurjan, FESTËN E ULLIRIT.
Në këtë festë do të ketë koncert nga këngëtarë të njohur, pjesëmarrje nga grupet e njësive administrative, panair bujqesor-blegtoral, mbjellje simbolike e ullirit etj.
Ftojmë të gjithë bashkëqytetarët të marrin pjesë në këtë festë popullore që zhvillohet për herë të parë në Bashkinë e Roskovecit dhe që do të kthehet në traditë të përvitshme.
BASHKËQYTETARË
Në koncert marrin pjesë këngëtarë të njohur si Kozma Dushi dhe Francesk Radi, grupet popullore nga zona jonë dhe surpriza të tjera.
Ejani të festojmë së bashku.
[lsvr_gallery images=”3491,3492,3493″ items_per_row=”3″ masonry=”yes” click_action=”lightbox”]

RRUGËS PËR NË KURJAN

Sot në fillim të javës në kuadër edhe të përgatittjeve për FESTËN E ULLIRIT duke shkuar për në Kurjan, pikërisht në kishën 700 vjecare të Shën Kollit, në rrugë pamë një skrep që pastronte vendin e mbetjeve urbane. Në krye të punës ishte përgjegjësi i sektorit të pastrimit zoti Fatjon Agaçi.
Një ndalesë tjetër ishte ajo tek fabrika e vajit që mban emrin “Maliq Hoxha”. Një impiant vërtetë modern ku gjeje klientë nga e gjithë zona. Aty gjetëm edhe zëvendëskryetarin Jorgo Begaj dhe administratorin Kadri Hyskaj që interesoheshin për pjesëmarrjen e kësaj fabrike në panairin që do të hapet më datë 28 tetor në festën e ullirit. Pronarët e fabrikës ishin të interesuar për këtë event dhe premtuan se do të jenë pjesë e festës.
Në majë të kodrës, aty ku kisha e Shën Kollit duket si një “Akropol” i vetetë,, punëtorët e njësisë administrative kishin filluar të rregullonin mjedisin brenda dhe rreth kësaj kishe 700 vjecare.
Ndiqni fotoreportazhin
[lsvr_gallery images=”3481,3482,3483,3484,3485,3486,3487″ items_per_row=”3″ masonry=”yes” click_action=”lightbox”]

FESTA E ULLIRIT – FESTË POPULLORE

Bashkia Roskovec nën kujdesin e veçantë të kryetares zj. Majlinda BUFI organizon më datë 28 tetor 2016 ora 10.oo, në kishën 700 vjeçare të Shën Kollit në Kurjan, FESTËN E ULLIRIT.
Në këtë festë do të ketë koncert nga këngëtarë të njohur, pjesëmarrje nga grupet e njësive administrative, panair bujqesor-blegtoral, mbjellje simbolike e ullirit etj.
Ftojmë të gjithë bashkëqytetarët të marrin pjesë në këtë festë popullore që zhvillohet për herë të parë në Bashkinë e Roskovecit dhe që do të kthehet në traditë të përvitshme.
Ejani të festojmë së bashku.

Facebook
Facebook