Komuniteti

Transparencë ndaj qytetarëve

Si çdo fillim jave dhe sot u zhvillua mbledhja e Kryetares së bashkisë Roskovec znj. Majlinda Bufi me N/ Kryetarët e Bashkisë, Administratorin e përgjithshëm, Administratorët e Njësive Administrative dhe drejtuesit e drejtorive. U diskutuan detyrat e përfunduara të caktuara nga java paraardhëse dhe problematikat qe hasen gjatë punëve të përditshme. Gjithashtu iu caktuan gjithësecilit detyrat që duhen zbatuar për këtë javë.
#Transparencë_ndaj_komunitetit
#Bashkia_Roskovec
[lsvr_gallery images=”6222,6223,6224,6225,6226,6227″ items_per_row=”4″ masonry=”yes” click_action=”lightbox”]

Dëgjesa Publike Vlosh

Vazhdojnë të zhvillohen dëgjesat publike me komunitetin për buxhetimin me pjesëmarrje për vitin 2018, sipas axhendës së publikuar.👍
Ditën e sotme u zhvillua takim me përfaqësues të komunitetit, fermerë dhe biznese të fshatit Vlosh, Njësia Administrative Kurjan. Të pranishëm në këtë dëgjesë ishin Kryetarja e bashkisë Roskovec znj. Majlinda Bufi së bashku me stafin e Saj drejtues;
përfaqësues nga Këshilli Bashkiak z.Ardian Metohu , z.Kudret Kuka , z.Florand Kuka , si dhe kryetari i fshatit z. Gani Hoxha.
Qytetarët shprehën kërkesat e tyre për projektet, diskutuan mbi shqetësimet dhe nevojat e tyre.
Të gjitha kërkesat e mbajtura shënim do të shqyrtohen në një fazë të dytë për të përcaktuar prioritetet për secilin fshat.
[lsvr_gallery images=”6230,6231,6232,6233,6234,6235,6236,6237,6238″ items_per_row=”4″ masonry=”yes” click_action=”lightbox”]

Degjesa publike në Ngjeqar

Ashtu siç ishte lajmëruar, ditën e sotme bashkia Roskovec filloi proçesin e buxhetimit me pjesëmarrje për vitin 2018. Sot u zhvillua dëgjesa publike në fshatin Ngjeqar, Njësia Administrative Kurjan. Të pranishëm në këtë dëgjesë publike ishin Kryetarja e bashkisë Roskovec znj. Majlinda Bufi, Krye Administratori z. Kadri Hyska, N/ Kryetari i bashkisë z. Isa Hoxha, drejtorët e drejtorive të bashkisë, dy këshilltarët z. Kudret Kuka dhe z. Fredi Feleqi , kryplaku i fshatit si dhe s’mund të mungonin përfaqësues nga komuniteti dhe biznesi.
Gjatë kësaj dëgjese qytetarët diskutuan dhe përzgjodhën projektet prioritare më të rëndësishme për zonën ku ata jetojnë. Të gjitha shqetësimet e shprehura nga qytetarët u mbajtën shënim dhe do të shqyrtohen me kujdes të veçantë nga Kryebashkiakia dhe stafi i Saj.
Ditët në vazhdim do të zhvillohen dëgjesat sipas axhendës së publikuar.
Ju ftojmë të bëheni pjesë.
[lsvr_gallery images=”6214,6215,6216,6217,6218,6219″ items_per_row=”4″ masonry=”yes” click_action=”lightbox”]

Social Qendër Komunitare

Punimet për zbatimin e projektit për ndërtimin e “Social Qendër Komunitare” vazhdojnë me ritëm të lartë. Një investim shumë i nevojshëm dhe për herë të parë në llojin e vetë si bashkëpunim i bashkisë Roskovec, Youth Act dhe financim të IADSA. Së shpejti të rinjtë e Roskovecit do të kenë një qendër ku të shtojnë horizontin, të shpalosin idetë dhe të zhvillojnë talentet e tyre.
[lsvr_gallery images=”6161,6162,6163,6164,6165″ items_per_row=”4″ masonry=”yes” click_action=”lightbox”]

Takime me të rinjtë

Ashtu siç dhe ishte lajmëruar, sot u zhvillua takimi i organizuar nga Youth Act dhe bashkia Roskovec, në kuadër të projektit “ SociAL Qendër Komunitare”. Të pranishëm në këtë takim ishin përfaqësues dhe trajnues të Youth Act, N/ Kryetari i bashkisë z. Isa Hoxha dhe të rinj dhe të reja të cilët shfaqën interes të madh mbi çka u diskutua në këtë takim. Temat e trajtuar në takim ishin:
1. Demokracia dhe qeverisja e mirë
2. Të drejtat e njeriut
3. Mosdiskriminimi
4. Shërbimet dhe shtresat në nevojë.
Duke qënë së muaji Tetor është cilësuar “ Muaji i luftës kundër trafikimit të personave”, N/ Kryetari z. Hoxha i kushtoi një rëndësi të veçantë kësaj teme gjatë këtij takimi.
[lsvr_gallery images=”6198,6197,6193,6192,6191″ items_per_row=”4″ masonry=”yes” click_action=”lightbox”]

SociAL Qendër Komunitare

Në bashkinë Roskovec çdo ditë punohet.

Sot puntorët vazhdojnë punimet për “SociAL Qendër Komunitare”. Një qendër kjo multifunksionare, bashkëpunim i bashkisë Roskovec me Youth Act dhe financim të IADSA.
Kjo qendër do të mirëpresë të gjthë ata që duan të shfrytëzojnë kohën e tyre të lirë në mënyrë frytdhënëse, duke zhvilluar talentet dhe njëkohësisht duke rritur shkallën e dijeve të tyre.
[lsvr_gallery images=”6107,6108,6109,6110,6111″ items_per_row=”4″ masonry=”yes” click_action=”lightbox”]

Në ndihmë të familjeve në nevojë

Ditën e sotme, Kryetarja e bashkisë znj. Majlinda Bufi, zhvilloi një vizitë pranë Spitalit Rajonal Fier, ku u njoh nga afër me situatën e znj. Liljana Hatillari, rast i bërë i njohur dhe publik nga mediat. Kryetarja i siguroi mbështetje zonjës dhe fëmijëve të saj dhe e garantoi se shumë shpejt do t’i mundësoi punësim një prej fëmijëve të saj. Në kuadër të projektit “Për ngritjen e Mekanizmit të bashkërendimit të Punës për Referimin e Rasteve të Dhunës në Marrëdhëniet Familjare dhe Mënyrën e Proçedimit të tij”, një bashkëpunim me Programin e Kombeve të Bashkuara për Zhvillim, PNUD , znj. Hatillari do t’i ofrohet shërbim psikologjik dhe ligjor falas.

Mbështetja e Kryebashkiakes nuk ka për t’i munguar në asnjë moment kësaj familje. Znj. Bufi ka qënë dhe vazhdon të jetë pranë familjeve në nevojë duke i ofruar ndihmën e saj për t’ia lehtësuar sadopak jetësën këtyre familjeve. Raste të njohura të cilat kanë përfituar ndihmën dhe mbështetjen e bashkisë janë : familja Fisheku në Njësinë Administrative Kuman , së fundmi fëmijët Myftaraj në Njësinë Administrative Kurjan dhe familja Hime në Njësinë Administrative Strum.
[lsvr_gallery images=”6114,6115,6116″ items_per_row=”4″ masonry=”yes” click_action=”lightbox”]

KUZ Agaçaj

Çdo ditë nga një investim i ri në bashkinë Roskovec
Kanë filluar punimet e kanalizimeve dhe ujrave të zeza në lagjen Agaçaj, Njësia Administrative Strum.
Një investim i domosdoshëm dhe shumë i kërkuar nga banorët, nga të ardhurat e bashkisë.
#Bashkia_Roskovec
[lsvr_gallery images=”5963,5964,5965,5966,5967,5968″ items_per_row=”4″ masonry=”yes” click_action=”lightbox”]

U prehsh në paqe e Madhja jonë !

Aktorja e njohur e filmit, teatrit dhe humorit zj.Hajrie Rondo, nuk ka mundur ta fitojë betejën disa vjeçare me sëmundjen.
Ajo ka ndërruar jetë sot në moshën 66-vjeçare duke lënë pas një karrierë të pasur me role në teatër dhe kinematografi.
Pak kohë më parë ajo u nderua nga bashkia Roskovec me “Çmimi i Mirënjohjejes” ,
ku ajo ndau dhe një mesazh të ndjerë për jetën.
U prehsh në paqe e Madhja jonë. Do të jesh e paharruar nëpërmjet roleve të tua të papërsëritshme.
Të qoftë dheu i lehtë!

Konferenca e Parë Zgjedhore e Organizatës Kombëtare të Dëshmorëve të Atdheut

Ditën e sotme, në ambientet e Pallatit të Kulturës u organizua Konferenca e Parë Zgjedhore e Organizatës Kombëtare të Dëshmorëve të Atdheut (OKDA). Të pranishëm në këtë takim ishin përfaqësues të familjeve të veteranëve dhe dëshmorëve, të deleguar të Kryesisë së Përgjithshme të OKDA, përfaqësues nga bashkia dhe prefektura.
Fjalën përshëndetëse e mbajti Kryetari i OKDA Fier z. Sokrat Ikonomi dhe më pas fjalën e mori i deleguari i Kryesisë së Përgjithshe të OKDA-së z. Todi Bozo dhe përfaqësuesi i prefekturës z. Maksim Goga. Qellimi i këtij takimi ishte krijimi i strukturave drejtuese të degës së re të OKDA-së.
Në mënyrë unanime antarësia dhe drejtuesit e pushtetit vendor propozuan si drejtues të Kryesisë z. Thoma Goga, N/ kryetar z. Agur Xhafa dhe z. Kasem Ruko dhe sekretar z. Gëzim Goga.
Të zgjedhurëve i urojmë suksese në detyrën e tyre të re.
[lsvr_gallery images=”5919,5920,5921,5922,5923,5924″ items_per_row=”4″ masonry=”yes” click_action=”lightbox”]