Këto ditë në të gjitha shkollat u bë dezinfektimi i tyre si masë profilaktike kundër mikrobeve dhe insekteve.
Drejtoria e Bujqësisë në bashkëpunim me njësitë administrative e ndoqi nga afër këtë proces që ka rëndësi edhe në ruajtjen e shëndetit të nxënësve, personelit mësimor dhe komunitetit që ka lidhje më shkollat. Ndiqni pamjet.
Sot më datë 16 shtator 2016 në Njësinë Administrative Kuman u zhvillua analiza 1- vjeçare e punës së Bashkisë Roskovec në shërbim të komunitetit të kësaj njësie. Merrnin pjesë banorë të njësisë dhe punonjës nga stafi drejtues i Bashkisë Roskovec.
Analizën e drejtoi zëvendëskryetari i Bashkisë z.Jorgo Begaj. Administratori i Njësisë z. Dritan Shahu renditi disa nga investimet e kryera në këtë njësi siç është ujësjellësi në Luar, ndërtimi i kanalit të ujrave të zeza në Kuman e Marinëz, hapja dhe pastrimi i kanalit shkarkues nga Luari në Vidhisht, fillimi këto ditë i shtrimit të rrugës në Luar etj. Drejtori i Shërbimeve z. Arben Duka foli për rregullimine qendrave urbane ne Vidhisht e Kuman, riparimi në kohë record i shkollave para fillimit të mësimit etj. Ndërsa drejtori i Financës z. Selman Çepele renditi disa tregues financiarë, drejtori i Bujqësisë Viktor Sakaj foli për punën e madhe që po bëhet në drejtim të hapjes dhe pastrimit të kanaleve shkarkues, ujitës dhe kullues për t’u ardhur sa më mirë në ndihmë fermerëve të zonës.
Shumë nga banorët e pranishëm bënë pyetje dhe dhe kërkuan shpjegime për disa probleme. Drejtorët dhe administratori i Njësisë z. Dritan Shahu u dhanë përgjigje.
Në këtë analizë mori pjesë edhe zëvendëskryetari i Bashkisë Roskovec z. Isa Hoxha.
Analiza të tilla që organizohen në kuadër të transparencës me komunitetin, do të zhvillohen edhe në njësitë e tjera administrative.
Matkë, shtator 2016
Bashkia Roskovec po punon për krijimin e kushteve të përshtatshme për fermerin. Kështu po punohet me ritme të larta për pastrimin e kanalit të madh kullues në Matkë me një gjatësi prej 4.2 km. Eskavatorët po i nxjerrin shtratin e kanalit i cili ka më se 12 vjet pa u pastruar.
Luar, shtator 2016
Banorët e Luarit në takimet që kanë patur me kryetaren e Bashkisë zj. Majlinda BUFI i kanë ngritur edhe problemin e një kanali shkarkues të ujrave. Mosfunksionimi i këtij kanali krijonte problem në përmbytjen e tokave në kushtet e rreshjeve të mëdha. Tashmë pastrami i këtij kanali është në përfundim.
Suk-2, shtator 2016
Shkarkimi i ujrave të zeza ishte bërë problem për banorët e Suk-2 sidomos në lagjen Agaçaj. Ditët e fundit edhe ky problem mori rrugën e zgjidhjes. Siç e shikoni edhe në këto pamje, janë hapur e po shtrohen tubacionet.
Këto punime i inspektoi edhe zëvendëskryetarja e Bashkisë zj. Bardha Begaj.
Matkë
Luar
Suk-2
Si kudo edhe në shkollat e Bashkisë Roskovec filloi viti i ri mësimor. Rrugët gjallëronin nga zërat e fëmijëve dhe prindërve që shoqëronin fëmijët e tyre në shkolla. Më të gëzuar janë vogëlushët që sot për herë të parë u ulën në bangat e shkollës. Gjallëri të veçantë kishte në gjimnazin “Adem Vrapi” Roskovec. Prej orës 8 atmosferën e gëzuar të fëmijëve e rritën edhe tingujt muzikor. Nxënës, mësues e prindër ishin përfshirë në këtë mjedis të bukur. Mes tyre ishte e pranishme edhe kryetarja e Bashkisë zj. Majlinda BUFI e cila transmetoi mesazhin e urimit për vogëlushët, nxënësit, prindërit dhe mësuesit. Ajo premtoi se pushteti vendor ashtu si deri më sot, do të jetë pranë shkollës duke plotësuar kushtet optimale për zhvillimin e procesit mësimor. Në këtë ceremoni mori pjesë edhe zëvendëskryetarja e Bashkisë zj. Bardha Begaj.
Një cerëmoni e tillë u zhvillua edhe në shkollën 9- vjeçare “Alush Grepcka” ku ishte i pranishëm zëvendëskryetari i Bashkisë z. Isa Hoxha dhe në shkollën “Goja e Artë” ku i pranishëm ishte zëvendëskryetari tjetër i Bashkisë z. Jorgo Begaj.
Ceremoni festive u organizuan në çdo shkollë të qytetit dhe fshatrave që përfshin territori i Bashkisë Roskovec.
PERSHENDETJA E KRYETARES SE BASHKISE ZJ. MAJLINDA BUFI PER FILLIMIN E VITIT TE RI MESIMOR
KRYETARJA E BASHKISE ROSKOVEC ZJ. MAJLINDA BUFI URON GJITHE BESIMTARET MYSLIMAN: GEZUAR FESTEN E KURBAN BAJRAMIT. PAQE , BEGATI DHE HARMONI PER GJITHE KOMUNITETIN KU JETOJME.
Në prag të fillimit të vitit të ri mësimor 2016-2017 në sallën e Pallatit të Kulturës Roskovec u zhvillua një takim i zgjeruar. Në këtë takim merrnin pjesë drejtorë të shkollave në territorin e Bashkisë Roskovec, drejtues të bordeve, udhëheqës artistik si dhe edukatore të kopshteve. Ndodheshin gjithashtu kryetarja e Bashkisë Roskovec zj. Majlinda BUFI, Drejtori i Drejtorisë Rajonale të Arsimit Fier, z. Shkëlqim Allkaj.
Zonja Majlinda BUFI, pasi u uroi fillim të mbarë të vitit të ri mësimor dhe falenderoi pjesëmarrësit për angazhimin e tyre në zgjidhjen e problemeve emergjente të sistemit të arsimit, informoi për punën e mirë që ka bërë dhe bën Bashkia jonë lidhur me riparimet dhe krijikmin e kushteve optimale për fillimin e shkollës.
Drejtori i Kulturës, Arsimit dhe Sportit, z. Thoma Goga paraqiti një ekspoze të shkurtër të veprimtarive kulturore artistike e sportive që janë zhvilluar në bashkëpunim edhe me shkollat gjatë vitit të kaluar mësimor. Ai shprehu gatishmërinë se edhe viti i ri mësimor do të karakterizohet nga fryma e bashkëpunimit.
Zoti Shkëlqim Allkaj e vuri theksin te zbatimi i ligjshmërisë në sistemin arsimor. Ai gjithashtu sqaroi situatën aktuale për ndarjen e teksteve shkollore. Me kërkesë të disa prindërve nga fshati Jagodinë, z. Allkaj sqaroi në të njëjtën kohë problematikën për shkollën vartëse të këtij fshati.
Si çdo të enjte edhe sot kryetarja e Bashkisë zj. Majlinda BUFI zhvilloi takimet me komunitetin. Për të qënë më pranë me popullin, pritja u zhvillua në mjediset e sektorit të marrëdhënieve me publikun. Të gjithë banorët që kishin paraqitur kërkesë për takim me kryetaren e bashkisë, u pritën, dëgjuan dhe u sqaruan lidhur me problematikën që paraqesin. Këto probleme rregjistrohen edhe në kuadër të transparencës me publikun.
Sot në qendër të fshatit Luar kryetarja e Bashkisë znj. Majlinda BUFI shkoi për të parë nga afër ambjentet e shkollës, vendin ku do të ngrihet një lapidar si dhe problemet e zakonshme. Të ndodhur rastësisht banorë, të rinj e veteranë u mbodhën për të bashkëbiseduar me kryetaren e Bashkisë zj. Majlinda. Në lokalin pranë shkollës një kafe pa protokoll dhe biseda të lirshme. Një nga pikat me të debatuara për banorët është rruga. Zj. Majlinda premtoi shtrimin e saj me çakull dhe rërë bituminoze si fazë e parë emergjente. Pasi të përfundoi studimi i grupit gjeologjik për gjurmën e rrugës, do të hidhen hapat e mëtejshëm për ndërtimin e saj sipas parametrave bashkëkohorë. Gjithashtu u ngrit edhe problem i ujit, i një kanali shkarkues si dhe sistemimi i fushës së sportit. Për të gjitha këto u dhanë përgjigje nga zj. Majlinda se shumë shpejt do të futen në rrugën e zgjidhjes .
Sot më datë 30 gusht 2016 u mblodh Këshilli Bashkiak me rendin e ditës të paracaktuar. Midis të tjerave ishin:
– Miratimi i ndihmave ekonomike për muajin gusht 2016
– Për miratimin e ndryshimeve në buxhetin e bashkisë
– Për krijimin e Inspektoriatit Vendor të bashkisë
– Për shpronësime me interes publik
– Miratim i projektit: Rikualifikim urban – Qendër Marinëz
– Projekt zhvillimor blloku nr. 2 Roskovec
Për këto e probleme të tjera këshilltarët bënë pyetje dhe, pasi u dhanë shpjegimet e duhura, u morën vendimet përkatëse.
Në mbledhje foli edhe kryetarja e Bashkisë zj. Majlinda BUFI.
Sot më datë 25 gusht, siç ka qenë dhe është bërë traditë, u festua 73 vjetori i batalionit partizan “Tefik Lapani” në fshatin Suk. Merrnin pjesë banorë të zonës dhe jovetëm, pjesëtarë të famijeve të veteranëve dhe të familjeve të dëshmorëve, intelektualë etj.
Ndodheshin edhe kryetarja e Bashkisë Roskoevc zj. Majlinda BUFI, deputetja e Qarkur Fier zj. Antoneta Dhima. Pranë lapidarit në përkujtim të kësaj ngjarjeje u vendosën kurora me lule në emër të Bashkisë Roskovec, Kom. Veteranëve të rrethir Fier, org. veteranëve dhe familjeve të dëshmorëve të zonës etj.
Mitingun e organizuar me këtë rast e hapi kryetari i Njësisë Administrative Ysenj Agaçi. Më pas, për rolin dhe kontributin e batalionit “Tefik Lapani” foli z. Thoma Meço, kryetar i Kom. Veteranëve të rrethir Fier. Pastaj përshëndeti zonja Majlinda BUFI, kryetare e Bashikisë Roskovec, deputetja Antoneta Dhima, Jakup Hazizi si përfaqësues i veteranëve të zonës.
Zoti Thoma Meço shpërndau kartat e anëtarësimit për pasardhës të familjeve të dëshmorëve dhe të veteranëve.
[lsvr_gallery images=”2604,2605,2606,2607,2608,2609,2610,2611,2612,2613,2614,2615,2616,2617,2618,2619″ items_per_row=”4″ masonry=”yes” click_action=”lightbox”]
