Skip to content Skip to left sidebar Skip to footer

Komuniteti

PËRBALLË KOMUNITETIT

– Qendra Shëndetësore Strum në analizën e punës –
Takimi i Qendrës Shëndetësore Strum mbi aktivitetin dhe performancën gjatë vitit 2015 dhe planifikimi i objektivave dhe aktiviteteve për vitin 2016, i organizuar nga Drejtoresha, Zj. Besa Hyka. Takimi u zhvillua ne ambjentete e shkollës ” 7 Dëshmorët” në Strum me mbështetjen e Drejtorit Z.Gazmir Toska.
Në takim morën pjesë zëvendëskryetari i Bashkisë Z. Afrim Plaka, Nëndrejtori i DRF Z.Ilir Xhindi, drejtorët e shkollave, kryetarët e fshatrave të Njësisë Administrative Strum, stafi mjeksor, përfaqësues të komunitetit dhe përfaqësues të Projektit Zviceran “HAP- Shëndet për të Gjithë”, të cilët janë nismëtar dhe mbështetës të këtij aktiviteti.
[lsvr_gallery images=”1308,1309,1310,1311,1312,1313,1314,1315,1316″ items_per_row=”4″ masonry=”yes” click_action=”lightbox”]

PËRKUJTOHET 5 MAJI – DITA E DËSHMORËVE

Ditën e enjte më 5 Maj 2016 në qendër të qytetit, pranë lapidarit u mblodhën shumë qytetarë, pjesëtarë të familjeve të dëshmorëve, nxënës të shkollave, intelektualë etj. Atmosferën përkujtimore e zbukuruan më shumë edhe tingujt e këngëve partizane, buqetat me lule.
Një kurorë me lule të freskëta vendosi Kryetarja e Bashkisë Roskovec zj. Majlinda BUFI. Kurora me lule u vendosën në emër të Organizatës së Veteranëve të LANÇ, të familjeve të dëshmorëve si dhe nga rinia dhe nxënës të shkollave.

Në fjalën përshëndetëse zj. Majlinda BUFI transmetoi mesazhin e nderimit për jetën dhe veprën e dëshmorëve, të ruajtjes së vlerave të mëdha që solli akti i tyre heroik, të trashëgimisë në breza të historisë sonë të lavdishme. Në emër të organizatave pjesëmarrëse në ceremoni foli z. Vasil Kola, i cili falenderoi Bashkinë e Roskovecit për organizimin e mirë të kësaj ceremonie.
Më pas veteranë e pjesëtarë të familjeve të dëshmorëve shkuan në mënyrë të organizuar në varrezat e dëshmorëve në Fier.
Kryetarja e Bashkisë Roskovec zhvilloi edhe disa vizita në familjet e dëshmorëve në Marinëz, Luar, Kuman dhe Strum.
[lsvr_gallery images=”1280,1281,1282,1283,1284,1285″ items_per_row=”4″ masonry=”yes” click_action=”lightbox”]

NGA VIZITAT E KRYETARES SË BASHKISË

Kryetarja e Bashkisë Roskovec zj. Majlinda BUFI, vijoi axhendën e saj në përkujtim të 5 Majit- Ditës së Dëshmorëve. Pas ceremonisë solemne në qendër të qytetit dhe në varrezat e dëshmorëve Fier, zhvilloi edhe disa vizita në familjet e dëshmorëve në Marinëz, Kuman, Strum dhe Kurjan. Fotoreportazhi sjell pamje nga këto vizita.
[lsvr_gallery images=”1288,1289,1290,1291,1292,1293,1294,1295,1296,1297,1298,1299,1300,1301,1302,1303,1304,1305″ items_per_row=”4″ masonry=”yes” click_action=”lightbox”]

QENDRA SHËNDETËSORE NË ANALIZË

– Sot zhvilloi analizën Qendra Shëndetësore Kurjan –
Të përfshirë me pasion në shërbim të komunitetit ku shërbejnë, mjekë dhe infermierë të Qendrës Shëndetësore Kurjan zhvilluan të mërkurrën datë 4 maj 2016 analizën e punës së tyre të deritanishme si dhe parashtruan para komunitetit objektivat dhe planifikimin e veprimtarisë për të ardhmen.
Drejtoresha e kësaj qendrë Dr. Majlinda Tafa paraqiti performancën e punës. Merrnin pjesë banorë, kryepleq të zgjedhur, intelektualë, drejtuesit e qendrave shëndetësore të Roskovecit, Strumit, Kumanit. Kjo analizë bëhet edhe me mbështetjen e projektit zviceran “Shëndet për të gjithë”.
Mori pjesë edhe zëvendëskryetari i Bashkisë z. Afrim Plaka.
Përmes videoprojektorit të pranishmit u njohën me problematikën e punës të sektorit të shëndetësisë. Gatishmëria për të qënë sa më pranë banorëve, kontrollet permanente të pacientëve me sëmundje kronike, kontrolli i nënave shtatzëna, takimet për sensibilizim dhe ruajtje ndaj sëmundjeve të riskut siç është kanceri I gjirit etj.

U sollën me transparencë para auditorit. Disa banorë ngritën probleme lidhur me kontrollin e ujit të pijshëm, përmirësimin e infrastrukturës së qendrëve shëndetësore, lidhja më e mirë me shkollën për të parandaluar disa dukuri të rrëzikshme për moshën e adoleshentëve.
[lsvr_gallery images=”1269,1270,1271,1272,1273,1274,1275,1276,1277″ items_per_row=”4″ masonry=”yes” click_action=”lightbox”]

VERIFIKOHEN DËMET E SHKAKTUARA

Moti i keq me stuhi erërash të fuqishme dhe shira të rrëmbyeshëm kanë shkaktuar dëme të mëdha në disa fermerë në zonën Suk 1. Me interesim të drejtpërdrejtë të kryetares së Bashkisë Roskovec zj. Majlinda BUFI, u ngrit një grup pune për të verifikuar dëmet e shkaktuara. Të pranishëm në këtë verfikim ishin dhe specialistë të Drejtorisë së Bujqësisë dhe Ushqimit në Fier.
Sipas akt-kontrollit rezulton se janë shkatërruar serat diellore në një sipërfaqe totale prej 18 200 m2, prishje e strukturës mbajtëse, plasmas i dalë jashtë përdorimit e mbi të gjitha prodhimet e mbjella u dëmtuan totalisht. Ky verifikim është hapi i parë që do të shoqërohet me masa dhe vendime përkatëse sipas legjislacionit.
[lsvr_gallery images=”1236,1237,1238,1239,1240,1241,1242,1243,1244,1245,1246,1247,1248,1249″ items_per_row=”4″ masonry=”yes” click_action=”lightbox”]

SEKTORI I GJELBËRIMIT DHE PASTRIMIT NË VEPRIM

Sektori i gjelbërimit vazhdon me intensitet punën e nisur muaj më parë. Parcelat e mbjella tani kanë nevojë për pastrim, ujitje dhe korrjen e barit. Edhe në rrugë e trotuare po punohet për pastrimin e tyre.
Fotoreportazhi i radhës sjell pamje nga ky sektor.
[lsvr_gallery images=”1088,1089,1090,1091,1092,1093,1094,1095,1096″ items_per_row=”5″ masonry=”yes” click_action=”lightbox”]

TAKIM TRANSPARENT ME KOMUNITETIN

Ditën e enjte më datë 31 mars 2016, në zyrat e Njësisë Administrative Kuman, kryetarja e Bashkisë zj. Majlinda Bufi dhe stafi drejtues zhvilloi një takim me përfaqësues të komunitetit të Marinzës lidhur me problemet që kanë banorët e këtij fshati. Në këtë takim transparent, ku ishin të pranishëm edhe drejtues të Drejtorisë së Shëndetit Publik Fier si dhe përfaqësues të medias, u diskutuan çështje si:
1. Problemi i ujit të pijëshëm në Marinëz.
2. Ndotja e ambientit (ujit, ajrit,tokave).
3. Punësimet në industrinë naftënxjerrëse.
4. Taksat dhe tarifat vendore.
5. Informacion në lidhje me të ardhurat që siguron bashkia nga kompania Bankers.
6. Informacion ne lidhje me investimet e kompanisë Bankers në komunitet.
7. Investimet e miratuara për t’u realizuar nga Bashkia në fshatin Marinëz për vitin 2016.
8. Investimet e planifikuara për vitet në vazhdim.
9. Dëmshpërblimet e pretenduara nga banorët. etj.

Për këto probleme kryetarja e Bashkisë zj. Majlinda Bufi dhe stafi i bashkisë dha shpjegimet e rastit.
[lsvr_gallery images=”966,967,968,969,970″ items_per_row=”4″ masonry=”yes” click_action=”lightbox”]

RIKTHEHEN “7 DËSHMORËT” NË STRUM

Pas vendimit të Këshillit Bashkiak për t’i rikthyer emrin e mëparshëm shkollës 9-vjeçare të Strumit, këto ditë u organizua një ceremoni kuptimplote. U vendos tabela me mbishkrimin “Shkolla 9-vjeçare “7 Dëshmorët” Strum”.
Në këtë ceremoni ku ishte e pranishme edhe kryetarja e Bashkisë Roskovec,
zj. Majlinda Bufi, zëvendëskryetari Afrim Plaka, mësues e nxënës të kësaj shkolle, foli kryetari i Komitetit të vetëranëve të zonës z. Jakup Hazizi.
[lsvr_gallery images=”850,851,852,853″ items_per_row=”4″ masonry=”yes” click_action=”lightbox”]

PËRSËRI FESTË NË ROSKOVEC

Sot është 7 Marsi Festa e Mësuesit, por është dhe festa jonë. Ndërsa nesër është 8 Marsi, Festa e nënave, motrave tona. Dy festa që meritojnë respektin tonë. Megjithë shiun dhe temperaturat e ulta, nxënësit e shkollave të Bashkisë Roskovec nuk e ndalën hovin e tyre drejt skenës së Pallatit të Kulturës. Në sytë e të gjithëve “lexohej” vetëm një mesazh: të përshëndesin nga zemra mësuesit, nënëat dhe motrat e tyre.
Pas përshëndetjes nga zëvendëskryetari i Bashkisë Roskovec z. Afrim Plaka, filloi koncerti nën ritmin e aerobisë nga shkolla “Alush Grepcka”. Pastaj një këngë që ka fituar çmimin e dytë në festivalin e Beratit. “Nëna Shqipëri”, këndon Armela Hajdini nxënëse në shkollën e Velmishit, teksti e muzika Edmond Çobo mësues në këtë shkollë.
Nga shkolla e Ngjeqarit vjen një recitim dhe një surprizë; nën drejtimin e mësueses së pasionuar Juli Myftari doli gazeta “Mimozat”, një tribunë më shumë për talentet e rinj.
“Ju fal këngën time”-kështu titullohet kënga që sjellin nxënësit e shkollës Marinëz. Nga shkolla e Vidhishtës vjen Katerina Kanani me këngën “E dua lumturinë”. Shkolla e gjuhëve të huaja përshëndeti me një recitim në gjuhën angleze.
Shkolla e Sukut- 2 dhe ajo e Kumanit sollën kërcime ritmike. Një tjetër talent nga shkolla e mesme Kurjan; Inis Buzi me zërin e mrekullueshëm dhe kënga “O madhër”
Në skenë nxënësja nga shkolla “Alush Grepcka” Kloaudia Isufaj me një këngë në gjuhën angleze “Girl On” na kujtoi se është një tjetër talent që dueht vlerësuar.
Nga shkolla “Adem Vrapi” gjimnazistja Erolina Hajdini në këngën “Kyçe zemrën”, ndezi atmosferën festive.
“Kuq e zi janë ngjyrat tona”që sollën nxënësit e shkollës Strum duke na bërë edhe më krenarë se “Kuq e zi” jemi të gjithë.
Është vendi të falenderojmë gjithë drejtuesit dhe udhëheqësit artistik të shkollave për kontributin e tyre në koncertet që zhvillojmë.

[lsvr_gallery images=”800,801,802,803,804,805,806,807,808,809,810,811″ items_per_row=”4″ masonry=”yes” click_action=”lightbox”]

KONCERT, EMOCIONE DHE NDERIM PËR MËSUESIT

Sot më datë 4 mars 2016 në Pallatin e Kulturës Roskovec, nën kujdesin e drejtpërdrejt të kryetares së Bashkisë zj. Majlinda BUFI u zhvillua një koncert festiv për nder të mësuesve veteranë. Para koncertit mësuesit u mblodhën e kujtuan vitet kur punonin në frontin e vështirë por të bukur të arsimit.
Pas përshëndetjeve të rastit nga zj. Majlinda Bufi dhe Drejtori I Arsimit në Fier z. Shkëlqim Allkaj, në videoprojektor u shfaqën momentet e bukura nga filmat shqiptarë për patriotët dhe mësuesit e palodhur. Moderatorja e talentuar Stelina Hajdaraga e drejtoi si profesioniste koncertin. Fëmijët e kopshtit në Roskovec, nxënës të shkollës “Alush Grepcka” , gjimnazit “Adem Vrapi”, të shkollave jopublike të gjuhëve të huaja dhe “Goja e Artë” paraqitën numrat e tyre të punuara me seriozitet. Spikati me zërin e saj këngëtarja Erolina Hajdini, valltaret e shkollës Marinëz, violinisti Redi Zoga i shkollës Suk -2.
Për përgatitjen e këtij koncerti një falenderim i veçantë u takon udhëheqësve artistikë të shkollave pjesëmarrëse. Edhe këto foto përcjellin emocionet e koncertit.

 
[lsvr_gallery images=”777,778,779,780,781,782,783,784,785,786,787,788,789,790,791,792,793,794,795″ items_per_row=”5″ masonry=”yes” click_action=”lightbox”]

Facebook
Facebook