Aktivitet Festiv

Sot është 7 Marsi, festa e Mësuesit, një festë e cila meriton gjithë respektin tonë. Ditën e sotme nxënësit e shkollave të Bashkisë Roskovec organizuan një koncert festiv në nder të mësuesve të tyre. Pallati i Kulturës u mbush anembanë me zëra të gëzueshëm. Kudo dëgjoheshin urimet e sinqerta të fëmijëve dhe gëzimi që ata ndjenin dallohej në sytë e tyre.
Të nderuar e të respektuar,mesuesit tone,kudo që jetoni e punoni,gëzuar 7- Marsin ditën tuaj!
Në këtë ditë ne ju nderojmë ju për punën e kontributin tuaj te madh që jepni për të ardhmen e fëmijëve tanë.

Buxheti lokal, të ardhurat dhe shpenzimet

Ditën e sotme u zhvillua trajnimi i fundit me stafin e bashkisë Roskovec nga Fondacioni për Liri Ekonomike. Trajnimi u zhvillua në ambientet e Pallatit të Kulturës. Tema e kësaj seance ishte “Buxheti lokal, të ardhurat dhe shpenzimet”. Gjatë gjithë trajnimit u zhvillua një bashkëbisedim i ndërsjelltë midis të dyja palëve.

E drejta për informim dhe për monitorimin e politikbërjes së qeverisjes lokale

Ditën e djeshme më datë 03.03.2017, në ambientet e Pallatit të Kulturës u zhvillua trajnimi nga “ Fondacioni për Liri Ekonomike”. Të pranishëm në këtë trajnim ishin N/ Kryetari i bashkisë Roskovec z. Isa Hoxha dhe një pjesë e stafit të bashkisë. Tema e rradhës ishte ” E drejta për informim dhe për monitorimin e politikbërjes së qeverisjes lokale. Media sociale dhe qeverisja si instrumente të dobishëm për llogaridhënie”. Ky aktivitet është pjesë e projektit të mbështetur financiarisht nga Programi i Granteve të Vogla i Komisionit për Demokraci i Ambasadës së SHBA-së në Tiranë.

Statusi i Naftëtarit

Ashtu dhe siç ishte njoftuar sot në ambientin e Pallatit të Kulturës nën kujdesin e veçantë të Kryetares së bashkisë Roskovec znj. Majlinda Bufi, u zhvillua takimi informues për përfituesit e “Statusit të Naftëtarit”. Të pranishëm në këtë takim ishin deputeti i Roskovecit z. Anduel Xhindi, Kryetar i Partisë Socialiste Roskovec z. Maksim Goga, Drejtor i Burimeve Njerëzore Albpetrol z. Artan Velçani, Drejtori Rajonal i Sigurimeve Shoqërore Fier z. Andius Olldashi dhe K/ Administratori i bashkisë z. Kadri Hyska. Në bazë të ligjit Nr. 8/ 2017, të pranishmit dhanë shpjegime mbi kriteret dhe përfitimet e këtij statusi. U zhvillua një bashkëbisedim i ndërsjelltë midis të dyja palëve dhe ju dhanë shpjegime për çdo paqartësi që ata kishin.

Rrjeti i ri KUZ

Në bashkinë Roskovec ka filluar puna për ndërtimin e rrjetit të ri KUZ në lagjen “Kodra e Spitalit” . Një problem ky i mbartur me vite të cilit më në fund po i jepet zgjidhje përfundimtare. Ditën e sotme ishte vetë Kryetarja e bashkisë znj. Majlinda Bufi e cila inspektoi punimet nga afër.

 

Fondacioni për Liri Ekonomike

Vazhdojnë trajnimet e stafit të bashkisë Roskovec nga “Fondacioni për Liri Ekonomike”. Trajnimi u zhvillua në ambientet e Pallatit të Kulturës dhe të pranishëm ishin drejtues dhe një pjesë e stafit të bashkisë. Tema e sotme e trajnimit ishte ” Buxhetimi me Pjesëmarrje, përmbajtja dhe roli i tij”. Ky aktivitet është pjesë e projektit që mbështetet financiarisht nga Programi i Granteve të Vogla i Komisionit për Demokraci i Ambasadës së SHBA-së në Tiranë.

Young liders of Roskovec

Young liders of Roskovec!
Ky është grupi më i ri i krijuar me të rinjtë e Bashkisë Roskovec. Një grup me nxënës të grup- moshave 13 -18 vjeç të cilët kanë dëshirë për tu përfshirë sa më shumë në komunitet, të japin kontributin në përmirësimin e tij, të zhvillojnë aftësitë e tyre në lidership dhe të përmirësojnë të shprehurit në gjuhën angleze.
Ky organizim ishte bashkëpunim i përfaqësuesit të “Peace Corps” Will Burchell, Ronada Hoxha Drejtoreshë e Organizatës Jo Fitimprurëse “ Gruaja, Komuniteti, Mjedisi-Harmonizuar për Zhvillim” dhe Elfrida Goga Përgjegjëse e Shërbimit Social.
Nxënësit diskutuan rreth qellimeve dhe rregullave që ky grup duhet të ketë që të mirëfunksionoj dhe nëpërmjet një proçesi votimi grupi arriti të zgjedh me konsensus emrin e tij.

 

 

INVESTIMET NE ROSKOVEC

Ditën e sotme Kryetarja e Bashkisë Roskovec znj. Majlinda Bufi inspektoi punimet e filluara në rrugët e brendshme të lagjeve “Kito Goga” dhe “Qazim Hoxha”. Gjithashtu një vëmendje të veçantë i kushtoi dhe punimeve që po kryhen për kanalet vaditëse në të gjithë territorin e Bashkisë Roskovec për ti ardhur në ndihmë fermerëve.

GRATE FERMERE

Ditën e djeshme më datë 22.02.2017, në ambientin e Pallatit të Kulturës, nën kujdesin e veçantë të Kryetares së bashkisë Roskovec znj. Majlinda Bufi u zhvillua takimi me gratë fermere. Të pranishëm në këtë takim ishin edhe N/ Kryetarja e Bashkisë znj. Hava Begaj dhe disa gra fermere të zonës tonë.
Zona jonë është një zonë bujqësore dhe bashkia Roskovec që nga fillimi i aktivitetit të saj si bashki e madhe, i ka qendruar përherë pranë fermerëve. Këtë herë vëmendje të veçantë i është kushtuar grave fermere. Kryetarja e Bashkisë shprehu se do të jetë në mbështetje dhe përherë pranë tyre për çdo problem që ato kanë gjatë përditshmërisë të punës së tyre .

INFRASTRUKTURA RRUGORE

Vazhdojnë punimet në rrugët e brendshme të lagjeve. Jo vetëm rrugët kryesore me standarte dhe parametra urbanë, por edhe rrugët dytësore. Puna është zhvendosur në rrugën “Kito Goga” për ndërtimin e trotuarëve. Rrugët e brendshme të qytetit, sistemimi dhe riorganizmi i hapsirave publike do t’i japë një tjetër pamje lagjeve dhe gjithë qytetit.