Llogaridhënia me komunitetin Rom

Në Pallatin e Kulturës, u zhvillua ditën e sotme llogaridhënia ndaj komunitetit Rom dhe Egjyptian.
Kryetarja e Bashkisë zj. Majlinda Bufi falenderoi pjesëmarrjen e qytetarëve duke mirëpritur sygjerimet , si dhe iu dha përgjigje pyetjeve të drejtuara nga qytetarët.
Transparenca është elementi kyç i këtyre takimeve.
Ky takim përmbyll dhe ciklin e takimeve të llogaridhënies publike për zbatimin e buxhetit për vitin 2018.
#LlogaridhëniePublike
#Informohu

Llogaridhënia në Suk 1 dhe Roskovec

Takimet për llogaridhënien publike, ditën e djeshme u zhvilluan në Suk 1 dhe Roskovec.
Qytetarë të interesuar për të kërkuar informacion rreth investimeve që janë realizuar me buxhetin e bashkisë për vitin 2018 dhe investimet që janë planifikuara për tu zhvilluar në të ardhmen.
Nesër kemi takime me komunitetin Rom.
#Egjithëvëmendjapërju
#Llogaridhëniepublike

Festa e Ullirit në Bashkinë Roskovec

Sot, më datë 26 Tetor 2018, me iniciativën e Kryetares së Bashkisë zj. Majlinda Bufi, Bashkia Roskovec dhe Këndi i BE-së realizuan eventin me tematikë “Ruajtja e Trashëgimisë Kulturore dhe Produkteve Lokale” në kuadër të “Festës së Ullirit” në ambjentet e Kishës “Shën Kolli”, Kurjan. Qëllimi i këtij aktiviteti ishte promovimi i restaurimit të Kishës 700- vjeçare “Shën Kolli”, Kurjan, e cila është një objekt fetar i i rëndësishëm i zonës dhe gjithashtu i historisë së Shqipërisë.
Së bashku me promovimin e këtij vendi të rëndësishëm fetar, kultivimi i bimëve të ullirit si një simbol i jetës dhe i paqes është një tjetër objektiv i këtij aktiviteti. Zona e Kurjanit është e njohur për rritje të bimëve të ullinjve dhe prandaj Bashkia Roskovec me qellim promovimin e ullinjëve si një nga vlerat më të rralla të kësaj zone, organizon për herën e tretë “Festën e Ullirit”,si një ngjarje e rëndësishme lokale dhe është e angazhuar plotësisht për të rritur ndërgjegjësimin për ruajtjen e vlerave natyrore dhe trashëgimisë kulturore dhe për t’i kthyer këto burime në një burim të rëndësishëm për zhvillimin e turizmit.
Në këtë aktivitet ishin të pranishëm përfaqësuesi i Delegacionit të BE-së, Tiranë z. Stefano Cominelli; Ambasadorja e Sllovenisë në Shqipëri zj. Lea Stančič, Ambasadori i Spanjës në Shqipëri z. Vicente Canelles, Deputetja e Fier-it zj. Antoneta Dhima, Drejtori i Agjensisë për Mbështetjen e Vetëqeverisjes Vendore z. Bekim Murati, përfaqësues nga institucionet qendrore dhe vendore, përfaqësues të projekteve të ndryshme të cilat zbatohen në Bashkinë e Roskovecit.
Festa ishte e mbushur me aktivitete të ndryshme si :
– Komedia teatrale “Vëllazëri me Interes” nga aktorët e teatrit “Bylis”, Fier;
– Panairi me produktet vendase;
– Ekspozita me aktivitete për Bashkimin Evropian të realizuara nga Këndi i BE- Roskovec;
– Promovimi i produkteve të realizuara nga Projekti “ Sapuni Organik Roskovec” i realizuar me mbështetjen e projektit ReLoAD të finacnuar nga Bashkimi Europian dhe ekspozita fotografike e realizuar nga projektit “Rini- Art- Aktivizëm”;
– Prezantimi i Projektit “ Zhvillimi i Fshatit Luar” në kuadër të Programit 100 Fshatrat;
Aktiviteti u mbyll nën tingujt e zërit melodioz të këngëtares Rovena Dilo.
Ta gezojmë festën e festofshim gjithmonë së bashku!

Inagurimi i Qendrës Social Komunitare

Inaguruam ditën e sotme Qëndrën Social Komunitare, bashkëpunim midis Bashkisë Roskovec dhe YouthAct Albania dhe financim të Italian-Albanian Debt for Development Swap Programme IADSA. Një qendër kjo e bërë familjare jo vetëm për të rinjtë e Roskovecit por dhe nga katergori të tjera: të moshuarit, gratë kryefamiljare, gratë sipërmarrëse etj.
Kërkesat dhe nevojat e komunitetit janë në rritje, prandaj Bashkia Roskovec e kishte prioritet ndërtimin e një qendre qëllimi i së cilës është të ndihmojë të rinjtë dhe jo vetëm , të shtojnë horizonte, të shpalosin idetë dhe mendimet e tyre, të përkrahen dhe të argëtohen.
Në këtë event morën pjesë përfaqësues të IADSA, Youth Act dhe përfaqësues nga Konsullata e Italisë në Shqipëri.
Pas prerjes së shiritit të inagurimit nga Kryetarja e Bashkisë zj. Majlinda Bufi, të pranishmit vizituan ambientet e qendrës dhe ekspozitën fotografike e cila prezantonte të gjitha aktivitetet e zhvilluara nga të rinjtë roskovecarë.
Sesioni tjerër vazhdoi me konkursin midis 5 grupeve të rinjëve për idenë më të mirë në biznes, idetë e të cilëve u vlerësuan nga një komision jurie.
Kryetarja e Bashkisë zj. Majlinda Bufi prezantoi dhe thirrjen për projekt ide të shpallur nga Bashkia për të gjitha ato gra të cilat drejtojnë një biznes ose që kanë një ide për të hapur një biznes.
Eventi u mbyll me aktivitetet: ekspozitë me piktura nga të rinjtë roskovecare, performacë muzikore dhe interpretime të poezive të shkrimtarëve më të njohur shqipëtar.
Ta gëzojmë Qendrën Social Komunitare së bashku!

Promovim Libri nga znj.Mimoza Xhindi

Ditën e djeshme, në ambientet e Bibliotekës Publike Roskovec promovuam krijimtarinë letrare të autores zj. Mimoza Xhindi.
Libri saj i parë me titull ”Aromë përjetësie” i botuar në vitin 2011. Libër kushtuar figurës së mirënjohur, vëllait, mikut, shokut, Qytetarit të Nderit, Ish Deputetit tonë Z. Fatmir Xhindi, Postmortum.
Autorja në këtë libër shpalos botën e saj të brendshme, dhimbjen e pamat që la ikja e tij, familjes, e gjithë atyre, që patën fatin ta njihnin Fatmirin.
Libri i dytë i Mimozës, i sapo dalë nga botimi i kushtohet punës së saj 20-vjeçare si mësuese, është libri me titull “I kam në sytë e mi”, ku shpreh me shumë pasion profesionin e saj fisnik, më të bukurin në botë, ( sic e quan vet ajo) “Mësuesinë” përkushtimin e dashurinë për nxënësit e punën me ta.
I urojmë Mimozes shumë suksese në rrugën e krijimtarisë, e punën e saj fisnike në edukimin e brezave të rinj!

Llogaridhënie në Arapaj, Suk 1 dhe Suk 2

Takimet për llogaridhënien publike për zbatimin e buxhetit të Bashkisë për vitin 2018 vijuan në Arapaj, Suk 1 dhe Suk 2, Njësia Administrative Strum.
Këto takime i drejtoi Zv. Kryetari i Bashkisë Roskovec z. Maksim Goga.
Sot do të vijojmë në Roskovec. ✅
Në orën 15:00 takohemi në Jagodinë. 😊
#egjithëvëmendjatekju

Lllogaridhënie në Strum dhe Velmish

Kryetarja e Bashkisë zj. Majlinda Bufi së bashku më disa përfaqësues të Bashkisë zhvilluan takimet publike në Velmish dhe Strum.
Përsëri tematika e këtyre takimeve ishte llogaridhënia për zbatimin e buxhetit për vitin 2018.
Kryebashkiakia prezantoi të gjitha investimet e planifikuara, të cilat janë kërkesat prioritare të këtyre banorëve të identifikuara në proçesin “Buxhetimi me pjesëmarrje të komunitetit”.
#egjithëvëmendjapërju
#BashkiaRoskovec

Takim pune me drejtuesit e shkollave

Pasqyrimi i një takimi pune me drejtuesit e shkollave të Bashkisë Roskovec.
E pranishme në këtë takim ishte dhe drejtoresha e Drejtorisë Arsimore Rajonale Fier zj. Yllka Beci.
Kryebashkiakia zj. Majlinda Bufi uroi një vit të mbarë mësimor për të gjithë mësuesit të cilët çdo ditë përçojnë dijen dhe edukojnë brezat.
Zj. Bufi u bëri me dije drejtuesëve të shkollave vendimin e Këshillit Bashkiak për rimbursimin e vlerës së paketës së librave për të gjithë fëmijët e klasës së pestë. 📚
Po ashtu Kryetarja theksoi se arsimi është dhe do të jetë në vëmendje të Bashkisë Roskovec përmes investimeve të vazhdueshme në infrastrukturën shkollore, duke krijuar kushtet që stafet pedagogjike dhe nxënësit meritojnë.✅

Pastrimi i kanaleve në Velmish

🔛Pas disa kanaleve që pastrohen dhe që i kemi pasqyruar ,
filloi dhe vazhdon puna për pastrimin e kanalit kullues K 37 në Velmish.
Angazhimi dhe puna jonë do të vazhdojë deri në rehabilitimin e plotë të kanaleve kulluese në të gjithë territorin e Bashkisë Roskovec , duke garantuar siguri dhe cilësi të prodhimeve bujqësore dhe investimeve të fermerëve.✅

Mbledhja e Këshillit Bashkiak

Ditën e djeshme, më datë 18. 10. 2018 u zhvillua mbledhja e rradhës e Këshillit Bashkiak.
Në rendin e ditës u trajtuan këto çështje.:
1. Miratimi i fondit për pagesën e personave me aftësi të kufizuar dhe invalidëve të punës për periudhën 1-31 Tetor 2018.
2. Dhënia e Ndihmave Ekonomike për periudhën 1-31 Tetor 2018.
3. Dhënia e Ndihmës Ekonomike nga fondi i kushtëzuar deri në 6% për periudhën 1-30 Shtator 2018.
4. Miratimi i dhënies mendimi për nivelin e ri të tarifave,të ujësjellës-kanalizime SH.A Roskovec.
5. Fillimin e proçesit gjyqësor përkatës.
6. Prishje objekti “Godinë një-katëshe ish-Komuna Strum”
7. Ndërtimin e një godine 3 katëshe për Strehim Social.
8. Pagesa e qerasë për familjet në nevojë.
9. Miratim fondi për marrjen me qera të objekteve private në Njësinë Administrative Strum për tu përdorur nga Shkolla 9-vjeçare Suk 2.
10. Për informacion dhe njohje e Këshillit në lidhje me marrveshjen e investimit nënshkruar ndërmjet Fondit Shqiptar të Zhvillimit dhe Titullarit të Bashkisë Roskovec me objekt “Projekt zhvillimor i Bllokut Nr.2 Roskovec”. Bashkengjitur VKB “Rikualifikimi Urban dhe Zhvillimor i Bllokut Nr.2,Qendra e qytetit Roskovec”.
11. Dërgim i raportit të monitorimit për 4-mujorin e II viti 2018 nga Drejtoria Ekonomike e Bashkisë.
12. Axhenda e takimeve në komunitet në lidhje me llogaridhënien e zbatimit të buxhetit 2018.

Për këto e disa probleme shtesë të tjera që u trajtuan në mbledhje të Këshillit Bashkiak u dhanë shpjegimet përkatëse nga Kryetarja e Bashkisë znj. Majlinda Bufi dhe stafi i bashkisë.
Ju rikujtojmë se mbledhjet e Këshillit janë të hapura.
#Informohuni!
#Mbledhje_Këshillit_Bashkiak