Bashkia

Në datat 22-26 Nëntor, Shoqata për Autonomi Vendore do të zhvilloj një vizitë zyrtare në Landin e Rinit të Westpahalisë Veriore, në Republikën Federale të Gjermanisë, ku do të pritet nga autoritete të larta të pushtetit qendror dhe lokal të këtij landi përfshirë, kryeministrin, ministrat, deputetë dhe kryetarët e bashkive kryesore të landit. Kjo vizitë përkon me 30 vjetorin e rivendosjes së marrëdhënieve diplomatike mes Shqipërisë dhe Gjermanisë, dhe përpos takimeve bilateral ajo do të kulmojë me zhvillimin e Konferencës me temë:“Dita e Dialogut me Diasporën”.
Në përbërje të delegacionit Shqiptar nga Shoqata për Autonominë vendore do të jenë të pranishëm disa prej anëtarëve të kësaj Shoqate, kryebashkiakët e Fierit, Korçës, Vlorës, Librazhdit, Patosit, Roskovecit, Bulqizës, Mirditës, Gramshit, etj. Pjesëmarrës në këtë event do të jenë edhe autoritete të larta shtetërore të qeverisjes qëndrore.
Qëllimi i kësaj vizite të nivelit të lartë, është nxitja e nënshkrimit të marrëveshjeve të bashkëpunimit mes Kryetarëve të bashkive të Shqipërisë, përfaqësuar nga Shoqata për Autonomi Vendore, me Kryebashkiakët e Landit Verior të Gjermanisë, përfaqësuar nga Kryetarët e bashkive Dusseldorf, Hagen dhe Essen, me fokus zhvillimin e projekteve pilote në zona të ndryshme të Shqipërisë.
Bashkëpunimi mes bashkive Shqiptare dhe atyre Gjermane, parashikohet të shtrihet në fushat e administrimit komunal dhe mjedisit, menaxhimit të mbetjeve të të gjitha llojeve dhe integrimit të koncepteve të energjive të rinovueshme nga bashkitë Shqiptare në lokalitetet e tyre.
Nga ana tjetër, të pranishëm në këtë vizitë, biznesmen nga Shqipëria do të prezantojnë produktet dhe ofertat e tyre lokale. Ndërkohë, janë ftuar edhe biznesmenët nga diaspora Shqiptare në Gjermani, të cilët do të njihen me mundësitë që ofrojnë bashkitë e vendit tonë në lidhje me potencialin për investime të huaja.

Në kuadër të projektit ReLOaD, i cili financohet prej Bashkimit Europian dhe në partneritet midis Programit të Kombeve të Bashkuara për Zhvillim ( PNUD) dhe bashkisë Roskovec u zhvillua dëgjesa publike, gjatë të cilës pjesëmarrësit shprehën mendimet dhe idetë e tyre në lidhje me çështje dhe problematika të ndryshme sociale.
Disa nga projekt- ide prioritare që të pranishmit ngritën ishin:
Rivitalizimi i jetës kulturore dhe artistike në komunitet, promovimi i vlerave artistike dhe artizanatit, fuqëzimi ekonomik dhe implementimi i formave të reja në menaxhimin e iniciativave bujqësore, etj.
Të pranishëm në këtë takim ishin Administratori i përgjithshëm z. Kadri Hyska, N/ Kryetari i bashkisë z. Isa Hoxha, Përgjegjësia e Shërbimeve Sociale znj. Elfrida Goga, anëtar të Këshillit Bashkiak Roskovec , Drejtues të Instuticioneve Arsimore, përfaqësuesi i Peace Corps z. Robert White, të rinj e të reja të cilët kanë interes të madh për të dhënë kontributin e tyre për një të mirë të përbashkët.
[lsvr_gallery images=”6644,6645,6646,6647,6648,6649,6650,6651″ items_per_row=”4″ masonry=”yes” click_action=”lightbox”]

Sot Kryeministri z. Edi Rama inaguroi rikonstruksionin e plotë të shkollës “7 Dëshmorët” Strum.
Të pranishëm gjatë këtij inagurimi ishin z. Damian Gjiknuri Ministër i Infrastrukturës dhe Energjitikës, përfaqësues të kompanisë Trans Adriatic Pipeline (TAP), Kryetarja e bashkisë Roskovec znj. Majlinda Bufi, Prefekti i Qarkut Fier z. Baki Bala, Deputeti i Roskovecit z. Anduel Xhindi, Drejtori i Drejtorisë Arsimore Fier z. Shkëlqim Allkaj dhe stafi drejtues i shkollës “7 Dëshmorët”.
Sot fëmijët e Strumit kanë një shkollë tërësisht të trasformuar, me kushte bashkëkohore dhe me një standard që nuk duhet cënuar. Falenderojmë Trans Adriatic Pipeline (TAP) për mbështetjen financiare të dhënë për rikonstruksionin e kësaj shkolle.
Qeveria Shqiptare dhe bashkia Roskovec do të vazhdojnë të jenë pranë gjithmonë për të standardizuar infrastrukturën dhe përsosur shërbimet.
[lsvr_gallery images=”6628,6629,6630,6631,6632,6633,6634,6635,6636,6637″ items_per_row=”4″ masonry=”yes” click_action=”lightbox”]

Një lajm i mirë për banorët e Marinzës.
Ditën e djeshme Qeveria Shqiptare mori vendimin për dëmshpërblimin e familjeve banesat e të cilave janë shkatërruar nga lëkundjet e tokës.
 
 

Ditën e sotme u zhvilluan dëgjesat publike për prezantimin e planit të investimeve dhe të paketës fiskale për vitin 2018. Të pranishëm në këtë prezantim ishin Administratori i përgjithshëm z.Kadri Hyska, drejtori i Financës z. Selman Çepele , drejtori i Investimeve z. Arben Dukaj dhe përfaqësues të sektorëve të ndryshëm. Paneli drejtues pasqyroi investimet dhe shërbimet e realizuara gjatë vitit 2017 dhe u diskutua mbi projektet prioritare që vetë qytetarët kishin përcaktuar gjatë proçesit të iniciuar nga bashkia Roskovec “Buxhetimi me pjesëmarrje të komunitetit”.
[lsvr_gallery images=”6600,6599,6598,6597,6596″ items_per_row=”4″ masonry=”yes” click_action=”lightbox”]

Ditën e sotme, përfaqësues të bashkisë Roskovec zhvilluan një vizitë pranë shtëpisë së z. Dashnor Myrto , banues në Strum, për tu njohur më nga afër me situatën e vajzës së tij Xhesika e cila pak kohë më parë pësoi një aksident rrugor. Kryetarja e bashkisë Roskovec znj. Majlinda Bufi sapo u informua për këtë ngjarje u interesua për gjendjen e vajzës dhe shprehu mbështetjen e saj.
Kryebashkiakia znj. Bufi ashtu si dhe në çdo rast tjetër siguroi se ndihma e saj s’ka për t’i munguar kurrë familjeve në nevojë. Mbështetja e Kryetares dhe e bashkisë janë të padiskutueshme.
[lsvr_gallery images=”6583,6584,6585,6586,6587″ items_per_row=”4″ masonry=”yes” click_action=”lightbox”]

Një lajm i shumëpritur dhe shumë i nevojshëm për banorët e fshatit Marinëz dhe Jagodinë.
Një tjetër premtim i mbajtur nga Kryetarja e bashkisë Roskovec znj. Majlinda Bufi.
Sot, Kryebashkiakia Bufi i dha lajmin e mirë banorëve për fillimin e punimeve për ndërtimin e ujësjellësit në këto dy fshatra.
Një problem ky i trashëguar me dekada por së shpejti do t’i jepet zgjidhje përfundimtare.
[lsvr_gallery images=”6574,6575,6576,6577,6578,6579,6580″ items_per_row=”4″ masonry=”yes” click_action=”lightbox”]

Si çdo fillim jave dhe sot u zhvillua mbledhja e Kryetares së bashkisë Roskovec znj. Majlinda Bufi me stafin drejtues të bashkisë. U diskutuan detyrat e përfunduara të caktuara nga java paraardhëse dhe problematikat qe hasen gjatë punëve të përditshme. Gjithashtu iu caktuan gjithësecilit detyrat që duhen zbatuar për këtë javë.
Të jemi transparent ndaj komunitetit është detyrim ligjor por mbi të gjitha moral.
[lsvr_gallery images=”6565,6566,6567,6568,6569″ items_per_row=”4″ masonry=”yes” click_action=”lightbox”]