Bashkia

Ditën e djeshme, në ambientet e Qendrës Sociale Komunitare u zhvillua një takim me përfaqësues të komunitetit Rom.
Qëllimi i ketij takimit ishte prezantimi i çmimit të dhënë nga Parlamenti Evropian për Kryetaren e Bashkisë Roskovec zj.Majlinda Bufi “Kryetar i Bashkisë më Miqesor me Romët”.[lsvr_gallery images=”10863,10864,10865,10866,10867″ items_per_row=”4″ masonry=”yes” click_action=”lightbox”] Në ketë takim ishin të ftuar special : Zj.Merita Xhafa përfaqesuese e Ministrisë së Shëndetësisë dhe e Mirëqenies Sociale, z. Adriatik Hasantari, Drejtor Ekzekutiv i organizatës” Roma Active Albania ( RAA)”, z. Erion Xhaibra anëtar i Komitetit Shtetëror për minoritet pranë Kryeministrisë ,z. Latif Kazanxhiu, aktivist dhe mësuesi i pare i gjuhës Rome, zj.Brisilda Taco, aktiviste Rome,z. Danjel Hyseni pjesë e stafit të organizates RAA, z. Dritan Ziu pjesë e stafit të organizates RAA, z. Sead Kazanxhiu Konsuleti i “Romacted” nga Këshilli i Evropës.
Takimin e hapi Kryetarja e Bashkisë Roskovec zj.Majlinda Bufi, e cila falenderoi të gjithë pjesëmarresit në atë takim dhe për mbështetjet e tyre në iniciativat që Bashkia Roskovec ka ndërmarrë për integrimin e komunitetit Rom dhe Egjiptian.
Me pas të ftuarit mbajtën fjalën e tyre përshëndetëse, ku përveç urimeve për këtë çmim të merituar, theksuan bashkëpunimin e mëtejshëm me Bashkinë Roskovec për fuqizimin e komunitetit Rom dhe Egjiptian.
Ne fund te takimit Kryetarja zj. Bufi prezantoj edhe një platforme të re e komunikimit midis komunitetit rom dhe Egjiptian dhe Bashkisë Roskovec, e cila do te shërbej si urë lidhëse për referimin e problematikave qe ka ky komunitet.
U përzgjodhen 5 anëtarë të propozuar dhe të miratuar vetë nga komuniteti Rom dhe Egjiptian.
#PromovimiQeverisjesDemokratike
#IntegrimiKomunitetitRomdheEgjiptian
#BashkiaRoskovec

Të rinjtë janë shtylla kryesore e një shoqërie dhe ata që do të përcaktojnë të ardhmen e çdo shoqërie të caktuar.
➡️Për këtë arsye Bashkia Roskovec i ka prioritizuar projektet për të rinjtë si nga projektet më të nevojshme dhe kryesore.
Kemi filluar një tjetër projekt “ Bordi Rinor Këshillmor”, i cili ka për qëllim të përmirësojë politikat dhe praktikat lokale për angazhimin rinor në vendosjen e prioriteteve dhe vendimmarjen lokale.
Bordi Rinor Këshillimor do të ngrihet në kuadrin e projektit “Për një pjesëmarrje reale të të rinjve në vendim marrjen lokale në bashkitë Roskovec dhe Ura Vajgurore” nga projekti i USAID, “Zhvillimi i Përshpejtuar i Shoqërise Civile” zbatuar nga shoqata NEW BRIDGES BERAT.
Bordi Rinor Këshillimor do të funksionojë si një strukturë këshilluese nga të rinjtë për të rinjtë pranë Këshillit Bashkiak Roskovec dhe do të ketë për qëllim rritjen e përfaqësimit të të rinjve të Bashkisë Roskovec në nivel lokal në të gjitha fazat e vendimmarrjes e hartimit të politikave për të rinjtë.
Rinia është e ardhmja jonë.
Investojmë sot për një të ardhme më të mirë!
#RiniAktive
#BordiRinorKëshillmor
#NewBridgesBerat
#BashkiaRoskovec[lsvr_gallery images=”10793,10794,10795,10796,10797″ items_per_row=”4″ masonry=”yes” click_action=”lightbox”]

F A L E M I N D E R I T !
Roskoveci tregoi edhe një herë qytetari duke i’u përgjigjur menjëherë thirrjes së bërë një ditë më parë për t’ju ardhur në ndihmë familjeve të dëmtuara prej tërmetit
Faleminderit të gjithë banorëve, bizneseve, donatorëve , shkollave dhe qendrat shëndetësore të Bashkisë Roskovec që ndihmuan duke dhënë kontributin e tyre me paketa ushqimore e higjenike, veshmbathje e batanije, të cilat janë nisur sot drejt pikave të grumbullimit për famijet në nevojë të zonës së Durrësit dhe Tiranës.
Bashkia Roskovec do të vazhdojë të qëndrojë e hapur për të gjithë ata të cilët duan të kontribuojnë sipas mundësive dhe dëshirës në ditët në vijim.
Pafundësisht mirënjohje për solidaritetin e treguar në këto ditë të vështira!
#Solidaritet
#Tëgjithëbashkënemundemi
#Mirënjohjedhefalenderimetëpërzemërta[lsvr_gallery images=”10600,10601,10602,10603,10604″ items_per_row=”4″ masonry=”yes” click_action=”lightbox”]

Solidaritet dhe mbështetje për çdo familje në këtë situatë të vështirë!

Shqipëria sot është në zi si pasojë e tërmetit shkatërrues, i cili preku vendin.

Bashkia Roskovec solidarizohet me dhimbjen e familjarëve për jetët e humbura nga kjo fatkeqësi natyrore !

 Kryetarja e Bashkisë Roskovec zj. Majlinda Bufi shpreh ngushëllimet më të sinqerta .

Duket filluar prej ditës së sotme, të gjithë qytetarët dhe bizneset të cilët kanë mundësi të kontribuojnë sado pak për t’iu ardhur në ndihmë personave në nevojë , të dhurojnë veshëmbathje, batanije, ushqime të shportës…

Dhurimet mund të sillen pranë Qendrës KomunitareSociAL  në qytetin e Roskovecit.

Për t’u ardhur në ndihmë të gjitha familjeve të dëmtuara nga tërmeti, Kryeministria ka vendosur në dispozicion disa llogari bankare.

Në këtë situatë të vështirë, cdo kontribut i juaj sado i vogël ka një vlerë mjaft të madhe.

Sot duhet  të bëhemi bashkë më shumë se kurrë!

Më shumë informacion mbi titullin e merituar “Kryetari i Bashkisë më miqësor me Romët”, pas vlerësimit nga Parlamenti Evropian.
Më datë 19 Nëntor, në Bruksel, u organizua ceremonia e ndarjes së çmimeve për shtatë Kryetarët e bashkive në Ballkanin Perëndimor dhe Turqi.
Shtatë kryetarët e bashkive fituese janë: zj. Majlinda Bufi, Bashkia Roskovec, Shq[lsvr_gallery images=”10756,10757,10758,10759″ items_per_row=”4″ masonry=”yes” click_action=”lightbox”]ipëri; z. Aldin jljivo, Komuna e Kakanj, Bosnje dhe Hercegovinë; z. Kurto Dudush, Komuna Shuto Orizari, Maqedonia e Veriut; z. Imri Ahmeti, Komuna e Lipjanit, Kosovë; zj Saida Čikić, Komuna e Bijelo Polje, Mali i Zi; z. Vladan Glišić, Qyteti i Beogradit, Serbi; z. Abdül Batur, Komuna e Konak, Turqi.
Në ceremoninë të shtatë fituesit u mirëpritën nga anëtari i Parlamentit Evropian z. Romeo Franz; zj. Marta Garcia Fidalgo, Komisioni Evropian DG NEAR, Koordinator i politikës së romëve, z. Adriatik Hasantari, Drejtori i Roma Active Albania dhe Gabriela Hrabanova, Drejtore e Rrjetit ERGO.
Fushata “Kryetari më miqësor me Romët” është pjesë e projektit të financuar nga IPA “Iniciativa e përbashkët për fuqizimin e shoqërisë civile rome në Ballkanin Perëndimor dhe Turqi” që drejtohet nga Roma Active Albania dhe ERGO Network dhe synon të mobilizojë komunitetet rome dhe të forcojë kapacitetet e tyre ekzistuese për t’u përfshirë në një dialog me autoritetet publike.
Si më poshtë fjalimi i Kryetares së Bashkisë Roskovec zj. Bufi gjatë ceremonisë së ndarjes së çmimeve.
Të dashur miq, kolegë dhe pjesëmarrës.
Mbajtja e një fjalimi këtu si fituese nuk është e lehtë për mua.
Kam bërë fushatë, kam folur, jam gëzuar , por kurrë nuk jam ndier si sot.
Ata që duhej të ishin këtu sot, nuk janë. Ata që e meritojnë këtë vlerësim, në fakt, nuk më dëgjojnë tani.
Unë jam kryetare në mandatin tim të dytë, në një komunitet jo shumë të madh. Vendi im nuk është një metropol, atje të gjithë e njohin njëri-tjetrin, atje përshëndetemi me njëri-tjetrin jo më pak se dy herë në ditë, që do të thotë se njohim historinë e njëri-tjetrit. Ata janë atje mes nesh: Makeliani, Aleksandri, Vezirja, Veizi, Drita dhe të gjithë të tjerët.
Nuk ka shumë, 360 (treqind e gjashtëdhjetë) banorë, gati 80 (tetëdhjetë) familje, fëmijë dhe të rritur, gra dhe vajza, të moshuar. Ndonjëherë ata ndjehen edhe të irrituar, të diskriminuar, të mbingarkuar, jo të barabartë, edhe pse janë qenie njerëzore, ashtu si të gjithë.
Nuk kam dashur të flas për ato që kemi bërë në katër vjet, përmirësimin e kushteve të jetesës, mbështetjen e grave, organizimin e rinisë dhe të gjitha nismat e tjera.
Ato nuk janë asgjë tjetër përveç detyrim ligjor dhe moral që çdo kryetar, administratë apo punonjës ka si pjesë të punës së vet.
Të gjitha politikat, përmirësimet ligjore që janë ndërmarrë nga qeveria shqiptare nuk janë asgjë më shumë se ajo që në thelb përbën punën e saj të përditshme.
Roskovec është i vogël, me vetëm 34,000 (tridhjetë e katër mijë) banorë dhe po kështu është edhe komuniteti Rom dhe Egjiptian.
Por secila prej tyre është një shpirt, një shpirt, një qenie me historinë e vet…
Ju nuk keni nevojë për një lagje të veçantë diku jashtë qytetit, por për të përmirësuar kushtet e jetesës ku jeton ajo familje, në lagjen me ju dhe të tjerët.
Ju nuk keni nevojë të trajtoheni ndryshe, por ashtu si çdo anëtar tjetër i komunitetit tuaj.
Për të siguruar të njëjtën hapësirë ligjore, të njëjtën mundësi ankese, të njëjtën zgjidhje praktike…
Dhe së fundmi për të krijuar atë që është më e rëndësishme, besimi se dera e komunës është e hapur edhe për atë individ Rom.
Se zyra në të cilën trokasin është e barabartë e hapur për çdo grua, pa marrë parasysh se në cilin komunitet i takojnë.
Për katër vjet ne jemi munduar të japim edhe më shumë buzëqeshje përveç zgjidhjeve, por mbi të gjitha për të ndërtuar besimin se si drejtues, ju jeni në gjendje t’u shërbeni atyre me të njëjtën sjellje dhe angazhim si çdo qytetar tjetër, me qasje pozitive.
Dhe ne do të vazhdojmë me të njëjtën qasje, me të njëjtën dëshirë.

Organizata Social Development Investment (SDI), është duke zbatuar një projekt me një kohëzgjatje prej 8 muajsh (Qershor 2019 – Janar 2020) në bashkëpunim me Bashkinë Roskovec, si pjesë e Programit Rajonal për Demokraci Vendore në Ballkanin Perëndimor (ReLOaD) që financohet nga Bashkimi Evropian dhe zbatohet nga Programi i Kombeve të Bashkuara për Zhvillim (UNDP).
Organizata do të zhvillojë procedurën e prokurimit me konkurrim për “Ftesë Ofertë për Materiale Paketimi”.
Preferohen ofertues që janë të rregjistruar në Roskovec.
Data e fundit e dorëzimit të ofertës do të jetë 26.11.2019.
Jemi ne pritje te aplikimeve tuaja.
Ju faleminderit!

Për të gjithë studentët!
📌📌📌Njoftojmë të gjithë studentët e arsimit universitar në Institucionet e Arsimit të Lartë Publik viti i I (parë),
Në bazë të VKM Nr.39 datë 23.01.2019 “Për disa ndryshime në Vendimin Nr.903 datë 21.12.2016 të Këshillit të Ministrave “Për përcaktimin e kritereve për përfitimin e bursave nga fondi i mbështetjes studentore, për studentët e shkëlqyer, studentët që studiojnë në programe studimi në fushat prioritare dhe studentët në nevojë” të ndryshuar, në rast se doni të aplikoni për një nga bursat e shtetit sipas kritereve që përcaktohen në VKM Nr.39, duhet të paraqiteni pranë sekretarive të universiteteve të bëni kërkesë dhe të aplikoni për bursë.
📌Lutemi që të gjithë ata persona që lexojnë këtë postim, të informojnë studentët që njohin ose të afërmit e tyre, në mënyrë që të kenë mundësinë për të aplikuar dhe fituar. 🙏🙏